لوئر کرم بگن چار خیل اور مندوری میں فوجی آپریشن
اشاعت کی تاریخ: 24th, February 2025 GMT
سرکاری ذرائع کے مطابق سیکیورٹی فورسز نے آپریشن کے دوران چار ٹرک لوٹا ہوا سامان ان علاقوں سے برآمد کیا ہے اور درجنوں دھشتگردوں کو گرفتار کر لیا ہے اسلام ٹائمز۔ لور کرم میں بگن، مندوری، چار خیل اور ڈاڈ کمر کے علاقوں میں دہشتگردوں کے خلاف سیکیورٹی فورسز کی آپریشن جاری ہے۔ جہاں پچھلے نومبر سے 17 فروری تک تین مرتبہ سیکیورٹی فورسز کی نگرانی میں پارا چنار جانے والے اشیاء خوردونوش پر مشتمل مال بردار گاڑیوں کے قافلوں مسلح حملہ کیا جاچکا ہے۔ گاڑیوں کو لوٹنے کے علاوہ جلایا گیا اور انکے ڈرائیوروں کو قتل کیا گیا۔ اسی پر اکتفا نہ کیا گیا بلکہ گاڑیوں کے فریمز کو سکریپ میں لے کر بیچا گیا۔
سرکاری ذرائع کے مطابق سیکیورٹی فورسز نے آپریشن کے دوران چار ٹرک لوٹا ہوا سامان ان علاقوں سے برآمد کیا ہے اور متعدد دھشتگردوں کو گرفتار کر لیا ہے۔
خیال رہے کہ کانوائے لوٹنے کے بعد اپر کرم میں ایک بار پھر اشیاء کی قلّت پیدا ہو گئی ہے۔ موجود اشیاء چار گنا ریٹ پر فروخت ہورہے ہیں۔ شاہراہوں کی بندش کی وجہ سے لوگ شدید مشکلات سے دوچار ہیں۔ خصوصا فیول اور گیس نہ ہونے کی وجہ لوگ انتہائی مشکلات سے دوچار ہیں۔
ذریعہ: Islam Times
کلیدی لفظ: سیکیورٹی فورسز
پڑھیں:
اے ایس ایف کا کامیاب آپریشن، 1.5 کلو منشیات ضبط
ایئرپورٹس سیکیورٹی فورس نے پشاور اور ملتان انٹرنیشنل ایئرپورٹس پر کارروائیوں کے دوران 1.5 کلو سے زائد منشیات برآمد کی ہے۔ تفصیلات کے مطابق اے ایس ایف اہلکاروں نے مسافروں کے سامان کی کمال مہارت سے تلاشی کے دوران منشیات برآمد کیں۔ ترجمان ایئرپورٹس سیکیورٹی نے بتایا کہ پشاور ایئرپورٹ پر ایک مسافر کے جوتوں کے اندر سے خفیہ طور پر چھپائی گئی 823 گرام چرس برآمد کی گئی جبکہ ملتان ایئرپورٹ پر ایک اور مسافر کے سامان سے 926 گرام آئس ہیروئن برآمد کی جو کے بیگ کے اندر بڑی ہوشیاری سے چھپائی گئی تھی۔ دونوں مسافر بیرون ملک، بالترتیب دبئی اور شارجہ، روانہ ہو رہے تھے۔ یہ کامیابیاں اے ایس ایف کے تربیت یافتہ اہلکاروں کی مسلسل نگرانی، مشکوک مسافروں کی پروفائلنگ، سامان کی ماہرانہ تلاشی اور سٹاف کی شاندار تفتیشی تکنیکوں کا نتیجہ ہیں۔ اے ایس ایف قومی مفاد، بین الاقوامی ساکھ اور مسافروں کے اعتماد کے تحفظ کے لیے کسی بھی ممکنہ خطرے اور غیر قانونی سرگرمی کے خلاف فیصلہ کن اقدام سے دریغ نہیں کرے گی۔ گرفتار ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اینٹی نارکوٹکس فورس کے حوالے کر دیا گیا ہے.
راولپنڈی کے کن روٹس پر الیکٹرک بس سروس کا آغاز کیا جا رہا ہے؟