ملک میں امریکی خوشنودی حاصل کرنے کی دوڑ لگی ہوئی ہے، منعم ظفر خان
اشاعت کی تاریخ: 10th, March 2025 GMT
دعوت افطار سے خطاب کرتے ہوئے امیر جماعت اسلامی کراچی نے کہا کہ پاکستان میں کلمہ طیبہ کی سربلندی اور اللہ کی حاکمیت کا قانون نافذ ہونا تھا لیکن حکمرانوں نے ہی وطن عزیز کو اس کے قیام کے مقاصد سے محروم رکھا، ملک آمریت نافذ رہی اور جمہوریت کو مذاق بنایا گیا۔ اسلام ٹائمز۔ امیر جماعت اسلامی کراچی منعم ظفر خان نے علاقہ ناظم آبادو گلبہار کے تحت الحسن چوک ناظم آباد نمبر 1 میں عوامی دعوت افطار کے شرکاء سے خطاب کرتے ہوئے کہا ہے کہ ملک میں امریکی خوشنودی حاصل کرنے کی دوڑ لگی ہوئی ہے، حکمرانوں کی نا اہلی و کرپشن نے عوام کو رمضان المبارک کے دوران بھی پانی کی قلت اور گیس و بجلی کی لوڈشیڈنگ سے دوچار کیا ہوا ہے، کھانے پینے کی چیزوں سمیت اشیاء صرف من مانی قیمتوں پر فروخت کی جارہی ہیں، سندھ حکومت، پرائس کنٹرول کرنے والے ادارے، کسٹمز، اے ڈی سی اور ڈی سی اپنی ذمہ داری پورے کرنے میں ناکام ہیں، پاکستان میں کلمہ طیبہ کی سربلندی اور اللہ کی حاکمیت کا قانون نافذ ہونا تھا لیکن حکمرانوں نے ہی وطن عزیز کو اس کے قیام کے مقاصد سے محروم رکھا، ملک آمریت نافذ رہی اور جمہوریت کو مذاق بنایا گیا، حکمران پارٹیاں آج بھی اقتدار کی بندر بانٹ اور نورا کشتی میں لگی ہوئی ہیں۔
ان کا کہنا تھا کہ جماعت اسلامی ملک میں عدل و انصاف کے نظام کے قیام کے لیے کوشاں ہے، جماعت اسلامی کی حق دو کراچی تحریک ظالم حکمرانوں سے عوام کا حق حاصل کرنے کی تحریک ہے، رمضان کا مہینہ درس دیتا ہے کہ ظلم کے نظام کے خاتمے کے لیے فضائے بدر پیدا کی جائے، اہل غزہ نے ثابت کردیا ہے کہ جب ایمان کی طاقت ہو تو ظلم کے آگے ڈٹ جاتے ہیں، روزے کی عبادت بندہ خدا کو سب کچھ قربان کرنے کے لیے تیار کرتی ہے، آخرت کا احساس ہی ہے جو انسانوں کو نیکی کرنے پر ابھارتا ہے، رمضان قرآن اور جہاد کا مہینہ ہے اور ہم سے تقاضہ کرتا ہے کہ ہم اللہ تعالی کی بندگی اور تقویٰ اختیار کریں۔ دعوت افطار میں جماعت اسلامی ضلع وسطی کے سکریٹری سہیل زیدی نے درس حدیث پیش کیا۔ اس موقع پر ناظم علاقہ و ٹاؤن وائس چیئرمین نعمان صدیقی، چیئرمین یوسی 4 عمیر اکرم، چیئرمین یوسی 5 کمال و دیگر بھی موجود تھے۔
ذریعہ: Islam Times
کلیدی لفظ: جماعت اسلامی
پڑھیں:
سندھ میں اسسٹنٹ کمشنرز کے لیے گاڑیاں خریدنے کیخلاف جماعت اسلامی سپریم کورٹ پہنچ گئی
اسسٹنٹ کمشنرز کے لیے 138 ڈبل کیبن گاڑیوں کی خریداری کے معاملے میں جماعت اسلامی کے ایم پی اے محمد فاروق نے سندھ ہائیکورٹ کا فیصلہ سپریم کورٹ میں چیلنج کردیا۔
مدعی کے وکیل عثمان فاروق ایڈووکیٹ نے موقف اپنایا کہ 28 مارچ کو سندھ ہائیکورٹ نے گاڑیوں کی خریداری کے خلاف درخواست مسترد کردی ہے، حکومت سندھ کی جانب سے بیوروکریسی کے لیے 138 بڑی گاڑیاں خریدی جارہی ہیں۔
ایم پی اے محمد فاروق نے درخواست میں کہا ہے کہ ان گاڑیوں کی خریداری کے لیے تقریباً 2 ارب روپے کے اخراجات ہوں گے، 3 ستمبر کو اس سلسلے میں نوٹیفکیشن جاری کیا جاچکا ہے۔
یہ بھی پڑھیے: سندھ کے اسسٹنٹ کمشنرز کے لیے لگژری گاڑیوں کی منظوری
درخواست گزار محمد فاروق کا کہنا ہے کہ یہ گاڑیاں عوام کے ادا کردہ ٹیکسوں کی مد سے خریدی جائیں گی، اسٹیٹ بینک کی رپورٹ کے مطابق ملک میں انفلیشن کی شرح 28 فیصد سے زیادہ ہے، صوبے میں عوام کو صحت اور تعلیم کی بنیادی سہولیات میسر نہیں۔
انہوں نے کہا ہے کہ عوام کے ٹیکس کے پیسے کو عوام کی بہبود کے لیے استعمال کرنا چاہیے، بیوروکریسی کیلیے ڈبل کیبن گاڑیاں خریدنے سے عوام کا کوئی فائدہ نہیں، اختیارات کا غلط استعمال کرتے ہوئے یہ عوامی پیسے کا بیجا استعمال ہے۔
یہ بھی پڑھیے: سندھ ہائیکورٹ نے اسسٹنٹ کمشنرز کے لیے لگژری گاڑیاں خریدنے کے نوٹیفکیشن پر عملدرآمد روک دیا
انہوں نے اپیل کی کہ 3 ستمبر کے گاڑیاں خریدنے سے متعلق نوٹیفکیشن کو غیر قانونی اور کالعدم قرار دیا جائے۔ عدالتی فیصلے تک نوٹیفکیشن پر عملدرآمد معطل کیا جائے اور سندھ ہائیکورٹ کا فیصلہ کالعدم قرار دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسسٹنٹ کمشنرز جماعت اسلامی سپریم کورٹ گاڑی
یونیفارم کی تضحیک کے الزام میں پولیس نے ٹک ٹاکر کاشف ضمیر کو گرفتار کر لیا