ایم 6 کیلئے زمین خریدنے کے فنڈز میں خوردبرد کا انکشاف
اشاعت کی تاریخ: 26th, March 2025 GMT
اسلام آباد:
موٹر وے ایم 6 کیلئے زمین خریدنے کے فنڈز میں خوردبرد کا انکشاف ہوا ہے۔
سینیٹر پرویز رشید کی زیر صدارت سینیٹ کی قائمہ کمیٹی برائے مواصلات کا اجلاس منعقد ہوا جس میں چیئرمین نیشنل ہائی وے اتھارٹی شہریار خان نے ایم-6 اور ایم-9 موٹروے سے متعلق تفصیلی بریفنگ دی۔
چیئرمین این ایچ اے نے کمیٹی کو آگاہ کیا کہ ایم-6 کے لیے زمین کے حصول کے لیے این ایچ اے نے سندھ حکومت کو رقم فراہم کی تھی جس میں ایک سے دو ڈپٹی کمشنرز نے خوردبرد کی۔
انہوں نے بتایا کہ نیب اس معاملے کی تحقیقات کر رہا ہے اور چوری شدہ رقم میں سے کچھ ریکوری بھی کی جا چکی ہے۔ انہوں نے بتایا کہ کل 57 لاکھ روپے کی کرپشن ہوئی، جس میں سے نیب نے 32 لاکھ روپے کی ریکوری کر لی ہے۔
اس پر سینیٹر پرویز رشید نے حیرت کا اظہار کرتے ہوئے کہا کہ "یہ تاریخ کا پہلا کیس ہے کہ ایک ڈپٹی کمشنر سرکاری رقم لے کر فرار ہو گیا۔"
چیئرمین این ایچ اے نے کمیٹی کو بتایا کہ ایم-6 کا پی سی-ون ہائبرڈ موڈ پر بنایا جائے گا اور اسے اس ہفتے مکمل کر کے وزارتِ منصوبہ بندی کے ساتھ شیئر کر دیا جائے گا۔
اجلاس میں حیدرآباد سے سکھر ایم-6 موٹروے کی تعمیر پر پیش رفت سے متعلق امور پر بھی بریفنگ دی گئی۔
اجلاس کے دوران سینیٹر مولانا عبدالواسع نے ڈی آئی خان-کچلاک-ژوب شاہراہ پر کام کی رفتار تیز کرنے کا معاملہ اٹھایا۔ چیئرمین این ایچ اے نے بتایا کہ اس منصوبے پر کام کرنے والی کمپنی کو سیکیورٹی مسائل کا سامنا ہے، تاہم یہ شاہراہ ادارے کی ترجیحی فہرست میں شامل ہے۔
انہوں نے مزید بتایا کہ وزیراعظم کی ہدایت پر بلوچستان میں ایم-25 اور ایم-28 موٹرویز بھی ترجیحی فہرست میں شامل کیے گئے ہیں، جبکہ سندھ میں ایم-6 موٹروے بھی حکومت کی ترجیحات میں شامل ہے۔ گلگت بلتستان میں قراقرم ہائی وے کا داسو ڈیم سے منسلک حصہ بھی اہم منصوبوں میں شامل کیا گیا ہے۔
سینیٹر سیف اللہ ابڑو نے ایم-9 موٹروے کی مرمت اور دیکھ بھال سے متعلق سوالات اٹھائے جس پر این ایچ اے حکام نے تفصیلی وضاحت دی۔ اجلاس میں موٹروے منصوبوں کی پیش رفت اور شفافیت کو یقینی بنانے پر زور دیا گیا۔
چیئرمین این ایچ اے نے بتایا کہ ایم-6 موٹروے کو عالمی کنسلٹنٹ کی تجویز کے مطابق پانچ مختلف سیکشنز میں تقسیم کرنے کا منصوبہ بنایا گیا ہے۔ اسلامی ترقیاتی بینک کا وفد اپریل میں پاکستان کا دورہ کرے گا اور بینک ایم-6 کے تین سیکشنز میں سرمایہ کاری کے لیے تیار ہے۔
انہوں نے مزید بتایا کہ وزیراعظم پاکستان کے حالیہ دورہ آذربائیجان کے دوران ایم-6 اور ایم-9 موٹروے کے متبادل روٹ کو آذری کمپنیوں کے سامنے پیش کیا گیا۔ 19 مارچ کو ایم-9 کے متبادل روٹ کی فزیبلٹی آذربائیجان کے ساتھ شیئر کی گئی ہے۔
.ذریعہ: Express News
کلیدی لفظ: نے بتایا کہ انہوں نے
پڑھیں:
سیاسی جماعت کو سائیڈ لائن کرنا ملک کیلئے اچھا شگون نہیں: بیرسٹر گوہر
چیئرمین پی ٹی آئی بیرسٹر گوہر—فائل فوٹوچیئرمین پی ٹی آئی بیرسٹر گوہر کا کہنا ہے کہ سیاسی جماعت کو سائیڈ لائن کرنا ملک کے لیے اچھا شگون نہیں۔
پاکستان تحریکِ انصاف کے چیئرمین نے یہ بات لاہور میں میڈیا سے گفتگو کے دوران کہی ہے۔
انہوں نے کہا کہ جمہوریت کی بالا دستی کے لیے سب کو کردار ادا کرنا ہو گا، 39 پارلیمنٹیرین ڈس کوالیفکیشن کے رسک پر ہیں۔
پاکستان تحریکِ انصاف (پی ٹی آئی) کے چیئرمین بیرسٹر گوہر کا کہنا ہے کہ سینیٹ الیکشن خوش اسلوبی سے ہوئے۔
بیرسٹر گوہر نے کہا ہے کہ یہ اقدام جمہوریت کے لیے خوش آئند نہیں ہو گا، بدقسمتی سے مذاکرات کا عمل آگے نہیں بڑھ سکا۔
ان کا کہنا ہے کہ پی ٹی آئی تشدد کی سیاست پر یقین نہیں رکھتی، پی ٹی آئی کے تمام لوگوں نے برداشت کیا، میں سمجھتا ہوں کہ ہمیں اب بہتری کی طرف جانا چاہیے۔
علاوہ ازیں چیئرمین پی ٹی آئی بیرسٹر گوہر علی میاں اظہر مرحوم کی رہائش گاہ پہنچے جہاں انہوں نے مرحوم کے بیٹے حماد اظہر سے ملاقات کی۔
اس موقع پر بیرسٹر گوہر علی نے حماد اظہر سے ان کے والد کی وفات پر تعزیت کی۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست