ملک میں بیروزگاری کی شرح سنگین، 16 ہزار اسامیوں کے لیے 8 لاکھ سے زیادہ درخواستیں جمع
اشاعت کی تاریخ: 24th, March 2025 GMT
ملک میں بے روزگاری کی شرح دن بدن بڑھتی جارہی ہے، جس کا اندازہ اس بات سے لگایا جا سکتا ہے کہ کہیں پر کوئی آسامی مشتہر ہوتی ہے تو امیدواروں کی لائن لگ جاتی ہے۔
ایسی ہی ایک خبر صوبہ خیبرپختونخوا سے سامنے آئی ہے جہاں محکمہ تعلیم کی 16 ہزار 454 آسامیوں کے لیے 8 لاکھ 66 ہزار امیدواروں نے درخواستیں جمع کرائی ہیں۔
یہ بھی پڑھیں قبائلی اضلاع میں بے روزگاری امن کی راہ میں بڑی رکاوٹ
سرکاری ٹیسٹنگ ایجنسی نے درخواستوں کی تفصیلات جاری کی ہیں، جس کے مطابق محکمہ تعلیم کی آسامیوں کے لیے 3 لاکھ 95 ہزار خواتین اور 4 لاکھ 70 ہزار مردوں نے درخواستیں جمع کرائیں۔
رپورٹ کے مطابق درخواستیں دینے والوں میں 406 پی ایچ ڈی ڈگری ہولڈرز، 7ہزار 161 معذور اور 4 خواجہ سرا بھی شامل ہیں۔
محکمہ تعلیم کی اسامیوں کی تمام درخواستیں سرکاری ٹیسٹنگ ایجنسی ایٹا کے پاس جمع کرائی گئی ہیں۔
ایگزیکٹو ڈائریکٹر ایٹا کے مطابق جمع شدہ درخواستوں سے متعلق 3 مراحل پر مشتمل طریقہ کار اپنایا جائےگا، اسکرین ٹیسٹ کے بعد کمپیوٹر بیسڈ ٹیسٹ اور آخر میں کوالٹی چیکنگ ہوگی۔
یہ بھی پڑھیں بڑھتی مہنگائی کے ساتھ پاکستان میں بے روزگاری کا گراف کہاں پہنچ گیا؟
عادل سعید صافی نے کہاکہ عید کے فوراً بعد اسکریننگ ٹیسٹ کا آغاز ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایٹا ایگزیکٹو ڈائریکٹر بے روزگاری خیبرپختونخوا درخواستیں شرح سنگین عادل سعید صافی محکمہ تعلیم وی نیوز.ذریعہ: WE News
کلیدی لفظ: ایگزیکٹو ڈائریکٹر بے روزگاری خیبرپختونخوا درخواستیں شرح سنگین عادل سعید صافی محکمہ تعلیم وی نیوز محکمہ تعلیم بے روزگاری کے لیے
پڑھیں:
دریاﺅں اور آبی ذخیروں سے متعلق واپڈا کی رپورٹ جاری
اسلام آباد (ڈیلی پاکستان آن لائن )واپڈا نے دریاﺅں اور آبی ذخیروں کی صورتحال سے متعلق رپورٹ جاری کر دی۔
نجی ٹی وی جیونیوز کے مطابق ترجمان واپڈا کی جانب سے بتایا گیا ہے کہ دریائے سندھ میں پانی کی آمد 1 لاکھ 32 ہزار 300 کیوسک اور اخراج ایک لاکھ 45 ہزار کیوسک ہے جبکہ منگلا کے مقام پر دریائے جہلم میں پانی کی آمد 36 ہزار 700کیوسک اور اخراج 25 ہزار کیوسک ہے۔
ترجمان واپڈا نے بتایا کہ چشمہ بیراج میں پانی کی آمد 2 لاکھ 6 ہزار 400کیوسک اور اخراج ایک لاکھ94 ہزار کیوسک ہے، ہیڈمرالہ کے مقام پر دریائے چناب میں پانی کی آمد 30 ہزار 600 کیوسک اور اخراج 10ہزار 300کیوسک ہے جبکہ نوشہرہ پر دریائے کابل میں پانی کی آمد 29 ہزار 900 کیوسک اور اخراج 29 ہزار 900کیوسک ہے۔
ترجمان واپڈا نے مزید بتایا کہ تربیلاریزروائر میں پانی کی سطح 1477.88فٹ، پانی کا ذخیرہ 21 لاکھ 32 ایکڑ فٹ ہے، منگلاریزروائر میں پانی کی سطح 1162.50فٹ اور پانی کا ذخیرہ 22 لاکھ 35 ہزار ایکڑ فٹ ہے۔
ترجمان واپڈا کے مطابق چشمہ ریزروائر میں پانی کی سطح 647 فٹ اور پانی کا ذخیرہ 2 لاکھ 12 ہزار ایکڑ فٹ ہے جبکہ منگلا اور چشمہ ریزروائر میں قابل استعمال پانی کا ذخیرہ 45 لاکھ 79 ہزار ایکڑ فٹ ہے۔
تیسرا ٹی20؛ اہم میچ سے قبل بنگلادیش کو بڑا دھچکا
مزید :
دل کی بیماری میں مبتلا بھارت سے بغیر علاج واپس آئے 9 سالہ عبداللّٰہ کی سرجری کردی گئی