فروری 156 دہشت گرد ہلاک، 47 اہلکار اور 55 شہری جاں بحق
اشاعت کی تاریخ: 3rd, March 2025 GMT
اسلام آباد:
فروری کے دوران دہشت گرد حملوں میں 55 شہری اور 47 سیکیورٹی اہلکار جاں بحق، 81 اہلکار اور45 شہری زخمی ہوئے، اس دوران سیکیورٹی فورسز کے ٹارگٹڈ آپریشنز میں 156 دہشتگرد مارے گئے۔
تھنک ٹینک پاکستان انسٹیٹیوٹ فار کانفلیکٹ اینڈ سیکیورٹی سٹڈیز (پکسس)کی رپورٹ کے مطابق رواں سال جنوری کے مقابلے فروری کے 79 دہشت گرد حملوں کے دوران شہری اموات میں 175 فیصد اضافہ،اہلکاروں کے اموات میں18 فیصد کمی دیکھنے میں آئی۔
قبل ازیں اگست2024 کے دوران زیادہ تعداد میں شہری دہشت گردی کا نشانہ بنے تھے۔ فروری میں دہشت گرد حملوں میں معمولی جبکہ شہری اموات قابل ذکر اضافہ دیکھا گیا،فورسز کی دہشت گردوں کیخلاف کارروائیوں میں بھی تیزی آئی،جن میں 156دہشت گرد ہلاک، 20زخمی، 66 گرفتار ہوئے.
ملک بھر میں 79 دہشت گردی کے واقعات میں 55 شہری،47 سکیورٹی اہلکار جاں بحق،81 اہلکار اور45 شہری زخمی ہوئے۔
رپورٹ کے مطابق فروری میں گزشتہ سال اگست کے بعد شہری اموات اہلکاروں سے زائد رہی ۔ رپورٹ کے مطابق فروری میں دہشت گردوں کی ہلاکتوں میں بھی 25 فیصد کمی آئی، جنوری میں 208 دہشت گرد مارے گئے، فروری میںتعداد 156رہی.
تاہم دہشتگردوں کی گرفتاریوں میں نمایاں اضافہ ہوا، 66 مشتبہ افراد کو حراست میں لیا گیا، قبل ازیں دسمبر 2023 میں سب سے زیادہ 139دہشت گردوں گرفتار ہوئے تھے۔
رپورٹ کے مطابق سب سے زیادہ 50 گرفتاریاں قبائلی اضلاع سے، 16پنجاب میں کی گئیں۔ رپورٹ کے مطابق فروری میں سب سے زیادہ 32 دہشت گرد حملے بلوچستان میں ہوئے،جن میں ہلاک 56 افراد میں35 شہری، 10 اہلکار اور11دہشت گرد شامل تھے، ان حملوں میں 44 افراد زخمی ہوئے، ان میں 32 اہلکار، 12شہری شامل تھے۔
قبائلی اضلاع کے زیادہ تر دہشت گردی کے واقعات کی ذمہ داری کالعدم ٹی ٹی پی، چند حملوں کی ذمہ داری لشکر اسلام اور حافظ گل بہارد گروپ نے قبول کی۔
سندھ میں تین چھوٹے دہشت گرد حملے ہوئے، ان میں ایک اہلکار جان بحق، ایک زخمی ہوا، منگھوپیر کراچی میں پولیس اہلکار کے ہلاکت کی ذمہ داری گل بہادر گروپ نے قبول کی۔
فروری میں پنجاب میں کوئی دہشت گرد حملہ نہیں ہوا، تاہم فورسز نے 16 مشتبہ افراد گرفتار کئے، گلگت بلتستان، آزاد کشمیر اور اسلام آباد میں بھی کوئی دہشت گردی کا واقعہ رپورٹ نہیں ہوا۔
رواں سال کے پہلے دو ماہ کے دوران ملک بھر میں 153دہشت گردی کے واقعات ہوئے، ان میں ہلاک 179افراد میں 104 اہلکار، 75 شہری شامل تھے۔
ذریعہ: Express News
کلیدی لفظ: رپورٹ کے مطابق اہلکار اور کے دوران
پڑھیں:
فرانس: دہشت گردی کا الزام، افغان شہری گرفتار
data-id="863a0a8" data-element_type="widget" data-widget_type="theme-post-content.default">
فرانس میں سیکیورٹی اداروں نے 20 سالہ افغان شہری کو گرفتار کر لیا جس کا تعلق داعش خراسان سے ہے۔
عالمی خبر ایجنسی کے مطابق فرانسیسی انسداد دہشت گردی پراسیکیوشن (PNAT) نے ملزم پر دہشت گرد تنظیم میں شمولیت اور دہشت گردی کی مالی معاونت کے الزامات عائد کیے ہیں۔
اسے گزشتہ ہفتے شہر لیون سے گرفتار کیا گیا اور بعد ازاں ریمانڈ پر جیل بھیج دیا گیا۔
تحقیقات کے مطابق ملزم جہادی نظریات کا حامی ہے اور داعش خراسان سے رابطے میں تھا۔
وہ تنظیم کی مالی امداد کے علاوہ اس کی پروپیگنڈا ویڈیوز کا ترجمہ اور سوشل میڈیا پر تشہیر میں بھی ملوث تھا۔
فرانسیسی اخبار لی پاریزین کی رپورٹ کے مطابق ملزم کئی سال قبل افغانستان سے فرانس آیا تھا اور گرفتاری کے وقت لیون کے ایک حراستی مرکز میں موجود تھا۔
رپورٹ میں بتایا گیا کہ وہ ٹک ٹاک اور اسنیپ چیٹ پر شدت پسندانہ مواد پھیلا رہا تھا اور ماضی میں دہشت گردی کی تعریف کرنے کے الزام میں پہلے سے زیرِ تفتیش تھا۔
یاد رہے کہ داعش خراسان افغانستان، پاکستان اور وسطی ایشیا کے کچھ ممالک میں سرگرم ہے اور مارچ 2024 میں ماسکو کے ایک کنسرٹ ہال پر حملے سمیت کئی خونریز کارروائیوں کی ذمہ داری قبول کر چکی ہے۔
ٹی ٹی پی کے اہم رہنما حافظ گل بہادر کیا پاکستانی حملے میں مارے گئے؟