تحریکِ انصاف میں تصادم کی پالیسی ہے، بانی پی ٹی آئی کو سبق سیکھنے کی ضرورت ہے، قمر زمان کائرہ
اشاعت کی تاریخ: 6th, March 2025 GMT
تحریکِ انصاف میں تصادم کی پالیسی ہے، بانی پی ٹی آئی کو سبق سیکھنے کی ضرورت ہے، قمر زمان کائرہ WhatsAppFacebookTwitter 0 6 March, 2025 سب نیوز
اسلام آباد (سب نیوز )قمر زمان کائرہ کا کہنا ہے کہ تحریکِ انصاف میں تصادم کی پالیسی ہے، بانی پی ٹی آئی کو سبق سیکھنے کی ضرورت ہے، بیرسٹر علی طفر نے کہا کہ بانی پی ٹی آئی کے خلاف تمام کیسز بے بنیاد ہیں، کیسز کا مقصد بانی پی ٹی آئی کوجیل میں رکھنا ہے جبکہ خرم دستگیر نے کہا کہ پاکستان کیلئے اچھی خبرآتی ہے تو ماتم بھارت اور پی ٹی آئی میں ہوتا ہے۔
پاکستان پیپلز پارٹی کے رہنما قمرزمان کائرہ نے کہا کہ امریکی صدر نے پاکستان کے تعاون پرشکریہ ادا کیا، پاکستان آج تعاون کا خمیازہ بھگت رہا ہے، شکریہ ادا کرنے پرشادیانے نہیں بجانا چاہئیں۔قمرزمان کائرہ نے کہا کہ ہمارے مفاد کے لیے بھی امریکا ہے اوراسے ہم دشمن بھی بڑا سمجھتے ہیں، عوام اور ہمارا مذہبی طبقہ خاص طور پر امریکی مزاج کے خلاف ہے، کیوں کہ امریکا سے ہم نے دوستی کی خود شروعات کی اور اس کی ہمیں خاصی قیمت بھی ادا کرنا پڑی۔ چائنا ہمارا اسٹریٹجک پارٹنر ہے لیکن یورپ اورامریکا ہمارے بڑے بزنس پارٹنرز ہیں۔
سینئر رہنما پیپلز پارٹی نے کہا کہ دہشتگردی کے خلاف جنگ ہماری اپنی بقا کیلئے ہے، پی ٹی آئی میں تصادم کی پالیسی ہے، سب اتفاق نہیں کرتے، پی ٹی آئی میں کچھ لوگ صرف اقتدارچاہتے ہیں، پی ٹی آئی میں کیچڑ اچھالنے والوں کو تھپکی ملتی ہے، بانی پی ٹی آئی کو سبق سیکھنے کی ضرورت ہے۔ پی ٹی آئی میں لیڈرشپ کے کان بھرنے کی روایت ہے۔
بیرسٹر علی ظفر
پی ٹی آئی رہنما بیرسٹرعلی ظفر نے پروگرام میں گفتگو کرتے ہوئے کہا کہ حکومتی سطح پرسیکیورٹی ایشوز پر کوئی بات ہوئی ہے تو اس کی تفصیل معلوم نہیں لیکن جو ہم نے سنا ہے کہ دہشت گرد پکڑا گیا۔ اس کا شکریہ ادا کیا گیا جو ٹھیک ہے اچھی بات ہے میری نظر میں خوش آئند ہے کہ ملک نے ایک اچھا کام کیا ہے، اس میں پی ٹی آئی کا کسی بھی پاکستانی کی طرح موقف مختلف نہیں ہوگا۔ ہم سپورٹ کررہے ہیں۔ ایک سوال کے جواب میں بیرسٹر علی طفر نے کہا کہ بانی پی ٹی آئی کے خلاف تمام کیسز بے بنیاد ہیں، کیسز کا مقصد بانی پی ٹی آئی کوجیل میں رکھنا ہے۔
انجینئرخرم دستگیر
سینئر رہنما مسلم لیگ ن انجینئرخرم دستگیر نے کہا کہ ہمیں اطمینان ہونا چاہیے کہ امریکا کے ساتھ ہمارے سفارتی تعلقات کچھ ہموارہوئے ہیں، لہذا یہ خوشی کا مقام نہیں یہ ایک چیلنج ہے لیکن یہ چیلنج پرسوں تک زیادہ مشکل تھا اب اتنا مشکل نہیں اس تعریف کے بعد۔
خرم دستگیر نے کہا کہ تعریف کا مقصد یہ نہیں کہ ہم سب شادیانے بجانا شروع کر دیں۔ امریکی صدر ٹرمپ کی باقی ممالک کے بارے میں رائے انتہائی منفی ہے، جہاں انھوں نے پاکستان کا شکریہ ادا کیا گیا، وہیں انھوں نے ہندوستان پر تنقید بھی کی ہے۔ ہندوستان امریکا کا فائدہ اٹھاتا رہا ہے۔
انھوں نے کہا کہ ایک سوچ تھی کہ امریکا کا پاکستان اورافغانستان سے دلچسپی کم رہ گئی ہے اس سوچ میں اب تبدیلی ہے۔ چاہے پاکستان میں اسی حوالے سے ہو کہ دہشت گردی سے نمٹنا ہے لیکن اگر افغانستان میں ان کی دلچسپی ہے تو انھوں نے پاکستان کے ذریعے ہینڈل کیا ہے تو ہمارے پاس سفارتی حقوق کے لیے ایک راستہ کھلا ہے۔
خرم دستگیر نے کہا کہ پی ٹی آئی خیبرپختونخوامیں ضمنی الیکشن ہاررہی ہے، پی ٹی آئی کی مقبولیت صرف مفروضہ ہے، بانی پی ٹی آئی پارٹی میں انتشاربرقراررکھنا چاہتے ہیں، بانی پی ٹی آئی الگ الگ وفود سے الگ الگ بات کرتے ہیں۔ پاکستان کیلئے اچھی خبرآتی ہے توماتم بھارت اور پی ٹی آئی میں ہوتا ہے۔ سینئر رہنما مسلم لیگ ن کا کہنا تھا کہ بانی پی ٹی آئی کی توجیح خیبرپختونخوا کا امن نہیں، بانی پی ٹی آئی کی توجیح صرف اپنی سیاست ہے، کے پی حکومت پرعوام کی جان ومال کے تحفظ کی ذمہ داری ہے۔
.ذریعہ: Daily Sub News
کلیدی لفظ: میں تصادم کی پالیسی ہے
پڑھیں:
تحریک تحفظ آئین پاکستان اور پی ٹی آئی کا ملک میں آئین و قانون کی بحالی، منصفانہ انتخابات کیلئے نئی سیاسی تحریک شروع کرنے کااعلان
اسلام آباد(اردوپوائنٹ اخبار تازہ ترین۔24جولائی 2025) تحریک تحفظ آئین پاکستان اور پی ٹی آئی نے ملک میں آئین و قانون کی بحالی،منصفانہ انتخابات اورعام آدمی کے حقوق کے تحفظ کیلئے نئی سیاسی تحریک شروع کرنے کااعلان کردیا، ہم ایک غیر جانبدار الیکشن کمیشن، آئین کی بالادستی، اور عام شہری کے بنیادی حقوق کی حفاظت کیلئے پرعزم ہیں،اسلام آبادمیں محمود خان اچکزئی نے دیگر رہنماؤں کے ہمراہ مشترکہ پریس کانفرنس کرتے ہوئے کہاکہ یہ اتحاد کسی کھیل تماشے کیلئے نہیں بلکہ سنجیدہ قومی جدوجہد کیلئے بنایا جا رہا ہے۔ ملک کی تمام اپوزیشن جماعتیں ایک بڑے اتحاد کی طرف بڑھ رہی ہیں۔نہ ہم گالی دے رہے اور نہ ڈنڈا مار رہے ہیں۔ ہم آئین کی بات کر رہے ہیں۔محمود خان اچکزئی نے اعلان کیا کہ 31 جولائی اور 1 اگست کو ایک آل پارٹیز کانفرنس بلائی جا رہی ہے جس میں ملک کی تمام جماعتوں کو دعوت دی جائے گی تاکہ ملکی حالات پر سنجیدہ غور کیا جا سکے۔(جاری ہے)
اگر ابھی مسائل کو حل نہ کیا گیا تو صورتحال مزید کشیدہ ہو جائے گی۔
انہوں نے کہا کہ یہ اتحاد کچھ لوگوں کو ہضم نہیں ہو رہا لیکن ہم پیچھے ہٹنے والے نہیں۔ جس جماعت نے سب سے زیادہ ووٹ لئے اسی کو انصاف سے محروم رکھا جا رہا ہے اور بانی پی ٹی آئی سے ملاقات کی اجازت بھی صرف مخصوص افراد کو دی جا رہی ہے جب کہ ان کی بہنوں کو بھی ان سے ملنے نہیں دیا جا رہا۔محمود اچکزئی نے کہا کہ ہم کسی فوجی افسر کے مخالف نہیں لیکن ہر شخص کو آئینی دائرے میں رہ کر کام کرنا چاہیے۔اس موقع پر پریس کانفرنس سے خطاب کرتے ہوئے پاکستان تحریک انصاف کے سیکرٹری جنرل سلمان اکرم راجہ نے کہا کہ یہ تحریک صرف تحریک انصاف کی نہیں بلکہ پورے پاکستان کی ہے۔ ان کا کہنا تھا کہ ہماری صفوں میں مختلف سیاسی جماعتوں کے نمائندے شامل ہیں اور یہ تحریک عام آدمی کے حقوق کے تحفظ کیلئے ہے۔سلمان اکرم راجہ نے اعلان کیا کہ 5 اگست کو ملک گیر احتجاج کیا جائے گا تاکہ قوم کو یہ پیغام دیا جا سکے کہ آئین، انصاف اور جمہوریت کیلئے جدوجہد جاری رہے گی۔انہوں نے کہاکہ یہ قوم کے ساتھ مذاق کیا جا رہا ہے، اور ہم یہ مذاق مزید برداشت نہیں کریں گے۔ تحریک انصاف اس وقت ملک کی سب سے بڑی سیاسی جماعت ہے لیکن صرف اس جماعت سے تعلق کی بنیاد پر اس کے رہنماؤں کو دس دس سال کی سزائیں دی جا رہی ہیں جو انصاف کے تقاضوں کے سراسر خلاف ہے۔ ان کایہ بھی کہنا تھا کہ ملک میں آزادیِ اظہار پر قدغن ہے۔لوگ آزادی سے نہ بول سکتے ہیں نہ چل سکتے ہیں اور بانی پی ٹی آئی گزشتہ دو سال سے قید میں ہیں۔ فئیر ٹرائل ہر پاکستانی کا آئینی حق ہے اور بانی پی ٹی آئی سمیت تمام قیدیوں کو یہ سہولت مہیا کی جائے۔
محکمہ بورڈ یونیورسٹیز حکام ثانوی بورڈ ملازمین کی ترقی کے آڑے آگئے