لاہور ڈیولپمنٹ پلان میں شفافیت سے 16 ارب روپے کی بچت
اشاعت کی تاریخ: 7th, March 2025 GMT
وزیرِاعلیٰ پنجاب مریم نواز--- فائل فوٹو
وزیرِ اعلیٰ پنجاب مریم نواز کو لاہور ڈیولپمنٹ پراجیکٹ پر پیشرفت کے جائزہ اجلاس میں بتایا گیا ہے کہ پلان میں شفافیت سے 16 ارب روپے کی بچت کی گئی ہے۔
لاہور میں وزیرِ اعلیٰ پنجاب مریم نواز کی صدارت میں ہونے والے اجلاس میں ڈپٹی کمشنر لاہور نے لاہور ڈیولپمنٹ پلان پر رپورٹ پیش کی۔
اجلاس میں بریفنگ کے دوران بتایا گیا ہے کہ شہر میں مستقبل کی ضروریات کو مدِ نظر رکھ کر سیوریج سسٹم بنایا جائے گا، جس کے مطابق واسا لاہور میں مجموعی طور پر 780 کلومیٹر کی 1 سے 6 فٹ قطر کی نئی پائپ لائنز بچھائے گا جس میں پہلے مرحلے میں لاہور میں 450 سیوریج لائنیں ڈالی جائیں گی، اسٹریٹ لائٹس کی تنصیب اور پارکس کی بحالی کو بھی ڈیولپمنٹ پلان میں شامل کیا گیا ہے۔
مریم نواز کی زیرِ صدارت رمضان پیکیج کی شفاف تقسیم اور مانیٹرنگ پر اجلاس ہوا۔
بریفنگ میں بتایا گیا ہے کہ پہلے فیز میں لاہور کے 6 زون کی تعمیر و مرمت اور ڈیولپمنٹ کی جائے گی، پلان میں فراہمی و نکاسیٔ آب کے نظام، رابطہ سڑکوں اور پختہ گلیوں کی تعمیر شامل ہیں، ترقیاتی منصوبوں میں شفافیت کے لیے لاہور ڈیولپمنٹ مینجمنٹ انفارمیشن سسٹم سے کنٹریکٹ کا آغاز کیا گیا ہے۔
بریفنگ میں کہا گیا ہے کہ انسپکٹر ایک ایپ کے ذریعے نیسپاک پراجیکٹ کی انسپکشن کر سکے گا، لاہور ڈیولپمنٹ مینجمنٹ انفارمیشن سسٹم کے ذریعے ڈیجیٹل ٹریکنگ کی جا سکے گی۔
اجلاس کے دوران وزیرِ اعلیٰ مریم نواز نے کہا کہ ترقیاتی منصوبوں کے معیار پر کوئی سمجھوتہ نہیں ہو گا، اس کے علاوہ دیہات میں بھی گلیاں شہروں کی طرح بہترین بنائی جائیں، وزیرِ اعلیٰ پنجاب نے کا نہر کی بھل صفائی کرانے کا حکم بھی صادر کیا۔
.ذریعہ: Jang News
کلیدی لفظ: مریم نواز گیا ہے کہ پلان میں
پڑھیں:
مرکزی رہنما پی پی پی کا پنجاب میں سیلاب متاثرین کی مدد پر مریم نواز سےاظہار تشکر
اسلام آباد:پاکستان پیپلز پارٹی کے مرکزی رہنما اور رکن قومی اسمبلی نبیل گبول نے پنجاب کے سیلاب متاثرین کی بھرپور مدد پر وزیراعلیٰ پنجاب مریم نواز سے اظہار تشکر کیا ہے۔
سماجی رابطے کی ویب سائٹ ایکس پر جاری بیان میں رہنما پی پی پی نبیل گبول نے کہا کہ سیلاب متاثرین کی فوری مدد پر مریم نواز شریف صاحبہ آپ کا بہت شکریہ۔
نبیل گبول نے کہا کہ میری درخواست پر آپ نے تحصیل علی پور کی تین یونین کونسلوں میں میرے گبول قبیلے کی بھرپور مدد کی اور آپ نے سینئیر صوبائی وزیر مریم اورنگزیب کو بھی وہاں بھیجا۔
رہنما پی پی پی نے وزیراعلیٰ پنجاب مریم نواز کو مخاطب کرکے کہا کہ مریم اورنگزیب مقامی لوگوں سے ملیں اور ان کی بھرپور مدد کی، آپ کی کارکردگی سے بہت متاثر ہوا ہوں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام