پاکستان میں کرپٹو کونسل قائم کر دی گئی
اشاعت کی تاریخ: 14th, March 2025 GMT
پاکستان میں کرپٹو کونسل قائم کر دی گئی۔ حکومت نے باضابطہ طور پر پاکستان کرپٹو کونسل کا قیام کر دیا۔
وزیرخزانہ محمد اورنگزیب پاکستان کرپٹو کونسل کےسربراہ کی خدمات انجام دیں گے جب کہ وزیرخزانہ کے چیف ایڈوائزر برائے کرپٹو کونسل بلال بن ثاقب کونسل سی ای او مقرر کیے گئے ہیں۔اعلامیہ کے مطابق ملک میں بلاک چین ٹیکنالوجی، ڈیجیٹل اثاثوں کیلئے نمایاں پیش رفت ہے یہ کونسل کرپٹو اپنانے کے لیے مؤثر پالیسی سازی میں کردار ادا کرے گی، کونسل جدیدیت کےفروغ اور محفوظ مالیاتی نظام کیلئے اہم کردار ادا کرے گی۔
پاکستان کرپٹو کونسل کے ابتدائی بورڈ ممبران بھی مقرر کر دیےگئے جن میں گورنراسٹیٹ بینک، چیئرمین ایس ی سی پی، وفاقی سیکریٹری قانون، وفاقی سیکرٹری آئی ٹی شامل ہیں۔اعلامیہ میں کہا گیا ہے کہ کونسل سے پاکستان میں کرپٹو ایکو سسٹم کو فروغ دیا جا سکےگا پاکستان میں ڈیجیٹل فنانس کے نئے دور کا آغاز کیا جارہا ہے حکومت جدیدٹیکنالوجی کیلئے محفوظ ماحول فراہم کرنے کیلئے کوشاں ہے۔
وزیرخزانہ محمد اورنگزیب نے کہا کہ دنیا تیزی سے ڈیجیٹل فنانس کی طرف بڑھ رہی ہے پاکستان ڈیجیٹل فنانس کےمیدان میں قیادت کاخواہاں ہے پاکستان کرپٹو کونسل کاقیام جدیدیت کےفروغ کی جانب قدم ہے کرپٹو کونسل کاقیام ضابطہ جاتی فریم ورک بنانے کی جانب قدم ہے کونسل سےسرمایہ کاروں اور مالیاتی نظام کے تحفظ کویقینی بنائےگی۔
.ذریعہ: Daily Ausaf
کلیدی لفظ: پاکستان کرپٹو کونسل پاکستان میں
پڑھیں:
وزیراعظم نے جاپان کے ساتھ صنعتی تعاون بڑھانے کیلئے اعلیٰ سطح کمیٹی قائم کر دی
وزیراعظم شہباز شریف نے جاپان کے ساتھ صنعتی تعاون کو مزید فروغ دینے کے لیے ایک اعلیٰ سطح کمیٹی قائم کر دی ہے، جو نہ صرف موجودہ تعاون کو بڑھائے گی بلکہ جاپانی کمپنیوں کو درپیش مسائل کے حل اور نئی سرمایہ کاری کے مواقع پیدا کرنے میں بھی اہم کردار ادا کرے گی۔
کمیٹی کی سربراہی وزیراعظم کے معاون خصوصی برائے صنعت و پیداوار کریں گے، جبکہ وزارت صنعت و پیداوار، وزارت تجارت، اقتصادی امور ڈویژن، وزارت اوورسیز، وزارت داخلہ، فیڈرل بورڈ آف ریونیو اور اسٹیٹ بینک کے اعلیٰ افسران اس کے رکن ہوں گے۔
اس کے علاوہ پاکستان جاپان بزنس فورم کے نمائندے، پارلیمانی سیکریٹری برائے تجارت ڈاکٹر ذوالفقار علی بھٹی اور سابق سفیر برائے جاپان چوہدری آصف محمود بھی کمیٹی کا حصہ ہوں گے۔
وزیراعظم آفس کے جاری کردہ نوٹیفکیشن کے مطابق کمیٹی کو درج ذیل ٹرمز آف ریفرنس (TORs) دیے گئے ہیں۔
پاکستان اور جاپان کے درمیان موجودہ صنعتی تعاون میں اضافہ، پاکستان میں کام کرنے والی جاپانی کمپنیوں کے مسائل کا حل، جاپانی سرمایہ کاری کے مواقع بڑھانے کے لیے اقدامات تجویز کرنا اور متعلقہ دیگر معاملات کا جائزہ لینا شامل ہیں۔
کمیٹی دو ہفتوں کے اندر اپنی رپورٹ اور سفارشات وزیراعظم کو پیش کرے گی جبکہ اس کا سیکریٹریٹ وزارت صنعت و پیداوار ہوگا۔ تجزیہ کاروں کے مطابق اس اقدام سے پاکستان میں جاپانی سرمایہ کاری کے لیے نئی راہیں کھلیں گی اور دونوں ممالک کے صنعتی تعلقات کو عملی بنیادوں پر نئی وسعت ملے گی۔
چین کا ٹیسلا کی گاڑیوں سے متعلق اہم فیصلہ متوقع