ملک بھر میں موسلادھار بارش اور برف باری کا سلسلہ جاری
اشاعت کی تاریخ: 28th, February 2025 GMT
صوبائی دارالحکومت لاہوراور صوبے بھر سمیت خیبرپختونخواہ،سندھ اور بلوچستان میں موسلادھار بارش اور برف باری کا سلسلہ جاری ،مختلف علاقوں میں سیاح پھنس گئے،ملک کے بالائی علاقوں کی شاہراہیں بند، گلگت میں شدید بارشیں اور لینڈ سلائیڈنگ ہوئی،جمرود میں پہاڑی تودہ گرنے سے ایک شخص جاں بحق ہوگیا، کشمیر، گلگت بلتستان اور خیبرپختونخواہ میں برف باری سے نظارے حسین ہوگئے۔ گجرات، سرگودھا، جھنگ، ڈیرہ غازی خان، کوٹ ادو، چیچہ وطنی ،اسلام آباد، راولپنڈی، اٹک،رحیم یار خان اور دیگر علاقوں میں بادل برس پڑے، لاہور میں وقفے وقفے سے بارش کا سلسلہ جاری ہے۔ بلوچستان کے مختلف علاقوں میں باران رحمت ہوئی، کوئٹہ، سبی، قلات میں بادل خوب برسے، مری میں گرج چمک کیساتھ بارش اور ژالہ باری ہوئی۔ برف باری اور بادل برسنے سے ملک کے مختلف علاقوں میں سردی میں اضافہ ہوگیا ۔اوباڑو اور گھوٹکی میں بھی بارش ہوئی، لوئردیر کے مختلف علاقوں میں بھی موسلادھار بارش نے جل تھل ایک کردیا۔بارش کے بعد نشیبی علاقوں میں بارش کا پانی جمع ہوگیا۔مختلف اضلاع میں بارش کے ساتھ ہی کئی فیڈر ٹرپ ہونے سے بجلی کی فراہمی معطل ہوگئی جبکہ وادی نیلم، استور اور کالام میں برفباری کے باعث سردی کی شدت میں اضافہ ہوگیا۔گلیات ، وادی نیلم اور وادی لیپا میں شدید برف باری سے ٹریفک کی روانی متاثر ہونے سے سیاح مشکلات کا شکار ہوگئے جب کہ مواصلاتی نظام بھی درہم برہم ہوگیا۔ استور میں تیسرے روز بھی برفباری کا سلسلہ جاری ہے اور بالائی علاقوں کا زمینی رابطہ منقطع ہے جب کہ 3 روز سے جاری برفباری کے باعث بجلی اورپانی کی سپلائی معطل ہے۔اہراہ قراقرم متعدد مقامات سے بند ہو گئی، داسو کے قریب بارش کی وجہ سے پہاڑ سرک گیا۔ کئی افراد پھنس گئے۔ لال پڑی کے مقام پر سیلابی ریلا سڑک بہا کر لے گیا۔گلیات کی بالائی چوٹیوں پر برفباری ہوئی، کوزہ گلی کے مقام پر متعدد گاڑیاں پھنس گئیں۔ ایبٹ آباد میں شدید برف باری میں پھنسے سیاحوں کو ریسکیو کرلیا گیا۔دوسری جانب محکمہ موسمیات کے مطابق پنجاب، خیبرپختونخوا ہ اور بلوچستان میں آج بھی مزید بادل برسیں گے۔ملک کے بیشتر علاقوں میں موسم خشک اور مطلع جزوی ابر آلود رہنے کا امکان ہے جبکہ بالائی خیبر پختونخواہ، شمال مشرقی بلوچستان، شمال مشرقی پنجاب، اسلام آباد، کشمیر اور گلگت بلتستان میں چند مقامات پر بارش اور پہاڑوں پر برفباری کی توقع ہے۔ پنجاب کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔راولپنڈی، اٹک، جہلم، گجرات، چکوال، گوجرانوالہ، سیالکوٹ، نارووال، لاہور، اوکاڑہ، قصور، بہاولنگر، بہاولپور، شیخوپورہ اور گردو نواح میں دن کے دوران چند مقامات پر تیز ہواﺅں اور گرج چمک کے ساتھ وقفے وقفے سے مزید بارش جبکہ چند مقامات پر ژالہ باری کی توقع ہے۔ مری، گلیات اور گردونواح میں دن کے اوقات میں تیز ہواﺅں اور گرج چمک کے ساتھ وقفے وقفے سے بارش اور برفباری کا امکان ہے۔خیبر پختونخوا ہ بلوچستان اور سندھ کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔بالائی علاقوں دیر، چترال، کوہستان، سوات، شانگلہ، مانسہرہ، بٹگرام، بونیر، ایبٹ آباد، صوابی، مردان، مالاکنڈ، باجوڑ، نوشہرہ، پشاور اور چارسدہ میں دن کے اوقات میں تیز ہواﺅں اور گرج چمک کے ساتھ وقفے وقفے سے مزید بارش اور پہاڑوں پر برفباری کا امکان ہے۔
.ذریعہ: Nawaiwaqt
کلیدی لفظ: مختلف علاقوں میں کا سلسلہ جاری وقفے وقفے سے کا امکان ہے بارش اور باری کا کے ساتھ
پڑھیں:
دوسرا ون ڈے: بارش سے متاثرہ میچ میں جنوبی افریقہ کی پاکستان کو 25 رنز سے شکست، سیریز 0-2 سے جیت لی
لاہور(سپورٹس ڈیسک)بارش سے متاثرہ دوسرے ون ڈے انٹرنیشنل میچ میں جنوبی افریقہ نے پاکستان کو ڈرک ورتھ لوئس میتھڈ کے تحت 25 رنز سے شکست دے کر سیریز بھی 0-2 سے اپنے نام کر لی ہے۔
قذافی اسٹیڈیم لاہور میں کھیلا گیا یہ میچ بارش کے باعث 46 اوورز پر مختص کر دیا گیا تھا، جنوبی افریقہ ویمنز نے پہلے بیٹنگ کرتے ہوئے 46 اوورز میں 3 وکٹوں کے نقصان پر 292 رنز بنائے۔
میچ کی خاص بات مہمان ٹیم کی کپتان لارا وولوارٹ اور تیزمین برٹس کی سنچریاں اور ویمنز ون ڈے انٹرنیشنل میں جنوبی افریقہ کی کسی بھی وکٹ کے لیے سب سے بڑی 260 رنز کی پارٹنر شپ تھی۔
لارا وولوارٹ نے 10 چوکوں کی مدد سے 100 رنز سکور کیے، یہ ون ڈے انٹرنیشنل میں ان کی 9ویں سنچری ہے، تیزمین برٹس نے ناٹ آؤٹ 20 چوکوں اور 4 چھکوں کی مدد سے 171 رنز بنائے جو ان کا کریئر بیسٹ اسکور بھی ہے، تیزمین برٹس کی سیریز میں دوسری اور مجموعی طور پر چھٹی سنچری ہے۔
پاکستان کی طرف سے ڈیانا بیگ نے 2 وکٹیں اپنے نام کر کے نمایاں رہیں۔
بارش کے باعث پاکستان ویمنز ٹیم کو 313 رنز کا نظرثانی شدہ ہدف دیا گیا، پاکستانی ویمنز بیٹر نے بھرپور انداز میں مقابلہ کیا تاہم وہ 44.4 اوورز میں287 رنز بناکر ہمت ہار گئیں، یہ پاکستان ویمنز کرکٹ ٹیم کا ایک روزہ کرکٹ میں دوسرا بڑا اسکور بھی ہے۔
پاکستان کی اننگز میں سدرہ امین نے شاندار بیٹنگ کرتے ہوئے 110گیندوں پر 122 رنز بنائے جس میں 13 چوکے شامل تھے، یہ اس سیریز میں ان کی دوسری اور مجموعی طور پر چھٹی سنچری ہے۔
انہوں نے نتالیہ پرویز کے ساتھ چوتھی وکٹ کی شراکت میں146 رنز کا اضافہ کیا، نتالیہ پرویز نے بھی عمدہ بیٹنگ کرتے ہوئے7 چوکوں کی مدد سے 73 رنز بنائے، جو ون ڈے انٹرنیشنل میں ان کی پہلی نصف سنچری ہے ۔
عمیمہ سہیل نے 38 گیندوں پر 7 چوکوں کی مدد سے43 رنز سکور کیے، جنوبی افریقہ کی طرف سے نادین ڈی کلیرک نے 3 وکٹیں حاصل کیں۔
واضح رہے کہ سیریز کا تیسرا اور آخری ون ڈے انٹرنیشنل مقابلہ 22 ستمبر کو کھیلا جائے گا۔
Post Views: 2
وی ایکسکلوسیو: مودی نے بھارت میں اقلیتوں کا جینا حرام کردیا، وفاقی وزیر کھیئل داس کوہستانی