نیوزی لینڈ کیخلاف پہلے ٹی20 میچ میں کون سا ناپسندیدہ ریکارڈ پاکستان کے نام رہا؟
اشاعت کی تاریخ: 17th, March 2025 GMT
اتوار کو کرائسٹ چرچ کے ہیگلے اوول اسٹیڈیم میں نیوزی لینڈ کے خلاف پانچ میچوں کی سیریز کے پہلے ٹی20 میچ میں پاکستان کی بیٹنگ ایک مرتبہ پھر بری طرح ناکام ہوئی، گرین شرٹس نے ٹی20 کرکٹ کی تاریخ میں اپنا پانچواں کم ترین اسکور پوسٹ کیا۔
ٹاس ہارنے کے بعد جب پاکستان کو پہلے بیٹنگ کرنے کا کہا گیا تو پوری ٹیم 18.
اس سے قبل ٹی20 میچ میں پاکستان کا سب سے کم اسکور 2012 میں آسٹریلیا کے خلاف 74 رنز تھا، اس کے بعد 2014 میں ویسٹ انڈیز کیخلاف میرپور میں 82 رنز اور بھارت کیخلاف میر پور میں ہی کھیلے گئے میچ میں پاکستان کی ٹیم 83 رنز ہی بناسکی تھی۔
یہ بھی پڑھیں: پاک نیوزی لینڈ کرکٹ سیریز کے لیے کمنٹری پینل کا اعلان
اسی طرح 2010 میں کارڈف میں انگلینڈ کیخلاف 89 رنز کا اسکور بھی پاکستان کے کم ترین اسکور کی تاریخ کا حصہ ہے، تاہم نیوزی لینڈ کیخلاف حالیہ 91 رنز کا مجموعہ پاکستانی کرکٹ ٹیم کا کیویز کیخلاف اب تک کم سے کم اسکور کو مزید کم تر کرگیا ہے۔
نیوزی لینڈ کے خلاف 2016 میں ویلنگٹن میں قائم کردہ 101 رنز کا سابقہ ریکارڈ اب پیچھے چھوڑتے ہوئے ٹی20 میں پاکستان کا ٹی20 کرکٹ میں اب تک کا سب سے کم رنز کا مجموعہ بھی بن گیا ہے۔
ہیگلے اوول میں کھیلے گئے سیریز کے پہلے ٹی20 میچ میں نیوزی لینڈ نے پاکستان کو بآسانی 9 وکٹوں سے شکست دیدی، 92 کے معمولی ہدف کا تعاقب کرتے ہوئے اوپنرز ٹم سیفرٹ نے 44 اور فن ایلن نے ناقابل شکست 29 رنز کے ساتھ پاور پلے میں 53 رنز کا ٹھوس آغاز فراہم کیا۔
مزید پڑھیں: نیوزی لینڈ کے فاسٹ بولر ٹم ساؤتھی نے ٹیسٹ کرکٹ سے ریٹائرمنٹ کا اعلان کیوں کیا؟
ٹم سیفرٹ پاکستانی اسپنر ابرار احمد کا شکار ہوئے، تاہم ٹم رابنسن اپنے 18 رنز کی اننگ کے ساتھ 11ویں اوور میں ہدف کا تعاقب مکمل کرنے میں فن ایلن کے مددگار بنے، اور یوں نیوزی لینڈ کو سیریز میں برتری دلانے میں کامیاب رہے۔
پاکستان کی بیٹنگ زوال پذیر ہوئی کیونکہ وہ صرف 91 رنز پر آؤٹ ہو گئے، کائل جیمیسن 3 اور جیکب ڈفی 4 وکٹیں لے کر نمایاں بولر رہے، جبکہ ابرار احمد واحد پاکستانی بولر تھے جنہوں نے ایک وکٹ حاصل کی۔
پاکستان کی بیٹنگ لائن اپ کا انہدام 5ویں اوور میں فقط 11 رنز کے مجموعی اسکور پر 4 وکٹوں کے ساتھ شروع ہوا اور سلمان علی آغا 18 اور خوشدل شاہ 32 رنز کے ساتھ 46 رنز کی شراکت بنانے کے باوجود ناکام رہے۔
مزید پڑھیں: پاکستان کو فائنل میں 5 وکٹوں سے شکست، سہ ملکی کرکٹ سیریز نیوزی لینڈ نے جیت لی
اس کے بعد زکاری فولکس نے جہانداد خان کی وکٹ حاصل کی، جو 17 رنز بنانے میں کامیاب ہوئے، اور پاکستان 85-8 پر مشکلات کا شکار تھا۔ شاہین آفریدی بھی کوئی معجزہ دکھانے میں ناکام رہے، جنہیں ڈفی نے صرف ایک رنز پر آؤٹ کرکے پاکستان کو 19ویں اوور میں 89 رنز کے مجموعے پر 9ویں وکٹ کے نقصان سے دوچار کردیا۔
پاکستان کی آخری وکٹ ابرار احمد کے آؤٹ ہونے کے ساتھ گری اور پاکستان کی اننگز 91 رنز پر ختم ہوئی۔
نیوزی لیںڈ کی جانب سے جیکب ڈفی نمایاں بولر رہے، جنہوں نے 4 وکٹیں حاصل کیں، جبکہ کائل جیمیسن نے 3 وکٹیں حاصل کیں، جبکہ ایش سوڈھی اور زکاری فولکس نے بھی بالترتیب 2 اور ایک وکٹ حاصل کرتے ہوئے پاکستان کی بیٹنگ کو ٹھکانے لگانے میں اپنا کردار ادا کیا۔
مزید پڑھیں: چیمپیئنز ٹرافی 2025 کے لیے سب سے زیادہ سفر نیوزی لینڈ کرکٹ ٹیم نے کیا
اس کامل فتح کے ساتھ، نیوزی لینڈ کو اب 5 ٹی20 میچوں کی سیریز میں صفر کے مقابلے میں ایک کی برتری حاصل ہوگئی ہے اور 4 مزید میچ کھیلنا باقی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابرار احمد آسٹریلیا انگلینڈ بھارت پاکستان ٹم رابنسن ٹم سیفرٹ ٹی20 شاہین آفریدی کائل جیمیسن کرکٹ کم اسکور مڈفیلڈر میرپور نیوزی لینڈ ویلنگٹنذریعہ: WE News
کلیدی لفظ: ا سٹریلیا انگلینڈ بھارت پاکستان ٹم سیفرٹ ٹی20 شاہین ا فریدی کائل جیمیسن کرکٹ کم اسکور میرپور نیوزی لینڈ پاکستان کی بیٹنگ میں پاکستان ٹی20 میچ میں نیوزی لینڈ پاکستان کو حاصل کی کے ساتھ رنز کا رنز کے
پڑھیں:
بابر اعظم نے روہت شرما کا ریکارڈ توڑ دیا، ٹی20 میں سب سے زیادہ رنز بنانے والے بلے باز بن گئے
پاکستان کے مایہ ناز بلے باز بابر اعظم نے بھارت کے روہت شرما کو پیچھے چھوڑتے ہوئے ٹی20 انٹرنیشنل کرکٹ میں سب سے زیادہ رنز بنانے والے کھلاڑی کا اعزاز حاصل کر لیا۔
یہ سنگِ میل بابر اعظم نے جنوبی افریقہ کے خلاف 3 میچوں کی سیریز کے دوسرے ٹی20 میچ کے دوران قذافی اسٹیڈیم لاہور میں حاصل کیا۔
بابر اعظم میچ میں شرکت سے قبل 4,223 رنز کے ساتھ میدان میں اُترے تھے اور انہیں روہت شرما کے 4,231 رنز کا ریکارڈ توڑنے کے لیے صرف نو رنز درکار تھے۔
یہ بھی پڑھیے: ٹی20 میں 8ویں بار صفر پر آؤٹ، بابر اعظم نے شاہد آفریدی کا ناپسندیدہ ریکارڈ برابر کر دیا
ابتدائی اوورز میں بابر نے کور ڈرائیو کے ذریعے ایک خوبصورت چوکا لگا کر آغاز کیا، تاہم اگلی 10 گیندوں پر صرف 4 رنز بنا سکے کیونکہ ان کے اوپننگ پارٹنر صائم ایوب جنوبی افریقی بولرز پر حاوی تھے۔
بابر اعظم نے بالآخر پاکستان کی اننگز کے 12ویں اوور کی پہلی گیند پر کیپٹن ڈونووان فریرا کی گیند کو لانگ آف کی جانب کھیل کر سنگل لیتے ہوئے یہ تاریخی سنگِ میل عبور کیا۔
ٹی20 انٹرنیشنل میں سب سے زیادہ رنز بنانے والے بلے بازوں کی فہرست کچھ یوں ہے؛بابر اعظم – 4232 رنز (130 میچز)
روہت شرما – 4231 رنز (159 میچز)
ویرات کوہلی – 4188 رنز (125 میچز)
جوز بٹلر – 3869 رنز (144 میچز)
یہ بھی پڑھیے: ٹی20 کرکٹ میں 10 ماہ بعد واپسی، کیا ہمیں نئے بابر اعظم دیکھنے کو ملیں گے؟
یہ سیریز بابر اعظم کی ٹی20 ٹیم میں واپسی بھی ہے، کیونکہ وہ گزشتہ سال دسمبر میں جنوبی افریقہ کے خلاف سیریز کے بعد ٹیم سے باہر تھے۔
بابر کو ایشیا کپ 2025 کے لیے اسکواڈ میں شامل نہیں کیا گیا تھا کیونکہ ٹیم مینجمنٹ نوجوان کھلاڑیوں کو موقع دینے کی حکمتِ عملی پر گامزن تھی۔
تاہم، ایشیا کپ میں مایوس کن کارکردگی کے بعد بابر اعظم کو دوبارہ ٹیم میں شامل کیا گیا۔
اگرچہ لاہور میں دوسرے میچ میں انہوں نے ریکارڈ اپنے نام کیا، لیکن سیریز کے پہلے میچ میں وہ صفر پر آؤٹ ہو گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم ٹی20 کرکٹ
صیہونی فوج نے جنین میں تین فلسطینیوں کو شہید کر دیا