سرمایہ کاری کیلئے ملک میں امن و امان بھی ہونا چاہیے، شبلی فراز
اشاعت کی تاریخ: 5th, March 2025 GMT
پاکستان تحریک انصاف (پی ٹی آئی) کے رہنما شبلی فراز کا کہنا ہے کہ ملک میں قانون کی کوئی حکمرانی نہیں، قانون کی بالادستی کے بغیر کوئی سرمایہ کاری نہیں کرتا، سرمایہ کاری کے لیے امن و امان بھی ہونا چاہیے۔
اسلام آباد میں پریس کانفرنس کرتے ہوئے شبلی فراز نے کہا کہ پاکستان کی بربادی کے ذمہ دار نواز شریف اور آصف زرداری ہیں، ان دونوں کو ملک پر مسلط کردیا گیا، ملک کے مقبول لیڈر بانی پی ٹی آئی کو جیل میں ڈال دیا گیا ہے، پورے ملک میں نااہل لوگوں کو بٹھا دیا گیا۔
شبلی فراز نے کہا کہ پیپلز پارٹی اور ن لیگ نے پاکستان کی معیشت کو گروی رکھا، جن اداروں میں نقصانات کم ہیں ان کو بیچ رہے ہیں جبکہ جن اداروں میں نقصانات ہیں ان کو اپنے پاس رکھ رہے ہیں۔
پی ٹی آئی رہنما نے کہا کہ جہاں ان کے مفادات کو نقصان ہو وہ اس پر قانون سازی کر لیتے ہیں، پاور سیکٹر کو ہی لے لیں، تباہی کے دہانے پر پہنچا دیا ہے۔
انہوں نے کہا کہ سینیٹ میں خیبر پختونخوا کی نمائندگی ہی نہیں، شفاف اور آزادانہ انتخابات ہونے تک حالات ٹھیک نہیں ہوں گے۔
.ذریعہ: Jang News
کلیدی لفظ: شبلی فراز نے کہا کہ
پڑھیں:
سفیر پاکستان رضوان سعید شیخ کا پاک امریکا معاشی تعلقات مضبوط بنانے پر زور
ورجینیا ( نیوزڈیسک) سفیر پاکستان رضوان سعید شیخ نے پاک امریکا معاشی تعلقات مضبوط بنانے پر زور دیا ہے۔
ورجینیا میں پاک امریکا بزنس کانفرنس اینڈ ایکسپو کی افتتاحی تقریب سے خطاب کرتے ہوئے سفیر پاکستان رضوان شعید شیخ کا کہنا تھا کہ امریکی مارکیٹ کے مطابق کاروباری حکمت عملی اپنانے کی ضرورت ہے، مضبوط تجارتی روابط پاک امریکا تعلقات کی پائیدار بنیاد ہیں۔
انہوں نے کہا کہ سفارت کاری مواقع پیدا کرتی ہے، مواقع سے فائدہ اٹھانا کاروباری برادری کا کام ہے۔
تقریب میں پاکستانی کمیونٹی، سرمایہ کاروں اور کاروباری رہنماؤں نے شرکت کی، بزنس ایکسپو میں دوطرفہ سرمایہ کاری، تجارت اور تعاون کے مواقع پر تبادلہ خیال کیا گیا۔
مجھے افسوس ہے کل سینیٹ کا الیکشن ہو رہا ہے، بیرسٹر گوہر