پشاور: مسلح ڈاکوؤں نے بینک کی کیش گاڑی سے کروڑوں روپے لوٹ لیے
اشاعت کی تاریخ: 24th, March 2025 GMT
پشاور کے علاقے ہشنگری میں مسلح ڈاکوؤں نے پنجاب بینک کی کیش گاڑی کو لوٹ لیا۔
میڈیا رپورٹس کے مطابق 3 مسلح ڈاکوؤں نے ہشنگری جی ٹی روڈ پر پر اسلحہ کی نوک پر گاڑی کو روکا اور کیش لوٹ کر فرار ہوگئے۔
پشاور پولیس کے مطابق مسلح ڈاکوؤں نے بینک کی کیش گاڑی سے ایک کروڑ روپے سے زیادہ کی رقم لوٹی اور کیری ڈبہ میں رکھ کر موقع سے فرار ہوگئے۔
پولیس نے بتایا کہ واردات میں ملوث ڈاکوؤں کو گرفتار کرنے کے لیے مختلف پہلوؤں سے تفتیش کررہے ہیں، اور جلد ملزمان تک پہنچنے میں کامیابی مل جائے گی۔
ایس ایس پی آپریشنز نے بتایا کہ مسلح ڈاکوؤں نے کیش وین سے 3 کروڑ روپے لوٹ، جائے وقوعہ کی سی سی ٹی وی فوٹیج حاصل کرلی ہیں، جن کی مدد سے ملزمان تک پہنچنے کی کوشش کی جارہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پشاور پولیس سی سی ٹی وی فوٹیج کیش وین لوٹ کر فرار مسلح ڈاکو ہشنگری وی نیوز.ذریعہ: WE News
کلیدی لفظ: پشاور پولیس سی سی ٹی وی فوٹیج کیش وین لوٹ کر فرار مسلح ڈاکو وی نیوز مسلح ڈاکوؤں نے
پڑھیں:
سری نگر میں مسلح غیر ملکی موجود ہیں، پاکستان جانتا ہے کہ وہ کیوں وہاں موجود ہیں
وزیر خٓرجہ اسحاق ڈار نے انکشاف کیا ہے کہ سری نگر مین جدید اسلحے سے لیس کچھ غیر ملکی موجود ہیں۔ پاکستان جانتا ہے کہ یہ لوگ سری نگر میں کیوں موجود ہیں۔ پاکستان کے پاس ایسے شواہدہیں کہ سرینگرمیں جدیداسلحے سے لیس غیرملکی موجودہیں۔
وزیر خارجہ سحاق ڈار نے آج وزیر دفاع خواجہ آصف، وزیر قانون اعظم نذیر تارڑ کے ساتھ نیوز کانفرنس کی، وزیر اطلاعات عطاءاللہ تارڑ اور اٹارنی جنرل بھی اس نیوز کانفرنس مین موجود تھے۔
پنجاب میں افسروں کے تبادلے
نائب وزیراعظم اسحاق ڈار نے کہا، سندھ طاس معاہدے کے بارے میں بھارت یکطرفہ فیصلہ نہیں کرسکتا۔ ہم یکطرفہ اقدامات کے ردعمل میں شملہ معاہدہ سمیت دوطرفہ معاہدوں پرنظرثانی کرسکتے ہیں۔
اسحاق ڈار نے بتایا کہ واہگہ بارڈرکوبندکیاجارہاہے۔ واہگہ کے راستے ہر قسم کی تجارت کو معطل کیا جا رہا ہے۔بھارتی شہریوں کیلئے سارک ویزا سکیم کے تحت جاری ویزے منسوخ کرنے کافیصلہ کیا گیا۔سکھ یاتری اس فیصلے سے مستثنیٰ ہوں گے۔
قذافی سٹیڈیم میں بابر الیون نے قلندرز کیلئے سو رنز بنانا دشوار کر ڈالا
اسحاق ڈار نے آج قومی سلامتی کمیٹی کے فیصلوں کے متعلق بتاتے ہوئے کہا، بھارت کے فوجی اتاشیوں کوناپسندیدہ شخصیت قرار دیا گیا ہے۔نا پسندیدہ شخصیات کو 30 اپریل تک ملک چھوڑنے کاکہاگیاہے۔
پاکستان میں موجودبھارتی شہریوں کو30 اپریل تک ملک چھوڑنے کاحکم دیاگیاہے۔
اسحاق ڈار نے کہا، مسلح افواج پاکستان کی سلامتی اورخودمختاری کے تحفظ کیلئے مکمل تیار ہیں، کسی بھی قسم کی مہم جوئی اورجارحیت کابھرپورجواب دیاجائے گا۔پاکستان کی فضائی حدود کو بھارتی ایئرلائنزکیلئے بند کیا جا رہا ہے۔ بھارتی ناظم الامورکودفترخارجہ طلب کرکے قومی سلامتی کمیٹی کے تمام فیصلوں سے آگاہ کیا جا رہا ہے۔
یو ایم ٹی میں سالانہ مشاعرہ بیاد ڈاکٹر حسن صہیب مراد کا انعقاد
انہوں نے کہا، ہم کسی بھی قسم کی جارحیت کاجواب دینے کی پوری صلاحیت رکھتے ہیں۔ پاکستا ن کے پانی کوروکنے کے عمل کوجنگ تصورکیاجائے گا۔ پاکستان اس طرح کاکوئی اقدام ہرگز برداشت نہیں کرے گا۔
نائب وزیراعظم اسحاق ڈار نے کہا، پاکستان نے ہمیشہ امن وسلامتی کی بات کی ہے، 24کروڑعوام کی طاقت سے ہرقسم کے حالات کا مقابلہ کرنے کی صلاحیت رکھتے ہیں۔
سندھ طاس معاہدے میں عالمی بینک اوردیگرسٹیک ہولڈرز ضامن ہیں۔
جھوٹی شکایات والے ہوشیار؛ 20 لاکھ جرمانہ اور 5 سال تک قید کی سزا دی جاسکتی؛چیئرمین نیب
وزیردفاع خواجہ آصف نے نیوز کانفرنس مین کہا، بھارتی وزیراعظم مسلمانوں کے قتل عام میں ملوث ہے، مقبوضہ کشمیرمیں 9 لاکھ بھارتی فوج کے باوجود پہلگام کاواقعہ سوالیہ نشان ہے۔
وزیردفاع نے کہا، پاکستان دنیاکا واحد ملک ہے جو دہشت گردی سے سب سے زیادہ متاثرہوا۔ پاکستان میں دہشت گردی کے واقعات کے تانے بانے بھارت سے ملتے ہیں۔ کینیڈا سمیت دنیا بھر میں دہشت گردی کے واقعات میں بھارت کے ملوث ہونے کے ناقابل تردیدشواہدموجودہیں۔ بھارت کی کسی بھی مہم جوئی کابھرپورجواب دیں گے۔
فی اوور ایک وکٹ؛ قذافی کی مہربان وکٹ لاہور قلندرز پر نامہرباں
کلبھوشن یادیوبھارت کی دہشتگردی میں ملوث ہونے کی سب سے بڑی گواہی ہے۔ بھارتی جارحیت پر پاکستان کے بھرپورجواب میں کسی کوشک وشبہ نہیں ہوناچاہئے۔
وزیر اطلاعات عطا تارڑ نے کہا، سندھ طاس معاہدے کی معطلی کاکوئی قانونی جواز نہیں ہے۔ بھارتی اقدام دہشتگردی کے خلاف پاکستان کی حالیہ کامیابیوں کوسبوتاژ کرنے کی کوشش ہے۔ قومی سلامتی کمیٹی نے بھارتی اقدامات کاسودسمیت جواب دے دیاہے۔ آج پاکستان نے بھارت کی گیدڑبھبکیوں کابھرپورجواب دیاہے۔پاکستان نے بھارت کے ساتھ دوطرفہ اور کسی بھی تیسرے ملک کے ذریعے تجارت کومعطل کردیاہے۔دنیا جان چکی ہے کہ بھارت پاکستان میں دہشتگردی کوسپانسرکرتاہے۔ بھارت اپنے سیاسی فائدے کیلئے دہشتگردی کواستعمال کرتاہے۔
وزیر قانون اعظم نذیر تارڑ نے وارننگ دی کہ بھارتی حکومت اپنی ناکامی کاملبہ کسی اورپر ڈالنے کی کوشش نہ کرے ۔
اٹارنی جنرل نے کہا، سندھ طاس معاہدے کی کسی بھی صورت یکطرفہ معطلی نہیں ہوسکتی۔
وزیر اعظم کا انسانی سمگلرز کے گرد گھیرا مزید تنگ اور قانونی شکنجے میں لانے کا حکم