چیمپیئنز ٹرافی فائنل کی اختتامی تقریب میں کوئی پاکستانی اسٹیج پر کیوں نہیں تھا؟ آئی سی سی نے بتادیا
اشاعت کی تاریخ: 11th, March 2025 GMT
آئی سی سی چیمپئنز ٹرافی کے فائنل کے بعد ہونے والی اختتامی تقریب میں اسٹیج پر ایونٹ کے میزبان پاکستان کرکٹ بورڈ (پی سی بی) کی نمائندگی نہ ہونے کے بعد سوشل میڈیا پربحث چھڑ چکی ہے۔
میڈیا رپورٹس کے مطابق پی سی بی کے چیف آپریٹنگ آفیسر سمیر احمد فائنل کے دن دبئی میں موجود تھے تاہم انہیں میچ کے بعد اختتامی تقریب کے لیے پوڈیم پر مدعو نہیں کیا گیا۔
یہ بھی پڑھیے: چیمپئنز ٹرافی کی فائنل تقریب، پی سی بی کو نمائندگی کیوں نہ دی گئی، معاملہ آئی سی سی میں اٹھانے کا فیصلہ
اطلاعات کے مطابق اہم معاملے کو پی سی بی نے آئی سی سی کے ساتھ اٹھانے کا بھی فیصلہ کیا تھا تاہم اب آئی سی سی کے ایک ترجمان نے اس حوالے سے وضاحت پیش کردی ہے۔
ترجمان کے مطابق پی سی بی کے چیئرمین محسن نقوی کو تقریب میں شرکت کی دعوت دی گئی تھی تاہم وہ فائنل میچ دیکھنے کے لیے دبئی نہ آسکے۔
آئی سی سی ترجمان کا کہنا ہے کہ فائنل تقریبات میں اسٹیج پر صرف ایونٹ کے میزبان کرکٹ بورڈ کے سربراہوں کو مدعو کیا جاتا ہے، اختتامی تقریب میں دعوت دینے کا قاعدہ تمام ٹورنمنٹس کے لیے ایک جیسا ہی ہے اور چیمیئنز ٹرافی میں بھی اس میں کوئی تبدیلی نہیں کی گئی۔
یہ بھی پڑھیے: آئی سی سی نے چیمپئنز ٹرافی کی بہترین ٹیم کا اعلان کردیا، کوئی پاکستانی کھلاڑی شامل نہیں
رپورٹس کے مطابق پی سی بی کے چیف آپریٹنگ آفیسر سمیر احمد کے اسٹیڈیم میں ہوتے ہوئے بھی انہیں اسٹیج پر نہ بلانے کی وجہ آئی سی سی کا پروٹوکول ہے جس کے مطابق صرف کرکٹ بورڈ کے چیئرمین، صدر، نائب صدر یا سی ای او کو ہی اسٹیج پر مدعو کیا جاتا ہے۔
واضح رہے کہ دبئی میں ہونے والی چیمپیئنز ٹرافی کی اختتامی تقریب میں اسٹیج پر آئی سی سی کے چیئرمین جے شاہ، بھارتی کرکٹ بورڈ کے سربراہ روجر بیننی اور نیوزی لینڈ کے کرکٹ بورڈ کے سی ای او روجر ٹوؤس موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 2025 آئی سی سی پی سی بی.ذریعہ: WE News
کلیدی لفظ: آئی سی سی چیمپیئنز ٹرافی 2025 پی سی بی اختتامی تقریب میں کرکٹ بورڈ کے اسٹیج پر کے مطابق پی سی بی کے لیے
پڑھیں:
بھارتی کرکٹ بورڈ کی بھی پاکستان کرکٹ بورڈ کو دھمکی، کرکٹ کھیلنے سے انکار
نئی دہلی (اوصاف نیوز)مقبوضہ کشمیر کےسیاحتی علاقے پہلگام میں بھارتی فالس فلیگ کے بعد بھارت جہاں پاکستان کیخلاف زہر اگل رہا ہے وہیں بھارتی کرکٹ بورڈ پاکستان اور انڈیا کے درمیان کرکٹ میچز میں سیاست کرنے لگا۔
میڈیا رپورٹس کے مطابق بھارت کے زیر قبضہ مقبوضہ وادی کشمیر کے علاقے پہلگام میں دہشتگرد حملے کے بعد بھارتی کرکٹ بورڈ (بی سی سی آئی) نے مودی حکومت کے دباؤ میں پاکستان سے کسی بھی قسم کی کرکٹ کھیلنے سے انکار کردیا ہے۔
بھارتی کرکٹ بورڈ نے کہا ہے کہ پہلگام واقعہ اور موجودہ سفارتی تعلقات کو دیکھتے ہوئے پاکستان کے ساتھ کسی بھی سطح پر کرکٹ میچز منعقد نہیں کیے جائیں گے۔
بھارتی بورڈ کے ترجمان کا کہنا ہے کہ سیکیورٹی مسائل کی وجہ سے پاکستان کیساتھ کسی بھی قسم کی کرکٹ نہ کھیلنے کا فیصلہ کیا گیا ہے، بھارتی کرکٹ بورڈ نے دھمکی دیتے ہوئے مزید کہا کہ آئی سی سی ایونٹس میں بھی پاک بھارت میچز پر نظرثانی کی جاسکتی ہے۔
دوسری جانب بھارتی بورڈ کے بیان کے بعد ایشیا کپ اور چیمپئینز ٹرافی جیسے ٹورنامنٹس پر سوالیہ نشان لگ گیا ہے۔بی سی سی آئی کے بیان پر پاکستان کرکٹ بورڈ (پی سی بی) کی جانب سے کوئی رد عمل سامنے نہیں آیا۔
ڈی جی والڈ سٹی کامران لاشاری نے عہدے سے استعفیٰ دیدیا
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل