ایران کے سپریم لیڈر خامنہ ای نے ڈونلڈ ٹرمپ کے مطالبات مسترد کردیے
اشاعت کی تاریخ: 8th, March 2025 GMT
TEHRAN:
ایران کے سپریم لیڈر آیت اللہ خامنہ ای نے امریکی صدر ڈونلڈ ٹرمپ کے جوہری ہتھیاروں پر مذاکرات کے مطالبات مسترد کرتے ہوئے کہا ہے کہ امریکا مذاکرات نہیں چاہتا بلکہ اپنے مطالبات مسلط کرنے کا خواہاں ہے۔
الجزیرہ کی رپورٹ کے مطابق ایران کے سپریم لیڈر آیت اللہ خامنہ ای نے حکام کے ساتھ ملاقات کے دوران گفتگو یہ واضح نہیں کیا کہ انہیں ڈونلڈ ٹرمپ کا خط موصول ہوا ہے یا نہیں لیکن واشنگٹن کے بارے میں کہا کہ وہ پچھلے مذکرات کے مقابلے میں پہلے سے زیادہ سخت پابندیاں عائد کرنا چاہتا ہے۔
انہوں نے کہا کہ چند بدمعاش حکومتیں مذاکرات پر زور دے رہی ہیں لیکن ان کے مذاکرات کے مقاصد مسائل حل کرنے کے نہیں ہیں بلکہ دباؤ ڈالنے اور اپنے توقعات مسلط کرنا چاہتے ہیں۔
خامنہ ای نے کہا کہ مذکورہ ممالک کے لیے مذاکرات کا مطلب نئے مطالبات پیش کرنا ہے، مسئلہ جوہری معاملات سے متعلق نہیں ہے بلکہ وہ اپنے نئے مطالبات سامنے رکھتے ہیں جو ایران کو کسی صورت قبول نہیں ہوں گے۔
یہ بھی پڑھیں: ایران سے جنگ نہیں مذاکرات کروں گا؛ وہ عظیم لوگ ہیں؛ ڈونلڈ ٹرمپ کا خامنہ ای کو خط
امریکی مطالبات کا حوالہ دیتے ہوئے ایران کے سپریم لیڈر نے کہا کہ وہ ایران کی دفاعی صلاحیت محدود کرنے اور بین الاقوامی اثر و رسوخ بڑھناے کا مطالبہ کرتے ہیں کہ یہ نہ کریں، فلاں سے نہ ملیں فلاں چیزیں نہ بنائیں یا میزائل کا ہدف مخصوص رینج سے زیادہ نہیں ہونا چاہیے۔
خیال رہے کہ امریکی صدر ڈونلڈ ٹرمپ نے امریکی میڈیا کو دیے گئے ایک انٹرویو میں کہا تھا کہ ایران کے ساتھ معاملات کے لیے دو راستے ہیں، عسکری یا ایران کو جوہری ہتھیاروں سے حصول سے روکنے کے لیے ان کے ساتھ معاہدہ کیا جائے۔
ٹرمپ نے کہا تھا کہ ایران کے سپریم لیڈر آیت اللہ خامنہ ای کو جوہری معاہدے پر مذاکرات کے حوالے سے خط بھیجا ہے اور میں ان سے مذاکرات کرنا چاہوں گا کیونکہ وہ عظیم لوگ ہیں اور میں ان کو نقصان نہیں پہنچانا چاہتا اور توقع ہے کہ ایران خود ایسا ہی کرے گا کیونکہ یہ ان کے مفاد میں ہے۔
.ذریعہ: Express News
کلیدی لفظ: ایران کے سپریم لیڈر خامنہ ای نے ڈونلڈ ٹرمپ نے کہا کہا کہ
پڑھیں:
ملک میں عدالتی نظام انصاف پر مبنی نہیں، ویں ترمیم کو مسترد کرتے ہیں، حافظ نعیم الرحمان
امیر جماعت اسلامی حافظ نعیم الرحمان نے کہا ہے کہ ملک میں عدالتی نظام انصاف پر مبنی نہیں، ہم 27ویں ترمیم کو مسترد کرتے ہیں۔
لاہور میں جماعت اسلامی کے ‘بدل دو نظام’ اجتماع سے خطاب کرتے ہوئے حافظ نعیم الرحمان نے کہا کہ پنجاب میں نمائشی اقدامات کے علاوہ خواتین کو بااختیار بنانے کے لیے کون سے عملی اقدامات کیے گئے ہیں۔ کیا خواتین کو ٹھیکیداری نظام سے نجات ملی؟ کیا انہیں ملازمت کے حقوق فراہم کیے گئے؟
یہ بھی پڑھیں: سپریم کورٹ کے فیصلے سے ہائبرڈ نظام کو تقویت ملی،حافظ نعیم الرحمان
انہوں نے کہا کہ خواتین اور بچے بھٹوں پر کام کرتے ہیں، پنجاب میں جہاں بھی چلے جائیں کوئی پوچھنے والا نہیں۔ خواتین کو ملازمت کے حقوق حاصل نہیں، نہ انہیں محفوظ زندگی میسر ہے، اور نہ ہی ایسی ٹرانسپورٹ دستیاب ہے جس میں وہ باعزت طریقے سے سفر کر سکیں۔
اسلام میں خواتین کا مقام اور تعلیم کا حق
حافظ نعیم الرحمان نے کہا کہ ہمارا دین معاشرے کے ہر فرد بشمول خواتین کو تعلیم کا حق دیتا ہے۔ نبی کریم ﷺ کی نبوت سے پہلے عرب معاشرے میں خواتین کی منڈیاں لگتی تھیں اور خرید و فروخت ہوتی تھی، اور ایسے درندہ صفت لوگ بھی موجود تھے جو بچیوں کو زندہ دفن کر دیتے تھے۔
لاہور: گریٹر اقبال پارک میں جماعت اسلامی کا تین روزہ "بدل دو نظام " اجتماع عام شروع، ہزاروں افراد شریک
موجودہ نظام عوام کو ریلیف نہیں دے سکتا، ظلم کا یہ نظام اب مزید نہیں چل سکے گا، سازشوں یا فارم 47 کے ذریعے اقتدار میں نہیں آئیں گے: حافظ نعیم pic.twitter.com/HQPzJ1jDnh
— QOMINEWS (@QOMINEWS) November 21, 2025
انہوں نے کہا کہ اسلام نے خواتین کو تعلیم کا حق دیا، جو لوگ خواتین سے یہ حق چھینتے ہیں وہ اللہ اور اس کے رسول ﷺ کے احکامات کی خلاف ورزی کرتے ہیں۔ ہم سرمایہ دارانہ نظام کے خلاف ہیں۔ اگر کسی کو تعلیمی نظام سے اختلاف ہے تو وہ بات کرسکتا ہے، مگر خواتین کو تعلیم سے محروم نہیں رکھا جاسکتا۔
یہ بھی پڑھیں: ایک لاکھ 20 ہزار تک ماہانہ آمدن ٹیکس سے مستثنیٰ ہونی چاہیے، حافظ نعیم الرحمان
امیرِ جماعت اسلامی نے کہا کہ ملک میں انصاف پر مبنی نظام موجود نہیں۔ ہم 27 ویں آئینی ترمیم کو مسترد کرتے ہیں۔ ہائیکورٹس میں لاکھوں کیسز زیر التوا ہیں، عوام کو دہائیوں تک انصاف نہیں ملتا۔ سپریم کورٹ میں 50 ہزار سے زیادہ کیسز زیر التوا ہیں۔
تعلیم کی صورتِ حال اور یکساں نظام کی ضرورت
انہوں نے کہا کہ ملک میں یکساں نظامِ تعلیم ہونا چاہیے۔ ملک کے ہر بچے کو پڑھانا ہوگا اور سب کو برابری کے حقوق دینا ہوں گے۔ ملک میں پونے 3 کروڑ بچے اسکولوں سے باہر ہیں جبکہ صرف 12 فیصد بچے یونیورسٹی میں پڑھ رہے ہیں۔
خواتین کی وراثت اور جماعت اسلامی کے پروگرامز
انہوں نے کہا کہ خواتین کو وراثت میں حصہ ملنا چاہیے۔ جماعت اسلامی ‘بنو قابل’ پروگرام کے تحت خواتین کے لیے دسمبر میں فری آئی ٹی اسکالرشپ پروگرام شروع کر رہی ہے، جس میں خواتین گھر بیٹھے کورسز کر سکیں گی۔
ان کا کہنا تھا کہ ‘بنو قابل’ پروگرام میں 12 لاکھ رجسٹریشن ہوچکی ہیں، جن میں 4 سے 5 لاکھ نوجوان بچیاں شامل ہیں۔ بہت سی بچیوں نے ٹیسٹ دیے، پاس ہوئیں اور اپنے کام بھی شروع کر دیے ہیں۔
یہ بھی پڑھیں: ہندوتوا کے ماننے والے کبھی مذاکرات سے مسئلہ کشمیر حل نہیں کریں گے، حافظ نعیم الرحمان
غزہ میں اسرائیلی مظالم کے ذکر پر حافظ نعیم الرحمان نے کہا کہ غزہ میں تقریباً 80 ہزار افراد شہید ہوئے ہیں۔ اب تو ملبے کے ڈھیر سے بھی لاشیں برآمد ہو رہی ہیں، اور ان 80 ہزار میں سے 70 فیصد بچے اور خواتین ہیں۔
انہوں نے کہا کہ مغرب ایک طرف دعویٰ کرتا ہے کہ وہ خواتین کو برابر کے حقوق دیتا ہے، مگر دوسری طرف ڈونلڈ ٹرمپ نے خود کہا کہ نیتن یاہو نے ایسے ہتھیار مانگے جن کے بارے میں وہ جانتا بھی نہیں تھا، اور اس نے وہ ہتھیار مہیا کیے جنہیں نیتن یاہو نے بھرپور طریقے سے استعمال کیا۔
ڈونلڈ ٹرمپ پر تنقید
ان کا کہنا تھا کہ امریکا کے دیے گئے ہتھیار غزہ کے بچوں اور خواتین پر استعمال ہوئے، انہیں تباہ کیا گیا، اور کوئی پوچھنے والا نہیں کہ وہ کیسا امن کا دعوے دار ہے جو خواتین اور بچیوں کا قتل عام کرواتا ہے۔
انہوں نے کہا کہ ہمارے وزیراعظم نے ڈونلڈ ٹرمپ کی خوشامد کی اور اسے نوبیل انعام کے لیے نامزد کرنے کی بات کی۔ یہ کسی صورت قابلِ قبول نہیں۔ وزیراعظم کو ایسی بات کرتے ہوئے شرم آنی چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گووندا کی طبیعت کیسی ہے؟ اہلیہ سنیتا کا اہم پیغام جاری