محمد فاروق حیدر کی وادی لیپہ کو اسمبلی میں اضافی نشست دینے کے فیصلے کی حمایت
اشاعت کی تاریخ: 27th, February 2025 GMT
سابق وزیراعظم آزاد کشمیر نے وادی لیپہ کو اسمبلی میں اضافی نشست دینے کی بھرپور حمایت کرتے ہوئے آئین میں ترمیم کیلئے اسمبلی میں پرائیویٹ بل پیش کرنے کا بھی اعلان کیا۔ اسلام ٹائمز۔ پاکستان مسلم لیگ نواز کے مرکزی نائب صدر و سابق وزیراعظم آزاد کشمیر ممبر قانون ساز اسمبلی راجہ محمد فاروق حیدر خان نے وادی لیپہ کو اسمبلی میں اضافی نشست دینے کی بھرپور حمایت کرتے ہوئے آئین میں ترمیم کیلئے اسمبلی میں پرائیویٹ بل پیش کرنے کا اعلان کر دیا اور کہا کہ عوام کو بنیادی ضروریات زندگی کی فراہمی بنیادی انسانی حقوق اور آئینی تقاضوں کے مکمل ہم آہنگ ہوتی ہیں۔لیپہ ویلی کے عوام کو درپیش مشکلات میں زندگی بسر کرتے ہوئے دفاع پاکستان، بہادری و جرات کی تاریخ رقم کر رہے ہیں، انہوں نے مشکل ترین حالات کا سامنا کیا لیکن ان کے پایہ استقلال میں لغزش نہیں آئی، لیپہ کے لوگ دلیر اور غیور ہیں جنہوں نے دفاع وطن کے لیے جانوں کا نذرانہ پیش کیا۔ ان خیالات کا اظہار انہوں نے قانون ساز اسمبلی سیکرٹریٹ میں آل پارٹیز الائنس کے چیئرمین امیدوار اسمبلی حلقہ 7 شوکت جاوید میر، مرکزی رہنما راجہ سہیل ناصر خان، نامزد امیدوار ضلع کونسل رضوان عباسی، سماجی رہنما مدثر شیخ پر مشتمل ایک نمائندہ وفد سے دوران ملاقات گفتگو کرتے ہوئے کیا۔
انہوں نے کہا کہ وہ اس عمل کی دل و جان سے حمایت بھی کریں گے ہر فورم پر اپنا جاندار کردار جاری رکھیں گے، راجہ محمد فاروق حیدر خان نے وفد کو یقین دلایا کہ وہ اجتماعی عوامی حقوق کے حصول میں کوئی دقیقہ فروگزاشت نہیں کریں گے۔ وادی لیپہ میں سیاحت کے فروغ، تعمیروترقی، عوام کا معیار زندگی بلند کرنے اور ریاست کے اعلی ترین جمہوری فورم میں نمائندگی کے لیے الگ حلقہ انتخاب ناگزیر ہے، ایسی متعدد مثالیں موجود ہیں جہاں مقبوضہ جموں و کشمیر، گلگت بلتستان اور مہاجرین کے لیپہ ویلی سے بہت کم آبادی پر حلقے موجود ہیں، اس کی تاریخی و جغرافیائی، دفاعی اعتبار سے اہمیت ہے۔ لیپہ ویلی کے لیے اپنے دور اقتدار میں دستیاب وسائل میں جو کچھ کر سکتے تھے کیا۔ لیپہ جہاں فور بائی فور گاڑیاں بڑی مشکل سے جاتی تھیں وہاں آٹو رکشا تک کی رسائی ہے اور ہر موسم و سیزن میں سڑک کے ذریعہ رابطہ مکمل طور پر منقطع نہیں ہوتا مستقبل میں بھی جو کچھ ہو سکا کروں گا، علاقے کے لوگوں نے ہمیشہ محبت اور خلوص سے نوازا جس پر ان کا مشکور ہوں۔ اس موقع پر وفد نے سابق وزیراعظم راجہ محمد فاروق حیدر خان کی توجہ ہمدردی اور بھرپور کردار ادا کرنے کی پرخلوص یقین دہانی پر ان کا عوام علاقہ کی جانب سے شکریہ ادا کیا۔
ذریعہ: Islam Times
کلیدی لفظ: محمد فاروق حیدر اسمبلی میں کرتے ہوئے
پڑھیں:
نیویارک میئر شپ کے امیدوار زہران ممدانی کی حمایت میں سابق امریکی صدر سامنے آ گئے
نیو یارک:نیویارک سٹی کی میئرشپ کی دوڑ میں ایک نیا موڑ آگیا ہے، جب سابق امریکی صدر بارک اوباما نے ڈیموکریٹک امیدوار زہران ممدانی کی بھرپور حمایت کا اعلان کردیا۔
اوباما نے زہران ممدانی سے ٹیلی فون پر گفتگو کرتے ہوئے کہا کہ وہ اُن کی کامیابی کے لیے دعاگو ہیں اور جیت کی صورت میں اُن کا ہر ممکن ساتھ دیں گے۔
زہران ممدانی نے اوباما کے اظہارِ اعتماد پر شکریہ ادا کرتے ہوئے کہا کہ اُن کے لیے یہ صرف سیاسی نہیں بلکہ اخلاقی حوصلہ افزائی ہے۔
ممدانی کا کہنا تھا کہ اہمیت اس بات کی ہے کہ نیویارک میں ایک نئی، منصفانہ اور سب کے لیے مساوی مواقع پر مبنی سیاسی فضا قائم کی جائے۔
برونکس کی ایک مسجد کے باہر جذباتی خطاب کرتے ہوئے زہران ممدانی نے کہا کہ اُن کے مخالفین نے انہیں ’جہاد کا حامی‘ اور دہشت گرد ظاہر کرنے کی کوشش کی، مگر وہ نفرت کے جواب میں اتحاد اور بھائی چارے کا پیغام لے کر میدان میں ہیں۔
انہوں نے کہا کہ نائن الیون کے بعد امریکا میں مسلمانوں کے لیے حالات بدل گئے حتیٰ کہ اُن کی خالہ بھی اُس وقت حجاب میں خود کو غیر محفوظ محسوس کرتی تھیں۔
تازہ ترین سروے کے مطابق زہران ممدانی 43 فیصد عوامی حمایت کے ساتھ واضح برتری حاصل کیے ہوئے ہیں جبکہ اُن کا مقابلہ سابق گورنر اینڈریو کومو اور ری پبلکن امیدوار ریٹس سلوا سے ہے۔
دوسری جانب پاکستانی امریکن کمیونٹی نے بھی اُن کے حق میں بھرپور حمایت کا اعلان کیا ہے۔ بروکلین کے علاقے کونی آئی لینڈ ایونیو جسے لٹل پاکستان کہا جاتا ہے میں زہران ممدانی کی حمایت میں درجنوں گاڑیوں پر مشتمل شاندار کار ریلی نکالی گئی۔ ریلی کا مقصد چار نومبر کو ہونے والے میئر الیکشن سے قبل پاکستانی ووٹرز کو متحرک کرنا تھا۔
کمیونٹی رہنماؤں نے خطاب کرتے ہوئے کہا کہ زہران ممدانی ایک ایسے افورڈیبل نیویارک کے خواہاں ہیں جہاں ہر شخص، چاہے وہ کسی بھی نسل یا مذہب سے تعلق رکھتا ہو، باعزت زندگی گزار سکے۔
سیاسی ماہرین کے مطابق بارک اوباما کی حمایت کے بعد زہران ممدانی کی انتخابی مہم کو زبردست تقویت ملی ہے اور وہ ممکنہ طور پر نیویارک کے پہلے جنوبی ایشیائی مسلم میئر بن سکتے ہیں۔
عرب ممالک کے ساتھ تعلقات میں بہتری، فیلڈ مارشل عاصم منیر کا کامیاب دورہ