مرکزی بینک کا شرح سود کو 12فیصد پر برقرار رکھنا مایوس کن ہے،عاطف اکرام شیخ
اشاعت کی تاریخ: 10th, March 2025 GMT
مرکزی بینک کا شرح سود کو 12فیصد پر برقرار رکھنا مایوس کن ہے،عاطف اکرام شیخ WhatsAppFacebookTwitter 0 10 March, 2025 سب نیوز
اسلام آباد (سب نیوز )صدر ایف پی سی سی آئی عاطف اکرام شیخ نے کہا ہے کہ مرکزی بینک کا شرح سود کو 12فیصد پر برقرار رکھنا مایوس کن ہے ، مانیٹری پالیسی کمیٹی کے پاس شرح سود میں نمایاں کمی کا یہ بہترین موقع تھا، بزنس کمیونٹی کو توقع تھی کہ اسٹیٹ بینک شرح سود کو سنگل ڈیجٹ میں لائے گی۔
صدر ایف پی سی سی آئی نے اسٹیٹ بینک کی جانب سے شرح سود برقرار رکھنے پر ردعمل دیتے ہوئے کہا کہ پاکستان میں کاروبار کے فروغ کیلئے شرح سود میں کمی ناگزیر تھی ،مہنگائی کی شرح 6سال کی کم ترین سطح پر ، شرح سود ڈبل ڈیجٹ میں ہے، شرح سود میں کم سے کم 500بیسس پوائنٹس کی کمی ہونی چاہئے تھی ، مرکزی بینک کا شرح سود کو 12فیصد پر برقرار رکھنا مایوس کن ہے
، مانیٹری پالیسی کمیٹی کے پاس شرح سود میں نمایاں کمی کا یہ بہترین موقع تھا، بزنس کمیونٹی کو توقع تھی کہ اسٹیٹ بینک شرح سود کو سنگل ڈیجٹ میں لائے گی ۔ عاطف اکرام شیخ نے کہا کہ ملکی معاشی استحکام کیلئے بہترپالیسیوں کا تسلسل جاری رکھنا ہو گا،حکومت جون 2025تک شرح سودکو 5فیصد پر لانے کیلئے اقدامات کرے۔
.ذریعہ: Daily Sub News
کلیدی لفظ: عاطف اکرام شیخ
پڑھیں:
ملک بھر میں شدید گرمی کی لہر برقرار، محکمہ موسمیات کا انتباہ
محکمہ موسمیات نے خبردار کیا ہے کہ ملک کے بیشتر علاقوں میں گرمی کی شدید لہر آئندہ چند روز تک برقرار رہے گی، جس کے دوران درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔
ترجمان محکمہ موسمیات کے مطابق، بالائی علاقوں جن میں وسطی و بالائی پنجاب، اسلام آباد، خیبرپختونخوا، کشمیر اور گلگت بلتستان شامل ہیں، وہاں دن کا درجہ حرارت معمول سے 5 سے 7 ڈگری سینٹی گریڈ زیادہ جبکہ جنوبی علاقوں بشمول بالائی و وسطی سندھ، جنوبی پنجاب اور بلوچستان — میں درجہ حرارت 4 سے 6 ڈگری سینٹی گریڈ تک بڑھ سکتا ہے۔
محکمہ موسمیات نے واضح کیا ہے کہ شدید گرمی کی موجودہ لہر جمعرات 12 جون تک جاری رہنے کا امکان ہے۔ عوام کو مشورہ دیا گیا ہے کہ وہ صبح 11 بجے سے شام 4 بجے تک براہِ راست سورج کی روشنی سے گریز کریں اور پانی کا زیادہ استعمال کریں تاکہ ہیٹ اسٹروک اور دیگر موسمی اثرات سے محفوظ رہ سکیں۔
مزید پڑھیں: موسمیاتی تبدیلی کے اثرات سے نمٹنے کے لیے 100 ارب روپے مختص کردیے گئے، مریم اورنگزیب
اسلام آباد:
منگل اور بدھ کو موسم گرم اور خشک رہے گا، دن کے وقت شدید گرمی اور تیز ہواؤں کا امکان ہے۔
پنجاب:
دونوں روز صوبے کے بیشتر اضلاع میں موسم شدید گرم اور خشک، جبکہ دوپہر کے بعد میدانی علاقوں میں گرد آلود ہوائیں چلنے کا امکان ہے۔
سندھ:
موسم شدید گرم اور خشک رہے گا، خصوصاً میدانی علاقوں میں، جبکہ تیز و گرد آلود ہوائیں چلنے کی بھی پیشگوئی ہے۔
خیبرپختونخوا:
بالائی علاقوں میں جزوی ابر آلود موسم کے ساتھ دیر، چترال اور گردونواح میں شام یا رات کے وقت ہلکی بارش کا امکان، باقی صوبے میں شدید گرمی متوقع ہے۔
بلوچستان:
صوبے کے بیشتر علاقوں میں موسم شدید گرم اور خشک، تیز و گرد آلود ہوائیں چلنے کا امکان۔
گلگت بلتستان:
شام یا رات کے وقت چند مقامات پر گرج چمک کے ساتھ ہلکی بارش ہو سکتی ہے، دن کے وقت موسم گرم رہے گا۔
کشمیر:
منگل اور بدھ دونوں روز کشمیر میں موسم گرم اور خشک رہے گا۔
عوام الناس سے گزارش ہے کہ وہ غیر ضروری طور پر دھوپ میں نکلنے سے گریز کریں اور خود کو گرمی کے اثرات سے محفوظ رکھنے کے لیے حفاظتی اقدامات اختیار کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شدید گرمی گرد آلود ہوائیں محمکہ موسمیات موسم ہیٹ ویو
ہماری معاشی خود انحصاری کا دارومدار سستی بجلی اور زراعت پر ہے: وزیراعظم