شام پر قابض باغی رجیم اور اسرائیل خفیہ معاہدے کے قریب پہنچ چکے ہیں، رپورٹ میں انکشاف
اشاعت کی تاریخ: 15th, March 2025 GMT
معاریو نے مغربی میڈیا کی رپورٹس کا حوالہ دیتے ہوئے کہا ہے کہ اسرائیل شام کو کمزور اور منقسم رکھنے کے لیے امریکا پر سخت دباؤ ڈال رہا ہے جب کہ واشنگٹن کو بشار الاسد کے خاتمے کے بعد شام میں ترکی کے بڑھتے ہوئے اثر و رسوخ پر تشویش ہے۔ اسلام ٹائمز۔ صیہونی عبرانی میڈیا نے انکشاف کیا ہے کہ اسرائیل شام پر قابض باغی ابو محمد الجولانی کی حکومت کے ساتھ ایک خفیہ معاہدے پر دستخط کرنے کرنیوالا ہے، اور ایسی پیشکش موجود ہے جس سے فریقین کے درمیان کو رکاوٹ حائل نہیں ہوگی۔ معاریو اخبار کا یہ بھی کہنا ہے کہ اسرائیل اور امریکہ شام کے مستقبل پر متفق نہیں ہیں، تل ابیب ایک کمزور اور منقسم شام کا منصوبہ پورا کرنیکی کوشش کر رہا ہے، واشنگٹن ملک میں اقلیتوں کے درمیان استحکام اور افہام و تفہیم کا خواہاں ہے۔
دریں اثنا، اسرائیل کردوں کے لیے جنوبی شام اور صحرائی علاقے کے ذریعے ایک اسٹریٹجک شاہراہ مکمل کرنیکا ارداہ رکھتا ہے۔ عبری میڈیا آؤٹ لیٹ کے مطابق ترکی شام کے صحرائی علاقوں میں اپنے لیے فوجی اڈے قائم کرنے کے منصوبے تیار کرنے میں مصروف ہے لیکن اسرائیل جنوبی شام میں خاص طور پر سویدا صوبے کے ذریعے ایک اسٹریٹجک پیش رفت کر رہا ہے تاکہ صحرا کی عمق میں اپنی پیش قدمی جاری رکھ سکے اور اس طرح اپنے اثر و رسوخ کا دائرہ شمالی شام تک بڑھا سکے۔
ماہرین کے مطابق صیہونی ریاست اس طرح اسرائیل اور کرد فورسز کے درمیان براہ راست راستہ فراہم کرنے کے لیے کوشاں ہے، اس مقصد کے حصول کے لئے اسرائیل کے پاس دستیاب آپشنز میں سے ایک دمشق کے ساتھ ایک جامع امن معاہدے پر دستخط کرنا ہے۔ اس منصوبے کے مطابق جولانی حکومت گولان کی پہاڑیوں پر شام کی خودمختاری کو حتمی طور پر ترک کرنے کے بدلے اسرائیل کے ساتھ امن معاہدے پر دستخط کرے گی۔
صیہونی تجزیہ کاروں کے مطابق ساحلی علاقے میں ہونے والے حالیہ قتل عام کے پیچھے بھی اسرائیل اور ترکی دونوں کا ہاتھ ہے۔ معاریو کی رپورٹ کے ایک اور حصے میں مغربی میڈیا کی رپورٹس کا حوالہ دیتے ہوئے کہا گیا ہے کہ اسرائیل شام کو کمزور اور منقسم رکھنے کے لیے امریکا پر سخت دباؤ ڈال رہا ہے جب کہ واشنگٹن کو بشار الاسد کے خاتمے کے بعد شام میں ترکی کے بڑھتے ہوئے اثر و رسوخ پر تشویش ہے۔
ذریعہ: Islam Times
کلیدی لفظ: ہے کہ اسرائیل کے مطابق کے لیے رہا ہے
پڑھیں:
"تم کبھی غزہ نہیں پہنچ پاؤ گے"، میڈلین فریڈم فلوٹیلا کو اسرائیلی وزیر جنگ کی کھلی دھمکی
غاصب اسرائیلی رژیم کے سفاک وزیر جنگ نے غزہ کے غیر انسانی محاصرے کو توڑنے کیلئے روانہ ہونیوالے میڈلین فریڈم فلوٹیلا کے اراکین کو "یہود دشمن" قرار دیتے ہوئے دھمکی دی ہے کہ ’’تم کبھی غزہ نہیں پہنچ پاؤ گے، لہذا واپس پلٹ جاؤ‘‘! اسلام ٹائمز۔ قابض اسرائیلی رژیم کے رومانوی نژاد سفاک وزیر جنگ اسرائیل کاٹز (Israel Katz) نے انسانی امداد کی حامل میڈلین فریڈم فلوٹیلا کہ جو غزہ کی پٹی کے غیر انسانی محاصرے کو توڑنے کا ارادہ رکھتی ہے، کو دھمکی دیتے ہوئے کہا ہے کہ "واپس پلٹ جاؤ!"۔ میڈلین فریڈم فلوٹیلا کے عملے کے نام اپنے ایک پیغام میں، اسرائیل کاٹز نے زور دیتے ہوئے کہا کہ میں نے اسرائیلی فوج کو میڈلین کے قافلے کو غزہ پہنچنے سے روکنے کے لئے کارروائی کرنے کا واضح حکم دیا ہے!! اسرائیلی وزیر جنگ نے ماحولیات و امن کی معروف کارکن گریٹا تھنبرگ کہ جو اس کشتی پر موجود متعدد انسانی کارکنوں میں سے ایک ہیں، کو مخاطب کرتے ہوئے کہا کہ "یہود دشمن" گریٹا اور اس کے ساتھیوں کے لئے! میں بالکل واضح انداز میں کہہ رہا ہوں کہ آپ کو واپس چلے جانا چاہیئے کیونکہ آپ کبھی غزہ نہیں پہنچ پاؤ گے! عالمی جہاز رانی کی ایک تنظیم کے مطابق، میڈلین نامی کشتی آج صبح تک مصر کے ساحلی شہر روزیٹا کی جانب بڑھ رہی تھی جو اگلے 24 گھنٹوں میں فلسطینی پانیوں تک پہنچ جائے گی۔ اس حوالے سے جاری ہونے والے اپنے ایک ویڈیو پیغام میں، میڈلین فریڈم فلوٹیلا کے عملے نے بھی اپنے ملکی صدر سے "فوری حمایتی اقدامات" اٹھانے کا مطالبہ کرتے ہوئے اطلاع دی ہے کہ وہ آئندہ 24 گھنٹوں میں غزہ کے ساحل پر پہنچ جائیں گے۔
-
جنوبی ایشیائی خطے میں نیوکلیئر تصادم کا خطرہ موجود ہے، جنرل شمشاد مرزا