جب سفارشی لوگوں کو بٹھایا جائے گا تو کرکٹ تباہ ہوگی:عمران خان
اشاعت کی تاریخ: 25th, February 2025 GMT
پاکستان تحریک انصاف کے بانی چیئرمین اور سابق وزیراعظم عمران خان نے آئی سی سی چیمپئنز ٹرافی میں قومی کرکٹ ٹیم کی ناقص کارکردگی پر شدید غم و غصے کا اظہار کرتے ہوئے کہا ہے کہ جب عہدوں پر سفارشی لوگوں کو بٹھایا جائے گا تو کرکٹ تباہ ہوگی۔اڈیالہ جیل راوالپنڈی میں سابق وزیراعظم عمران خان سے ملاقات کے بعد ان کی ہمشیرہ علیمہ خان نے میڈیا سے گفتگو کرتے ہوئے بتایا کہ عمران خان کو آج سب سے زیادہ غصہ کرکٹ پر تھا.
دوسری جانب اڈیالہ جیل کے باہر میڈیا سے گفتگو کرتے ہوئے عمران خان کے وکیل فیصل چوہدری ایڈووکیٹ نے کہا کہ بانی چیئرمین پی ٹی آئی سے 10منٹ کی مختصر ملاقات ہوئی. انہوں نے چیئرمین پی سی بی محسن نقوی کا استعفی مانگا ہے. عمران خان کہتے ہیں پاکستان کی کرکٹ محسن نقوی کی وجہ سے تباہ ہوئی۔فیصل چوہدری نے بتایا کہ عمران خان نے کہا شیر افضل مروت کو کافی دفعہ وارننگز دی گئیں. لیکن انہوں نے اپنا طرز عمل ٹھیک نہیں کیا. شیر افضل مروت کو اسی کے مطابق ڈیل کیا جائے گا۔انہوں نے مزید کہا کہ عمران خان کی صحت کے حوالے سے پوسٹس درست نہیں. اتنا انتظار کرنے کے باوجود ابھی بھی وکالت پر دستخط کرکے نہیں دیے گئے. وکالت نامے 7 دن سے دیے ہیں.سمجھ نہیں آتی یہ وکالت نامے کیوں نہیں دیتے، وکالت ناموں پر کہا گیا ہے کہ رجسٹرار جوڈیشل ابھی آئیں گے تو وہ دستخط کریں گے۔
ذریعہ: Nawaiwaqt
کلیدی لفظ: بتایا کہ عمران خان عمران خان نے کہا محسن نقوی انہوں نے جائے گا
پڑھیں:
772 روز سے جھوٹے مقدمات میں قید ہوں،بانی پی ٹی آئی کاچیف جسٹس کوخط
امانت گشکوری : بانی تحریک انصاف کی جانب سےچیف جسٹس آف پاکستان کولکھے گئے خط کے مندرجات سامنے آگئے۔
بانی تحریک انصاف نے لکھے گئے خط میں کہا ہے کہ وہ 772 روز سے جھوٹے مقدمات میں قید ہیں اور ان کی اہلیہ بشریٰ بی بی کو بھی بے گناہ قید کیا گیا ہے،اہلخانہ اور وکلا ءسے ملاقات کی اجازت نہیں دی جاتی اور انصاف کے دروازے ان پراور ان کی اہلیہ پر بند ہیں۔
بانی پی ٹی آئی نے لکھا کہ جیل کا کمرہ 9x11 کے پنجرے میں بدل دیا گیا ہے جبکہ ان پر 300 سے زائد سیاسی مقدمات درج کیے گئے ہیں جو پاکستان کی تاریخ میں مثال نہیں رکھتے۔
پاکستان میں مشرق ڈیجیٹل بینک کا آغاز، امارات سے پاکستانی مفت ترسیلات زر بھیج سکیں گے
خط میں استدعا کی گئی ہے کہ بشریٰ بی بی کو فوری طبی سہولت دی جائے اور انہیں بیٹوں سے فون پر بات کرنے کی اجازت دی جائے۔
بانی پی ٹی آئی نے خط میں مزید لکھاہے کہ سپریم کورٹ بنیادی حقوق کی ضامن ہے،امید ہے آپ حلف کی پاسداری کرتے ہوئے انصاف فراہم کریں گے،بشریٰ بی بی کی صحت بگڑ رہی ہے لیکن ڈاکٹر کو معائنہ کرنے کی اجازت نہیں دی جاتی،بشریٰ بی بی کے علاج کیلئے ڈاکٹر تک رسائی فوری فراہم کی جائے۔
کویتی شہریت سے محروم افراد کے لیے بڑی خوشخبری
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی