کسی کو 'میاں ٹیاں' یا 'پاکستانی' کہنا جرم نہیں، بھارتی سپریم کورٹ
اشاعت کی تاریخ: 4th, March 2025 GMT
اسلام آباد (اُردو پوائنٹ ۔ DW اردو۔ 04 مارچ 2025ء) بھارتی سپریم کورٹ نے منگل کو کہا کہ کسی کو 'میاں ٹیاں' اور 'پاکستانی' کہنا غیر مہذب ہو سکتا ہے لیکن یہ قابل تعزیر جرم نہیں ہے۔ اسی کے ساتھ عدالت نے ایک سرکاری ملازم کے خلاف مقدمہ بند کردیا۔
سپریم کورٹ نے کہا کہ کسی کو 'میاں ٹیاں' یا 'پاکستانی' کہنا مذہبی جذبات کو ٹھیس پہنچانے کے جرم کے مترادف نہیں ہے۔
بھارت میں مسلم مخالف نفرت انگیز تقاریر میں اضافہ: رپورٹ
بھارت کی عدالت عظمیٰ نے منگل کو مذہبی جذبات کو مبینہ طور پر ٹھیس پہنچانے کے ایک کیس کا فیصلہ سناتے ہوئے کہا کہ کسی کو 'میاں ٹیاں' یا 'پاکستانی' کہنا غیر مہذب تو ہو سکتا ہے لیکن یہ مذہبی جذبات کو ٹھیس پہنچانے کے جرم کے مترادف نہیں، لہذا یہ قابل تعزیر جرم نہیں ہے۔
(جاری ہے)
جسٹس بی وی ناگارتھنا اور ستیش چندر شرما کی بنچ نے اسی کے ساتھ اسی سالہ سابق سرکاری ملازم ہری نندن سنگھ کو تمام الزامات سے بری کردیا اور ان کے خلاف نچلی عدالتوں کے فیصلے کو پلٹ دیا۔
معاملہ کیا تھا؟یہ شکایت مشرقی صوبے جھارکھنڈ کے بوکارو ضلع میں ایک سرکاری دفتر میں اردو مترجم اور قائم مقام کلرک نے درج کرائی تھی۔
شکایت کنندہ کے مطابق، جب وہ معلومات کے حق (آر ٹی آئی) کی درخواست کے بارے میں معلومات فراہم کرنے کے لیے ملزم (سرکاری اہلکار) سے ملنے گیا، تو مؤخر الذکر نے اس کے مذہب کا حوالہ دے کر اس کے ساتھ بدسلوکی کی اور سرکاری فرائض کی انجام دہی کو روکنے کے لیے مجرمانہ طاقت کا استعمال کیا۔بھارت میں مسلمانوں کو دوسرے درجہ کا شہری بنانے کی کوششیں جاری ہیں، دھریندر جھا
شکایت کنندہ نے الزام لگایا تھا کہ ملزم نے ان کے خلاف 'میاں ٹیاں' اور 'پاکستانی' کہہ کر فرقہ وارانہ تبصرے کیے۔
شکایت کی بنیاد پر پولیس نے ہری نندن سنگھ کے خلاف تعزیرات ہند کے کئی دفعات کے تحت مقدمات درج کرلیے۔ ان میں مذہبی جذبات کو ٹھیس پہنچانا، سرکاری ملازم کو ڈیوٹی ادا کرنے سے روکنے کے لیے حملہ یا مجرمانہ طاقت کا استعمال، نقض امن کے ارادے سے کسی کی توہین کرنے جیسے دفعات شامل تھے۔
سپریم کورٹ ملزم کے خلاف جھارکھنڈ ہائی کورٹ کے فیصلے کو مسترد کرتے ہوئے کہا،"ملزم پر ایک سرکاری ملازم کے مذہبی جذبات کو 'میاں ٹیاں' اور 'پاکستانی' کہہ کر مجروح کرنے کا الزام ہے، بلاشبہ، یہ غیر مہذب ہے، تاہم، یہ شکایت کنندہ کے مذہبی جذبات کو ٹھیس پہنچانے کے مترادف نہیں ہے۔
"بھارت: مسلمانوں کے معاشی بائیکاٹ کی کوشش؟
عدالت عظمیٰ کے مطابق ملزم کی جانب سے کوئی ایسا عمل نہیں کیا گیا جس سے امن کی خلاف ورزی پر اکسانے کا خدشہ ہو۔
عدالت نے اپنے تبصرے میں کہا کہ اس بات کا بھی کوئی ٹھوس ثبوت نہیں کہ ملزم نے سرکاری ملازم کو ڈیوٹی کی ادائیگی سے روکنے کے لیے حملہ یا مجرمانہ طاقت کا استعمال کیا۔
خیال رہے کہ بھارت میں مسلمانوں کی توہین کرنے کے لیے سیاسی رہنما ان کے لیے عام طور پر 'میاں ٹیاں' یا 'پاکستانی' جیسے الفاظ استعمال کرتے ہیں۔
.ذریعہ: UrduPoint
کلیدی لفظ: تلاش کیجئے سرکاری ملازم سپریم کورٹ میاں ٹیاں نہیں ہے کے خلاف کہا کہ کسی کو کے لیے
پڑھیں:
سپریم کورٹ: چیف لینڈ کمشنر پنجاب بنام ایڈمنسٹریٹو اوقاف ڈیپارٹمنٹ بہاولپور کیس کا فیصلہ جاری
سپریم کورٹ نے چیف لینڈ کمشنر پنجاب بنام ایڈمنسٹریٹو اوقاف ڈیپارٹمنٹ بہاولپور کیس کا فیصلہ جاری کردیا ،سپریم کورٹ نے واضح کیا ہے کہ کسی بھی عدالتی فیصلے پر اپیل یا نظرثانی کی درخواست دائر ہونے سے اس فیصلے پر عملدرآمد نہیں رکتا ۔چیف جسٹس یحییٰ آفریدی کی سربراہی میں 3 رکنی بینچ نے چیف لینڈ کمشنر پنجاب بنام ایڈمنسٹریٹو اوقاف ڈیپارٹمنٹ بہاولپور کیس میں فیصلہ جاری کیا۔ مقدمہ لاہور ہائی کورٹ کے ایک دہائی پرانے فیصلے سے متعلق تھا جس میں ریونیو حکام کو معاملہ قانون کے مطابق دوبارہ دیکھنے کی ہدایت دی گئی تھی۔عدالت نے فیصلے میں لکھا کہ واضح ہدایات کے باوجود ڈپٹی لینڈ کمشنر بہاولپور نے کوئی کارروائی نہیں کی۔ ایڈیشنل ایڈووکیٹ جنرل نے خود تسلیم کیا کہ فیصلے پر کوئی حکم امتناع موجود نہیں تھا۔ اس اعتراف سے ثابت ہوتا ہے کہ فیصلے پر عملدرآمد نہ ہونے کا کوئی قانونی جواز موجود نہیں۔سپریم کورٹ نے اس طرزعمل کو تشویشناک قرار دیتے ہوئے کہا کہ ریمانڈ بیک کئے گئے معاملات کو اکثر غیر سنجیدگی سے لیا جاتا ہے اور بعض اوقات غیر معینہ مدت تک لٹکا دیا جاتا ہے جو ناقابل قبول ہے۔عدالت نے فیصلے میں کہا کہ جب اعلیٰ عدالتیں معاملہ واپس بھیجیں تو ان پر مخلصانہ اور فوری عملدرآمد ضروری ہے۔ صرف اپیل دائر ہو جانے سے حکم غیر موثر نہیں ہوتا جب تک اس پر باقاعدہ حکم امتناع جاری نہ ہو۔چیف جسٹس نے فیصلے میں لکھا کہ یہ طرز عمل بغیر کسی رکاوٹ کے جاری ہے اور اس پر فوری توجہ دینا ضروری ہے۔ سپریم کورٹ نے بورڈ آف ریونیو پنجاب کو ہدایت کی ہے کہ عدالتی فیصلوں پر عمل کے لیے پالیسی ہدایات کو حتمی شکل دے اور تین ماہ میں عمل درآمد رپورٹ رجسٹرار کو جمع کروائی جائے۔
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر