دبئی میں ویزہ کی چند منٹوں میں تجدید کیلئے نیا پلیٹ فارم لانچ
اشاعت کی تاریخ: 25th, February 2025 GMT
دبئی ( اُردو پوائنٹ اخبارتازہ ترین۔ 25 فروری 2025ء ) دبئی کے رہائشی اب اپنے ویزہ کی چند منٹوں میں تجدید کرسکتے ہیں کیوں کہ اماراتی اتھارٹی نے اس حوالے سے نیا پلیٹ فارم لانچ کردیا۔ اماراتی میڈیا کے مطابق جنرل ڈائریکٹوریٹ آف ریزیڈنسی اینڈ فارنرز افیئرز (GDRFA) نے اے آئی سے چلنے والا ایک نیا ڈیجیٹل پلیٹ فارم لانچ کیا ہے جس کو ’سلامہ‘ کا نام دیا گیا ہے، اس پلیٹ فارم کے ذریعے رہائشی اپنے ویزہ کی تجدید منٹوں میں مکمل کرسکتے ہیں، وہ کاغذی کارروائی اور طویل انتظار کے اوقات کو ختم کرتے ہوئے اپ ڈیٹ شدہ دستاویز کو براہ راست پلیٹ فارم سے ڈاؤن لوڈ بھی کرسکتے ہیں۔
بتایا گیا ہے کہ سلامہ پلیٹ فارم پر ایک بار جب کوئی لاگ ان ہوگا تو اے آئی سے لیس یہ نظام خود بخود ان کی تفصیلات کو پہچان لے گا، ان کے ویزہ کی حیثیت کو ظاہر کرے گا اور میعاد ختم ہونے سے پہلے کے باقی دنوں کو بھی نمایاں کرے گا، اس کے بعد درخواست دہندہ تجدید کی مدت کا انتخاب کرسکتا ہے، نیا نظام درخواست پر فوری کارروائی کرتا ہے، یہ پلیٹ فارم صرف چند کلکس کے ساتھ فیملی ممبرز کے لیے رہائشی ویزوں کی تجدید کو ہموار کرتا ہے۔(جاری ہے)
معلوم ہوا ہے کہ اس سے پہلے تجدید کے عمل میں ایک سے تین گھنٹے لگتے تھے جو کہ دستاویز کی تکمیل پر منحصر ہے لیکن اب یہ دورانیہ صرف ایک سے دو منٹ تک کر دیا گیا ہے اس سروس سے فائدہ اٹھانے کے لیے تمام فراہم کردہ دستاویزات کا درست ہونا ضروری ہے، ڈیٹا سائنس اور مصنوعی ذہانت کے شعبے کے ڈائریکٹر غالب عبداللہ محمد حسن المجید نے بتایا کہ "یہ سروس فی الحال صرف رہائشیوں کے ویزہ کی تجدید کرتی ہے، پہلا مرحلہ رہائشیوں کے لیے تجدید اور منسوخی پر توجہ مرکوز کرتا ہے، دوسرے مرحلے کے لیے مستقبل میں وزیٹرز، سیاحوں اور دیگر سروسز کے لیے خدمات کو وسعت دینے کا بھی منصوبہ ہے، جس کے تحت مستقبل میں یہ سروس کمپنیوں کے لیے بھی دستیاب ہوگی"۔ جی ڈی آر ایف اے دبئی کے جنرل ڈائریکٹر لیفٹیننٹ جنرل محمد احمد المری نے اس ڈیجیٹل تبدیلی کی اہمیت پر زور دیتے ہوئے کہا کہ "ہم سمجھتے ہیں ڈیجیٹل تبدیلی محض خدمات کی ترقی سے متعلق نہیں ہے، یہ حکومتی کارکردگی کو بڑھانے اور آسان اور ہموار خدمات فراہم کرنے کے ہماری قیادت کے ہدف کو حاصل کرنے کے لیے کسٹمر کے تجربے کی نئی تعریف کرنے کے بارے میں ہے، 'سلامہ' اے آئی پلیٹ فارم دبئی میں معیار زندگی کو بڑھانے کے لیے جدید ترین ٹیکنالوجیز کو اپنانے کے لیے ہمارے جاری عزم کی عکاسی کرتا ہے۔.ذریعہ: UrduPoint
کلیدی لفظ: تلاش کیجئے پلیٹ فارم کرتا ہے ویزہ کی کے لیے
پڑھیں:
’بابر اعظم کی نصف سنچری کے ساتھ فارم میں واپسی، شکرگزاری کا پیغام وائرل‘
قومی کرکٹ ٹیم کے سابق کپتان بابر اعظم نے جنوبی افریقہ کے خلاف فیصلہ کن میچ میں شاندار کارکردگی دکھا کر نہ صرف ٹیم کو کامیابی دلائی بلکہ ایک معنی خیز پیغام کے ذریعے اپنی خاموشی بھی توڑ دی۔
بابر اعظم نے میچ کے اگلے روز سوشل میڈیا پلیٹ فارم ایکس (سابق ٹوئٹر) پر لکھا:
’شکر گزار ہوں کہ میں دوبارہ وہی کر رہا ہوں جو مجھے پسند ہے۔ اُن سب کا شکریہ جنہوں نے خاموشی کے وقت میں مجھ پر یقین رکھا‘۔
یہ پیغام ان کے مداحوں اور ناقدین، دونوں کے لیے واضح اشارہ تھا کہ بابر ایک بار پھر اعتماد کے ساتھ میدان میں واپس آ چکے ہیں۔
گزشتہ روز کھیلے گئے میچ میں بابر اعظم نے 47 گیندوں پر 68 رنز کی دلکش اننگز کھیل کر ٹیم کی جیت میں کلیدی کردار ادا کیا۔ ان کی اس کارکردگی پر انہیں پلیئر آف دی میچ قرار دیا گیا۔
دلچسپ بات یہ ہے کہ یہ مئی 2024 کے بعد بابر اعظم کی پہلی نصف سنچری تھی، جس کے بعد سوشل میڈیا پر ان کے حق میں مبارک بادوں اور تعریفوں کا طوفان آ گیا۔
مداحوں نے بابر کی فارم میں واپسی کو ’نئی شروعات‘ قرار دیتے ہوئے انہیں ’کپتان دلوں کا‘ اور ’پچ کا بادشاہ‘ جیسے القابات سے نوازا۔
بابر اعظم کی یہ اننگز نہ صرف ان کی صلاحیتوں کا ثبوت بنی بلکہ اس خاموش عزم کی بھی عکاسی کرتی ہے جو وہ مشکل وقت میں اپنے ساتھ لے کر چلتے رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Babar azam
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید