پیپلزپارٹی کو عوام کے دلوں سے ڈکٹیٹر نکال سکا اور نہ کوئی برساتی سیاستدان، شرجیل میمن
اشاعت کی تاریخ: 1st, March 2025 GMT
کراچی :سندھ کے سینئر وزیر شرجیل انعام میمن نے کہا ہے کہ کینالز کے خلاف تحریکیں چلانے والے ذہنوں میں زہر بھرنے کی کوشش کر رہے ہیں، ہم فارم 47 والے نہیں فارم 45 والے ہیں، پیپلز پارٹی کو عوام کے دلوں سے کوئی ڈکٹیٹر نکال سکا، نہ کوئی برساتی سیاستدان نکال سکا۔
حیدرآباد میں سولر سسٹم کی تقسیم کی تقریب سے خطاب کرتے ہوئے شرجیل میمن کا کہنا تھا کہ جو غریب لوگ بجلی کا بل برداشت نہیں کرسکتے، ان کو گھر پر بجلی کے لیے سولر سسٹم مہیا کررہے ہیں، 2 لاکھ سے زائد گھروں کو میرٹ کی بنیاد پر حکومت سندھ یہ سولر سسٹم دے رہی ہے۔
انہوں نے کہاکہ پورے پاکستان میں کوئی ایک صوبہ بتائیں کہ لوگوں کی بڑھ چڑھ کر ایسے مدد کی جارہی ہو،یہ سولر صرف مستحق کو ملیں گے، سیلاب کے دوران راتوں کو جاگ کر لوگوں کے علاقوں سے پانی نکلوایا، ہم نے سیلاب میں لوگوں کے پاس پکا پکایا کھانا پہنچایا۔
ان کا کہنا تھا کہ دنیا کی تاریخ کا سب سے بڑا پراجیکٹ 21 لاکھ گھر بنائے جارہے ہیں، یہ واحد سندھ حکومت ہے جس نے یہ کام کردکھایا جس طرح ہیلتھ میں پی پی نے کام کیا کوئی ایک صوبہ بتائیں کہ جہاں صحت کی سہولیات اس طرح ملتی ہو؟ یہاں دل کا علاج کینسر کا علاج مفت ہوتا ہے۔
سینئر صوبائی وزیر نے کہاکہ 2008 میں پیپلز پارٹی کی پہلی حکومت آئی ہر دور میں ہم نے کام کیا، ہم نے ہر الیکشن میں پہلے سے زیادہ سیٹس لیں، پیپلز پارٹی کا واضح موقف ہے کہ کینالز نہیں بنیں گی، سندھ میں کینالز کے خلاف تحریک چلانے کی کوشش کی جا رہی ہے۔
انہوں نے کہا کہ ابھی اتحاد بن رہے ہیں یہ ہر دور میں بنتے ہیں، چاہے اس میں بھلے ایم کیو ایم ہو یا جی ڈی اے ہو فتح ہمیشہ پیپلز پارٹی کی ہوتی ہے، باقی چوں چوں کے مربے انتخابات کے دور میں بنتے ہیں پھر غائب ہوتے ہیں۔
ان کا کہنا تھا کہ اس وقت بھی سندھ میں کوشش کی جارہی ہے کہ کینالز کے خلاف تحریک چلائی جائے پیپلز پارٹی کی حکومت کہہ چکی ہے کہ کینالز نہیں بنیں گی، جب تک پیپلز پارٹی کی حکومت ہے بلاول بھٹو نے کہا ہے کینالز نہیں بنیں گی، تاریخ گواہ ہے کالا باغ ڈیم کا خاتمہ پیپلز پارٹی نے کیا۔
شرجیل انعام میمن نے کہا ہے کہ صوبائی خود مختاری پیپلز پارٹی نے دی، جب پیپلزپارٹی نے این ایف سی ایوارڈ نے دیا تو صوبہ سرحد کا نام کے پی کے نے رکھا۔
ان کا کہنا تھا کہ پیپلز پارٹی سے ہمیشہ اچھے کی امید رکھو، لوگ آپ جھوٹ بیچنے کی کوشش کرتے ہیں، لوگ آپ کے ذہنوں میں زہر بھرنے کی کوشش کرتے ہیں۔
صوبائی وزیرنے کہا کہ لوگوں کو ہماری شکل نہیں خدمت اچھی لگتی ہے، اس ملک کو آئین دینے والا ذوالفقار بھٹو ہے، اور ایٹمی طاقت دینے والا ذوالفقار بھٹو ہے ۔
ذریعہ: Daily Mumtaz
کلیدی لفظ: پیپلز پارٹی کی کا کہنا تھا کہ ہے کہ کینالز کی کوشش نے کہا
پڑھیں:
سندھ جاب پورٹل ایک خودکار اور جدید نظام ہے‘ شرجیل
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ سندھ جاب پورٹل کے تحت اب تک تین لاکھ 26 ہزار سے زائد امیدوار اہل قرار پا چکے ہیں، امیدوار مختلف اداروں میں میرٹ پر مبنی بھرتیوں کے لیے رجسٹرڈ ہوئے ہیں۔ ایک بیان میں انہوں نے کہا کہ سندھ جاب پورٹل ایک خودکار اور جدید نظام ہے ، درخواست دہندگان کی اہلیت، تعلیم اور تجربے کی بنیاد پر مکمل طور پر ڈیجیٹل اسکریننگ کی جاتی ہے۔ پورٹل کے ذریعے نوجوانوں کو گھر بیٹھے ملازمتوں تک رسائی حاصل ہو رہی ہے، وقت اور وسائل کی بچت ہو رہی ہے۔ سینئر وزیر شرجیل انعام میمن نے کہا کہ پورٹل میں گریڈ 5 سے 15 تک کی سرکاری آسامیوں، ٹیکنیکل اور نان ٹیکنیکل ملازمتوں کے علاوہ نجی شعبے کے مواقع بھی شامل کیے گئے ہیں۔
کوئٹہ، خاتون ٹیچر کے قتل میں ملوث مرکزی ملزم گرفتار