وزیراعظم کے کابینہ ارکان کو قلمدان سونپنے سے قبل صلاح و مشورے، وزرا سے الگ الگ ملاقاتیں
اشاعت کی تاریخ: 5th, March 2025 GMT
وزیراعظم کے کابینہ ارکان کو قلمدان سونپنے سے قبل صلاح و مشورے، وزرا سے الگ الگ ملاقاتیں WhatsAppFacebookTwitter 0 5 March, 2025 سب نیوز
اسلام اباد (سب نیوز )وزیراعظم شہبازشریف کے کابینہ ارکان کو قلمدان سونپنے سے قبل صلاح مشورے جاری، قلمدانوں کا فیصلہ کرنے کیلئے وزیراعظم نے وزرا سے الگ الگ ملاقاتیں کیں۔وزیراعظم شہبازشریف نے ملاقات کرنیوالے وزرا کو ذمہ داریوں سے متعلق آگاہ کردیا۔ ملاقات کرنے والوں میں مصدق ملک، اویس لغاری، طلال چوہدری، عبدالرحمان کانجو شامل تھے۔
وزیراعظم نے بعض پرانے وزرا کے قلمدانوں میں بھی ردو و بدل کا عندیہ دیا۔ وفاقی وزرا کو ایک سے زائد وزارت کے قلمدان چھوڑنا ہوں گے۔ اہم وزارتوں میں وفاقی وزیر کے ساتھ وزیر مملکت بھی مقررکیا جائے گا۔ذرائع کا کہنا ہے کہ وزیراعظم پٹرولیم، توانائی، فوڈ سیکیورٹی کے وزرا کو تبدیل کرنے کے خواہاں ہیں۔ نجکاری، سرمایہ کاری، موسمیاتی تبدیلی، اسٹیبلشمنٹ کے وزیروں کی تبدلی متوقع ہے۔ احد چیمہ کہ جگہ توقیر شاہ کو بیورو کریسی کی ذمہ داری ملے گی۔ احد چیمہ کو اقتصادی امور ڈویژن کی زمہ داری دینے پر مشاورت کی گئی۔
وزیراعظم شہبازشریف نے پرویز خٹک کی شمولیت پر نالاں اختیار ولی کو بھی رام کرنے کی کوشش کی۔ پارٹی ترجمان اختیار ولی نے پرویز خٹک سے متعلق اپنے خدشات وزیراعظم کے سامنے رکھ دیے۔ذرائع نے بتایا کہ وزیراعظم نے اختیار ولی کو ساتھ لیکر چلنے کی یقین دہانی کرا دی، انھوں نے اختیار ولی خان کو اسلام آباد میں ہی قیام کرنے کی ہدایت کی۔
یاد رہے کہ وزیراعظم کے مشیر پرویزخٹک کی کابینہ میں شمولیت پر ن لیگ کے پی کے کوسخت تحفظات ہیں۔ کے پی کے پارٹی عہدیداروں نے بھی پرویز خٹک کے بارے میں وزیراعظم شہبازشریف کوتحفظات سے آگاہ کیا۔ملاقات کرنے والے وزرا کو وزیراعظم نے انھیں وفاقی کابینہ کا حصہ بننے پر مبارکباد دی اور نیک خواہشات کا اظہارکیا، وفاقی کابینہ کے ارکان نے وزیراعظم کا ان پراعتماد ظاہر کرنے پر شکریہ ادا کیا۔
وزیراعظم سے وفاقی وزیرامیرمقام نے بھی ون آن ون ملاقات کی ہے۔ ملاقات میں ملکی و خیبرپختونخوا کی سیاسی صورتحال پر تبادلہ خیال کیا گیا۔وفاقی وزیرانجینئرامیرمقام نے شہبازشریف کی ایک سالہ بہترین کارکردگی پرمبارکباد دی اوروزیراعظم کو خیبرپختون خوا کے دورے کی دعوت دی۔
.ذریعہ: Daily Sub News
کلیدی لفظ: وزیراعظم کے
پڑھیں:
وفاقی وزیر برائے اقتصادی امور احد خان چیمہ سے ایریزونا سٹیٹ یونیورسٹی اور نیشنل انسٹیٹیوٹ آف ٹیکنالوجی کے اعلیٰ سطحی وفد کی ملاقات،دونوں اداروں کے درمیان اشتراک بارے بریفنگ دی
اسلام آباد (اُردو پوائنٹ اخبارتازہ ترین - اے پی پی۔ 24 جولائی2025ء) وفاقی وزیر برائے اقتصادی امور احد خان چیمہ سے ایریزونا سٹیٹ یونیورسٹی اور نیشنل انسٹیٹیوٹ آف ٹیکنالوجی کے حکام پر مشتمل اعلیٰ سطحی وفد نے جمعرات کو ملاقات کی اور دونوں اداروں کے درمیان ہونے والے اشتراک بارے تفصیلی بریفنگ دی۔وزارت سے جاری بیان کے مطابق احد خان چیمہ نے نیشنل انسٹیٹیوٹ آف ٹیکنالوجی لاہور اور ایریزونا سٹیٹ یونیورسٹی کے درمیان تعاون کو سراہتے ہوئے کہا کہ ایریزونا سٹیٹ یونیورسٹی دنیا کی بہترین جامعات میں سے ایک ہے، اس کا پاکستانی ادارے کے ساتھ اشتراک خوش آئند ہے۔انہوں نے کہا کہ پاکستانی طلبہ کو اب ٹیکنالوجی اور دیگر جدید شعبوں میں ایک اور معیاری تعلیمی ادارے کی سہولت میسر آئے گی، کوشش ہوگی کہ ایریزونا سٹیٹ یونیورسٹی جیسے دیگر بین الاقوامی ادارے بھی پاکستان کا رخ کریں تاکہ ہم تعلیمی میدان میں ترقی کی نئی راہیں کھول سکیں۔(جاری ہے)
وفاقی وزیر نے کہا کہ نوجوانوں کے روشن مستقبل کا انحصار جدید تعلیم اور ٹیکنالوجی پر ہے ، انشاء اللہ ہائر ایجوکیشن کمیشن کو ایک مزید مضبوط ادارہ بنایا جائے گا تاکہ ملک تعلیمی میدان میں نمایاں ترقی کرے۔وفد نے اس موقع پر نیشنل انسٹیٹیوٹ آف ٹیکنالوجی کو ایک سٹیٹ آف دی آرٹ ادارہ بنانے کے عزم کا اعادہ کیا اور مستقل تعاون پر وفاقی حکومت کا شکریہ ادا کیا۔\932
کپاس کا مسلسل زوال معیشت کے لیے خطرہ بن گیا ہے