سندھ حکومت کی نا اہلی کے باعث کراچی کے شہری خونی ٹینکرز و ڈمپرز کا نشانہ بن رہے ہیں، منعم ظفر
اشاعت کی تاریخ: 25th, March 2025 GMT
میڈیا کے نمائندوں سے گفتگو کرتے ہوئے امیر جماعت اسلامی کراچی نے کہا کہ ہیوی ٹریفک کے لیے جو متبادل راستے موجود ہیں، ان کو استعمال کیا جائے جن میں لنک روڈ، ناردرن بائی پاس شامل ہیں، جب شہر کے وسط سے ہیوی ٹریفک گزرے گا اور کوئی چیک اینڈ بیلینس نہیں ہوگا اور موٹر وہیکل اور روڈ سیفٹی قوانین کو لاگو نہیں کیا جائے گا تو یہ حادثات ہوتے رہیں گے۔ اسلام ٹائمز۔ امیر جماعت اسلامی کراچی منعم ظفر خان نے کہا ہے کہ پیپلز پارٹی کی سندھ حکومت کی نا اہلی و کرپشن اور مجرمانہ غفلت کے باعث کراچی کے شہری خونی ٹینکرز و ڈمپرز کا نشانہ بن رہے ہیں، وزیراعلیٰ، وزیر ٹرانسپورٹ، قابض میئر، آئی جی اور ڈی آئی جی کہاں ہیں؟ ڈمپرز و ٹینکرز سے اموات پر کوئی ایکشن کیوں نہیں لیا جاتا؟ جماعت اسلامی کراچی کے شہریوں کو تنہا نہیں چھوڑے گی، 5 اپریل کو آئی جی آفس پر احتجاجی دھرنا دیا جائے گا اور ضرورت پڑی تو وزیر اعلیٰ ہاؤس پر بھی احتجاج کیا جائے گا، معاوضہ انسانی جان کا نعم البدل نہیں ہو سکتا لیکن حکومت کی ذمہ داری ہے کہ ملیر ہالٹ سمیت خونی ٹینکرز و ڈمپرز سے مرنے والوں کے اہل خانہ کو معاوضہ دیا جائے، ایک طرف کراچی کے شہری اپنے پیاروں کی لاشیں اُٹھا رہے ہیں اور دوسری طرف گورنر اور قابض میئر کے درمیان بیانات کی نورا کشتی جاری ہے، ایم کیو ایم، پیپلز پارٹی اور مسلم لیگ ن سمیت تمام حکمران پارٹیاں ایک ہیں۔ ان خیالات کا اظہار انہوں نے گزشتہ روز تیز رفتار ٹینکر کی زد میں آکر جاں بحق ہونے والے عبد القیوم،اہلیہ اور نومولود بچے کی جائے حادثہ ملیر ہالٹ پر منگل کے روز جماعت اسلامی کے تحت احتجاجی مظاہرے سے خطاب اور جامع مسجد ناتھا خان میں تینوں کی نماز جنازہ کے موقع پر میڈیا کے نمائندوں سے گفتگو کرتے ہوئے کیا۔
منعم ظفر خان نے مزید کہا کہ ٹریفک پولیس اہلکاروں کا کراچی سے کوئی لینا دینا نہیں، ٹریفک پولیس کے اہلکار قوانین پر عملدرآمد کرانے کے بجائے موٹر سائیکل و گاڑی والوں سے رشوت لیتے ہیں، انہیں کراچی کے بارے میں کچھ نہیں پتا ہوتا اس لیے ضروری ہے کہ پولیس کی جانب سے رشوت کا بازار ختم کیا جائے، محکمہ پولیس میں کراچی میں رہنے والے شہریوں کو بھرتی کی جائے، ہیوی ٹریفک کے اوقات کار رات 11 سے صبح 6 بجے تک متعین کیے گئے ہیں لیکن اس کے باوجود دن دہاڑے ڈمپر و ٹینکر شہر میں چل رہے ہیں، ٹریفک کے حوالے سے حادثات سے بچنے اور ٹریفک قوانین کے حوالے سے مہم چلائی جائے، سندھ حکومت کوئی مہم چلاتی بھی ہے تو ایسی شاہراہ کے حوالے سے جو ابھی بنی ہی نہیں ہے۔ منعم ظفر خان نے کہا کہ اس وقت شہر کراچی میں ڈمپر، ٹینکرز، ٹرالرز موت بانٹتے پھر رہے ہیں جو کسی طور قابل قبول نہیں، پچھلے 80 دنوں میں 210 سے زائد حادثات پیش آچکے ہیں، پچھلے ڈھائی ماہ میں 2600 سے زائد لوگ ان حادثات میں زخمی ہوچکے ہیں،کب تک ہماری مائیں، بہنیں لاشیں اٹھاتی رہیں گی، ہمارے پاس سارے آپشن موجود ہیں، ہم عوام کے ساتھ مل کر ہر آپشن اختیار کریں گے۔
ذریعہ: Islam Times
کلیدی لفظ: جماعت اسلامی کیا جائے کراچی کے رہے ہیں
پڑھیں:
جماعت اسلامی کے تحت کراچی چلڈرن غزہ مارچ کل ہوگا
data-id="863a0a8" data-element_type="widget" data-widget_type="theme-post-content.default">
250917-01-18
کراچی(اسٹاف رپورٹر)جماعت اسلامی کے تحت کل بروز جمعرات 18ستمبر کو صبح 10بجے شاہراہ قائدین پر اسرائیل کی جارحیت و دہشت گردی کے خلاف اور اہل غزہ بالخصوص معصوم فلسطینی بچوں سے اظہار یکجہتی کے لیے ’’ کراچی چلڈرن غزہ مارچ ‘‘ کی تیاریاں عروج پر پہنچ گئی ہیں ۔ تمام اضلاع میں ہر سطح کے ذمے داران نجی و سرکاری اسکولوں میں رابطے کر رہے ہیں ۔ اسکولوں کے منتظمین اور پرنسپل حضرات سے ملاقاتیں کی جارہی ہیں اورا ن کو امیر جماعت اسلامی کراچی منعم ظفر خان کی جانب سے دعوت نامہ پیش کیا جا رہا ہے ۔ اسکولوں کی جانب سے ’’ کراچی چلڈرن غزہ مارچ ‘‘ کا بھر پور خیر مقدم اور یقین دہانی کرائی جارہی ہے کہ اسکولوں کے طلبہ اپنے اساتذہ کے ہمراہ بڑی تعداد میں شریک ہوں گے ۔ جماعت اسلامی کی جانب سے ’’ کراچی چلڈرن غزہ مارچ ‘‘ کے لیے بڑے پیمانے پر تیاریاں و انتظامات کیے جا رہے ہیں ، مارچ میں شہر بھر سے ہزاروں کی تعداد میں طلبہ و طالبات شریک ہوں گی ۔ علاوہ ازیں مختلف اسکولوں کی جانب سے بھی بچوں کو مارچ میں شرکت کے لیے تیار کیا جا رہا ہے اور اس حوالے سے اسکولوں کی اسمبلیوں میں بھی اساتذہ کرام کی جانب سے آگاہ کیا جا رہا ہے ،بچوں میں زبردست جوش و خروش موجود ہے اور کراچی کے بچے فلسطینی بچوں سے اظہار یکجہتی کے لیے مارچ میں شرکت کے لیے آمادہ اور تیار ہیں ۔ دریں اثنا جماعت اسلامی کراچی کے سیکرٹری توفیق الدین صدیقی نے ’’ کراچی چلڈرن غزہ مارچ ‘‘ کے منتظمین اور مختلف کمیٹیوں کے ذمے داران کو ہدایت کی ہے کہ مارچ میں کراچی کے ہزاروں بچوں کی شرکت کے پیش نظر اور مارچ کو بھر پور اور کامیاب بنانے کے لیے بڑے پیمانے پر انتظامات اور تیاریاں کی جائیں ۔ انہوں نے کہا کہ حماس اور فلسطین کے مسلمانوں کی جدو جہد اور قربانیاں مسجد اقصیٰ کی آزادی اور تحفظ کے لیے ہے ۔ 23ماہ سے غزہ لہو لہو ہے ، 65ہزار سے زاید فلسطینی شہید ، 22ہزار سے زاید معصوم بچے شہید ، مساجد ، اسپتال ، اسکول ، پناہ گزین کیمپ ‘ سب پر حملے ، عورتیں ، بوڑھے اور بچے ظلم کا نشانہ ، امریکی سرپرستی میں اسرائیل کی درندگی جاری ہے ، اسرائیل اسکولوں ، اسپتالوں اور رہائشی علاقوں میں بمباری کر رہا ہے اور امریکا ، برطانیہ سمیت دیگر مغربی ممالک اس کی حمایت کررہے ہیں ۔ عالم اسلام کے حکمران بھی عملاً کچھ کرنے پر تیار نہیں ہیں لیکن عوام فلسطینی مسلمانوں کے ساتھ ہیں اور ان کے لیے ہر طرح کی قربانی دینے کو تیار ہیں ۔ کراچی کے بچے کل 18ستمبرکو ’’ کراچی چلڈرن غزہ مارچ ‘‘میں ہزاروں کی تعداد میں شریک ہو کر فلسطینی بچوں سے اظہار یکجہتی کریں گے ۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ