چین میں ایک پورے شہر سے بھی بڑی جدید فیکٹری کی ویڈیو نے تہلکہ مچا دیا
اشاعت کی تاریخ: 20th, March 2025 GMT
بیجنگ(نیوز ڈیسک)چین میں ایک وسیع و عریض الیکٹرک وہیکل میگا فیکٹری کی تعمیر کی ڈرون فوٹیج آن لائن منظرعام پر آئی ہے، جس میں ژنگژو میں قائم ”BYD“ فیکٹری کو دکھایا گیا ہے۔ یہ فیکٹری مکمل ہونے کے بعد 50 مربع میل پر محیط ہوگی، جو امریکی شہر سان فرانسسکو سے بھی بڑی ہوگی اور اس میں ایک فٹبال گراؤنڈ سمیت جدید سہولیات موجود ہوں گی۔
ڈرون فوٹیج میں فیکٹری کی وسعت اور جدید تعمیراتی ڈیزائن کو نمایاں کیا گیا ہے۔ اس بڑے صنعتی کمپلیکس میں جدید پروڈکشن یونٹس، اونچی عمارتیں، فٹبال گراؤنڈ، ٹینس کورٹس اور ایک مربوط سڑکوں کا نیٹ ورک شامل ہے۔ مزید تعمیراتی کام بھی تیزی سے جاری ہے، جبکہ ملازمین کے لیے ایک علیحدہ رہائشی قصبہ بھی تعمیر کیا جا رہا ہے۔
ٹیسلا کی گیگا فیکٹری سے بھی بڑی فیکٹری
”دی سن“ کی رپورٹ کے مطابق، یہ میگا فیکٹری امریکی کمپنی ٹیسلا کی گیگا فیکٹری نیواڈا (جو 4.
ہزاروں ملازمین اور سالانہ لاکھوں گاڑیوں کی پیداوار
چینی الیکٹر وہیکل بنانے والی کمپنی ”BYD“، جو دنیا بھر میں 900,000 سے زائد ملازمین رکھتی ہے، اگلے تین ماہ میں مزید 200,000 افراد کو بھرتی کرنے کی منصوبہ بندی کر رہی ہے۔ ژنگژو فیکٹری میں 60,000 سے زائد ورکرز پہلے ہی کام کر رہے ہیں، جن میں سے ہزاروں کو سائٹ پر ہی رہائش فراہم کی گئی ہے۔ فیکٹری میں تفریحی سہولیات کی موجودگی اسے ایک خودمختار شہر جیسا بناتی ہے۔
یہ میگا فیکٹری تکمیل کے بعد سالانہ دس لاکھ سے زائد گاڑیاں تیار کرنے کی صلاحیت رکھے گی۔ قابل ذکر بات یہ ہے کہ یہاں سے بننے والی پہلی گاڑی ”سونگ پرو dm-i“ تھی، جو گزشتہ سال اپریل میں پروڈکشن لائن سے نکلی اور اس کی قیمت تقریباً 17,600 برطانوی پاؤنڈ مقرر کی گئی تھی۔
چین کا الیکٹرک وہیکل انڈسٹری میں بڑا قدم
چین عالمی سطح پر الیکٹرک گاڑیوں کی پیداوار میں سبقت حاصل کرنے کے لیے جارحانہ سرمایہ کاری کر رہا ہے۔ BYD سمیت دیگر چینی کمپنیاں نئی فیکٹریوں اور جدید ٹیکنالوجیز میں بڑے پیمانے پر سرمایہ لگا رہی ہیں، تاکہ دنیا میں الیکٹرک کاروں کی پیداوار میں سب سے آگے رہ سکیں۔
مزیدپڑھیں:قومی سلامتی کمیٹی میں کسی نئے آپریشن کی بات نہیں ہوئی، طلال چوہدری
ذریعہ: Daily Ausaf
پڑھیں:
پاکستان سے اب تک 8 لاکھ 28 ہزار سے زائد افغان مہاجرین وطن واپس چلے گئے
ویب ڈیسک : طورخم بارڈر کے راستے سے گزشتہ روز 5,220 افغان مہاجرین وطن واپس چلے گئے ہیں۔اب تک کل 8 لاکھ 28 ہزار سے زائد افغان شہری واپس جا چکے ہیں۔
رپورٹ کے مطابق پاک افغان طورخم بارڈر سے 401 قانونی اور 2,314 غیر قانونی افراد کی وطن واپسی ہوئی ہے، اب تک کل 8 لاکھ 28 ہزار سے زائد افغان شہری واپس جا چکے ہیں۔
وفاقی دارالحکومت اسلام آباد سے 19، پنجاب سے 450 افغان شہری گزشتہ روز واپس بھیجے گئے، اب تک دیگر صوبوں سے 25 ہزار 392 افغان باشندے واپس جا چکے ہیں، خیبر پختونخوا کے ٹرانزٹ پوائنٹس سے گزشتہ روز 19 افغان شہری ڈیپورٹ ہوئے۔
لاہور :ڈمپر نے موٹر سائیکل کو کچل دیا، 3 افراد جاں بحق
پشاور، لنڈی کوتل اور کوہاٹ جیل سے مجموعی طور پر 7,261 افراد کی واپسی مکمل ہوئی جبکہ گزشتہ روز 1,326 افغان شہریوں نے خیبر پختونخوا میں عارضی قیام کیا، بعد ازاں انہیں ڈیپورٹ کر دیا گیا۔ مجموعی طور پر 8 لاکھ 28 ہزار سے زائد افغان مہاجرین وطن واپس بھیجے جا چکے ہیں۔ 54 ہزار سے زائد قانونی جبکہ 6 لاکھ 28 ہزار غیر قانونی تارکین وطن افغان شہریوں کی واپسی کی گئی۔
راولپنڈی کے کن روٹس پر الیکٹرک بس سروس کا آغاز کیا جا رہا ہے؟