’میں مار رہا تھا نا‘، کوہلی کے وکٹ گنوانے پر راہل کا اظہار برہمی
اشاعت کی تاریخ: 4th, March 2025 GMT
آسٹریلیا کے خلاف چیمپیئنز ٹرافی سیمی فائنل میں بھارتی بلے باز کے ایل راہل اس وقت غصے میں آگئے جب ویرات کوہلی نے جارحانہ کھیلنے کی خاطر اپنی سینچری کی پرواہ نہ کی 84 رنز پر وکٹ گنوا بیٹھے۔
یہ بھی پڑھیں: چیمپیئنز ٹرافی کا پہلا سیمی فائنل، بھارت نے آسٹریلیا کو شکست دے کر فائنل کے لیے کوالیفائی کرلیا
بھارت کی بیٹنگ کے 40 ویں اوور کے اختتام پر راہول نے ڈرنکس کے وقفے کے دوران ویرات کوہلی کے ساتھ بات کی تھی۔ ان کی باڈی لینگویج سے اندازہ ہوتا تھا کہ وہ کوہلی کو آخر تک بیٹنگ کرنے کو کہہ رہے ہیں۔
بھارتی ٹیم کو 60 گیندوں پر 65 رنز درکار تھے جب راہل نے فیصلہ کیا کہ وہ جارحانہ کھیلیں گے۔ راہل نے اپنی اگلی 5 گیندوں میں ایک چوکا اور ایک چھکا لگا کر کوہلی سے دباؤ کو پوری طرح سے ہٹا دیا تھا۔ اس کے بعد انہوں نے کوہلی کو دوبارہ اسٹرائیک دلوانے کے لیے ایک سنگل لیا۔ بھارت کو اب 45 گیندوں پر 40 رنز درکار تھے۔
کوہلی اپنی 52ویں ون ڈے سینچری سے صرف 16 رنز دور تھے لیہکن کوہلی نے اس وقت اپنی سینچری کی پرواہ نہ کی بلکہ اپنے کی جیت اور فائنل تک پہنچنے کو مقدم رکھا گو وہ اپنی سینچری مکمل کرتے ہوئے بھی ٹیم کو جتواسکتے تھے۔
مزید پڑھیے: چیمپیئنز ٹرافی: بھارت کی ضد نے آسٹریلیا اور جنوبی افریقہ کو مشکل میں ڈال دیا
کوہلی نے تیز کھیلنے کے لیے ایڈم زمپا کے خلاف سلوگ سویپ کرنے کی کوشش کی جبکہ وہ ایک غیر ضروری قدم تھا۔ ان کا شاٹ سیدھا لانگ آن فیلڈر کے ہاتھوں میں گیا۔
نان اسٹرائیکر اینڈ پر راہل اس پر بہت مایوس ہوگئے اور جب کوہلی ان کے پاس سے گزر کر جانے لگے تو انہوں نے کاہ کہ ’میں مار رہا نا‘۔ ان کا مطلب یہ تھا کہ تمہیں کیا ضرورت تھی جلد بازی میں ایسا غیر ذمے دارانہ شاٹ کھیلنے کی؟
مزید پڑھیں: آسٹریلیا انگلینڈ میچ میں بھارتی ترانہ کیسے چلا؟ پی سی بی نے آئی سی سی سے وضاحت مانگ لی
واضح رہے کہ بھارت نے آسٹریلیا کے اسکور 264 رنز 10 وکٹ کے جواب میں 6 کھلاڑیوں کے نقصان پر 48 اعشاریہ ایک اوورز میں ہی ہدف حاصل کرتے ہوئے چیمپیئنز ٹرافی کے فائنل میں پہنچ گیا۔
بھارتی ٹیم نے گروپ کے تینوں میچ جیتے تھے اور سیمی فائنل میں بھی ناقابل شکست رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راہل کا کولی پر غصہ کے ایل راہل ویرات کوہلی.ذریعہ: WE News
کلیدی لفظ: ویرات کوہلی چیمپیئنز ٹرافی ا سٹریلیا کے لیے
پڑھیں:
بابر اعظم کا ٹی20 کرکٹ میں ایک اور ریکارڈ، روہت کے بعد کوہلی کو بھی پیچھے چھوڑ دیا
لاہور:قومی کرکٹ ٹیم کے سابق کپتان بابراعظم نے سابق کپتان روہت شرما کا سب سے زیادہ رنز بنانے کا ریکارڈ توڑنے کے بعد ویرات کوہلی کا ٹی20 کرکٹ میں ایک اننگز میں 50 سے زیادہ رنز بنانے کا ریکارڈ بھی اپنے نام کرلیا۔
قذافی اسٹیڈیم لاہور میں جنوبی افریقہ کے خلاف تیسرے اور آخری ٹی20 میچ میں پاکستان 4 وکٹوں سے کامیابی حاصل کرکے سیریز بھی جیت لی اور وہی تجربہ کار بیٹر بابراعظم نے ٹی20 ٹیم میں واپسی کے بعد سیریز میں دوسرا ریکارڈ اپنے نام کرلیا ہے۔
جنوبی افریقہ نے پاکستان کو میچ اور سیریز جیتنے کے لیے 140 رنز کا ہدف دیا تو صاحبزادہ فرحان اور صائم ایوب ایک مرتبہ پھر بڑی اوپننگ شراکت کرنے میں ناکام رہے تاہم بابراعظم نے اچھی بیٹنگ کرتے ہوئے ٹیم کو جیت پوزیشن پر لاکھڑا کیا۔
بابراعظم نے میچ میں 9 چوکوں کی مدد سے 68 رنز کی اننگز کھیلی جو ان کے کیریئر کی 40 اننگز تھی، جس میں انہوں نے 50 سے زائد رنز بنانے کا ریکارڈ قائم کیا۔
قبل ازیں بھارت کے ٹی20 سے ریٹائرمنٹ لینے والے بھارتی بیٹر ویرات کوہلی نے 125 میچوں میں 39 مرتبہ 50 سے زائد رنز بنانے کا ریکارڈ بنایا تھا۔
روہت شرما یہ کارنامہ اپنے ٹی20 کیریئر میں 37 مرتبہ انجام دے چکے ہیں اور 159 میچوں میں انہوں نے یہ ریکارڈ بنایا تھا۔
پاکستان کے محمد رضوان نے صرف 106 میچوں میں 31 مرتبہ 50 سے زائد رنز کی اننگز کھیلنے کا اعزاز حاصل کر رکھا ہے، پانچویں نمبر پر آسٹریلیا کے سابق بیٹر ڈیوڈ وارنر ہیں جنہوں نے 29 مرتبہ 50 رنز سے بڑی اننگز کھیلی۔
پاکستان نے جنوبی افریقہ کو ٹی20 سیریز میں 1-2 سے شکست دے، بابراعظم کو ذمہ دارانہ بیٹنگ پر میچ اور فہیم اشرف کو بولنگ میں اچھی کارکردگی پر ٹی20 سیریز کا بہترین کھلاڑی قرار دیا گیا۔
کیریبین جزائر میں رواں سال کا طاقتور ترین طوفان داخل، 3 افراد ہلاک