ایئر انڈیا کو سبکی کا سامنا، جہاز کے کموڈ بھر جانے کے سبب پرواز منزل تک نہ پہنچ سکی
اشاعت کی تاریخ: 11th, March 2025 GMT
بھارتی ایئر لائن ایئر انڈیا کی ایک پرواز جو شکاگو سے دہلی جا رہی تھی، فلائٹ کے چند گھنٹوں بعد ہی واپس شکاگو کے ہوائی اڈے لینڈ کرنے پر مجبور ہو گئی کیونکہ طیارے کے باتھ روم گندگی بھرنے سے بند ہو گئے تھے۔
طیارے کی مختلف ویڈیوز سوشل میڈیا پر وائرل ہوئیں جس میں مسافروں کو عملے کے ساتھ بحث کرتے دیکھا گیا۔ صارفین کی جانب اس ویڈیو پر تبصرہ کرتے ہوئے کہا گیا کہ ایئر انڈیا میں سفر نہ کریں۔
https://Twitter.
اس واقعے کے بعد ایئر لائنز کی جانب سے بیان جاری کیا گیا جس میں کہا گیا کہ جہاز کے 12 میں سے 8 باتھ روم ’غیر فعال‘ ہوگئے تھے، جس کی وجہ سے پرواز کو شکاگو واپس لوٹنا پڑا۔
ایئر انڈیا کے ترجمان نے کہا، ’واقعے کی تحقیقات کے دوران ہماری ٹیموں نے پلاسٹک بیگ اور کپڑے جو باتھ رومز میں پھینکے گئے تھے وہ نکالے جس کے باعث پلمبنگ میں رکاوٹ آ گئی تھی اور باتھ رومز غیر فعال ہو گئے تھے‘۔
یہ بھی پڑھیں: ’جہاز میں آبشار‘: ایئر انڈیا کی فلائٹ میں بارش، صارفین کی تنقید
ترجمان نے مزید بتایا کہ ’پرواز کے 1 گھنٹہ 45 منٹ بعد، عملے نے بزنس اور اکانومی کلاس کے کچھ باتھ رومز کے غیر فعال ہونے کی اطلاع دی۔ اس کے بعد طیارے کے 12 میں سے 8 باتھ رومز غیر فعال ہو گئے، جس سے تمام مسافروں کو تکلیف کا سامنا کرنا پڑا‘۔
واضح رہے کہ انڈیا ایئر لائن کی جانب سے شکایات پہلی بار سامنے نہیں آئیں بلکہ اس سے قبل بھی ایئر لائن کی ایک ویڈیو وائرل ہوئی تھی جس میں دیکھا گیا کہ فلائیٹ میں اچانک پانی ٹپکنا شروع ہو جاتا ہے جس کو ایئر ہوسٹس کپڑے کی مدد سے روکنے کی کوشش کرتی نظر آتی۔ فلائٹ میں پانی ٹپکنے کی وجہ سے ایئر انڈیا کی مینجمنٹ پر سوالات اٹھائے گئے تھے۔
گزشتہ ماہ بھارت کی ممبئی سے دبئی جانے والی ایئر انڈیا کی فلائٹ تاخیر کا شکار ہو گئی تھی جس کی وجہ سے مسافر تقریباً 5 گھنٹے تک طیارے کے اندر قید رہے۔ ایسے میں مسافروں کا غصہ بڑھتا رہا اور مشتعل افراد طیارے کو گھونسے مارتے رہے اور کہتے رہے کہ انہیں فلائٹ سے اتار دیا جائے۔
یہ بھی پڑھیں: ’ہمیں اب آپ پر اعتماد نہیں‘، ایئر انڈیا کی فلائٹ 5 گھنٹے تاخیر کا شکار، مسافر مشتعل
حال ہی میں حال ہی میں ایئر انڈیا کو اپنے عملے کے ارکان کے لیے مناسب رہائش فراہم نہ کرنے پر تنقید کا سامناکرنا پڑا تھا۔ ایک صارف نے جہاز کے عملے کو دیے جانے والے کمرے کی تصاویر شیئر کی تھیں جس میں سنگل بیڈ پڑا ہواتھا جو بیڈ شیٹ کے بغیر تھا اور کمرے کے اندر سامان بے ترتیبی سے پڑا ہوا تھا۔
اس پرایئر انڈیا کو تنقید کا نشانہ بنایا گیا اور صارفین کی جانب سے کہا گیا کہ اگر آپ ایئر انڈیا کو عالمی معیار کی ایئر لائن بنانا چاہتے ہیں تو ایک لمبی فلائٹ سے واپس آنے والے ائیر لائن کے عملے کے ساتھ ایسا سلوک نہیں کرناچاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر انڈیا بھارتی ایئر لائن شکاگوذریعہ: WE News
کلیدی لفظ: ایئر انڈیا بھارتی ایئر لائن شکاگو باتھ رومز ایئر لائن غیر فعال گئے تھے کی جانب گیا کہ
پڑھیں:
احمد آباد طیارہ حادثہ، بھارتی تاریخ کے بدترین فضائی سانحات میں المناک اضافہ
لندن جانے والی ایئر انڈیا کی پرواز جمعرات کی صبح احمد آباد کے سردار ولبھ بھائی پٹیل انٹرنیشنل ایئرپورٹ کے قریب گر کر تباہ ہو گئی، جس میں 242 افراد سوار تھے۔ طیارے میں 230 مسافر اور 12 عملے کے ارکان شامل تھے۔ حادثے میں کسی کے زندہ بچنے کی اطلاع نہیں ملی، اور جائے حادثہ پر امدادی کارروائیاں تاحال جاری ہیں۔
عینی شاہدین کے مطابق، جہاز لینڈنگ سے محض چند لمحے قبل زمین سے 625 فٹ کی بلندی پر تھا جب اچانک اس کا رابطہ کنٹرول ٹاور سے منقطع ہو گیا۔ اس کے فوراً بعد زوردار دھماکے کی آواز سنی گئی، اور طیارہ قریبی بستی میں جا گرا، جہاں متعدد عمارتوں کو بھی نقصان پہنچا۔
مزید پڑھیں: ایئر انڈیا کا طیارہ کیسے تباہ ہوا؟ ویڈیو منظر عام پر آگئی
ریاستی حکومت اور سول ایوی ایشن حکام کے مطابق ابتدائی شواہد جہاز کے ٹیکنیکل سسٹم میں ممکنہ خرابی کی جانب اشارہ کرتے ہیں، تاہم حتمی وجوہات کا تعین بلیک باکس کی بازیابی اور تفصیلی تحقیقات کے بعد کیا جائے گا۔
اس المناک واقعے نے بھارت کی فضائی تاریخ میں کئی اور بڑے سانحات کی یاد تازہ کر دی ہے، جن میں 1996 کا چرخ ڈیڈری فضائی تصادم (349 ہلاکتیں)، 1985 کی ایئر انڈیا بم دھماکہ پرواز 182 (329 ہلاکتیں)، 1988 کا احمد آباد حادثہ (133 ہلاکتیں)، اور 2010 کا مانگلور حادثہ (158 ہلاکتیں) شامل ہیں۔
بھارتی فضائی تاریخ کے بڑے سانحاتچرخی دادری فضائی تصادم (1996):
سعودی ایئرلائنز اور قازقستان کے طیاروں کا تصادم، 349 افراد ہلاک۔
ایئر انڈیا پرواز 182 بم دھماکہ (1985):
کینیڈا کے ساحل کے قریب دھماکہ، 329 افراد جان کی بازی ہار گئے۔
مزید پڑھیں: احمد آباد میں ایئر انڈیا کا طیارہ کریش، امریکی اسٹاک مارکیٹ میں بوئنگ کمپنی کے شیئرز گر گئے
احمد آباد حادثہ (1988):
انڈین ایئرلائنز کی پرواز حادثے کا شکار، 133 افراد ہلاک۔
مانگلور حادثہ (2010):
دبئی سے مانگلور آنے والا طیارہ رن وے سے پھسل گیا، 158 افراد جاں بحق۔
ممبئی حادثہ: (1978)
ممبئی سے دبئی جانے والی ایئر انڈیا کی پرواز 855 بوئنگ 747 کے ابرنمنٹ فالٹ کی وجہ سے 2 منٹ بعد سمندر میں گر گئی، تمام 213 افراد ہلاک ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر انڈیا بھارتی فضائی تاریخ کے بڑے سانحات
پوتا پوتی انور کہہ کر بلاتے ہیں، انور مقصود کا بچوں سے دوستی کا انوکھا فلسفہ