ڈی آئی خان: ڈسٹرکٹ اسپتال سے ڈیڑھ کروڑ کی ادویات چوری، 6 افراد گرفتار
اشاعت کی تاریخ: 26th, March 2025 GMT
ڈیرہ اسماعیل خان کے ڈسٹرکٹ ہیڈکوارٹر ٹیچنگ اسپتال سے ڈیڑھ کروڑ روپے کی ادویات کی چوری پکڑی گئی۔ اسٹور کیپر سمیت 6 افراد کو گرفتار کرکے مقدمہ درج کرلیا گیا۔
ڈائریکٹر ڈسٹرکٹ ہیڈکوارٹر ٹیچنگ اسپتال ڈاکٹر طاہر گنڈاپور کے مطابق گزشتہ رات اسپتال کے اسٹور کیپر، اسسٹنٹ اسٹور کیپر اور ان کے 4 سہولت کار اسٹور سے ادویات چوری کرکے لانڈری ایریا میں چھپا رہے تھے کہ انہیں رنگے ہاتھوں پکڑ کر پولیس کے حوالے کردیا گیا اور چوری کی گئی ایک کروڑ 50 لاکھ روپے کی ادویات برآمد کرلی گئی۔
ڈائریکٹر اسپتال کے مطابق نگران دور کی 60 کروڑ روپے کی سرکاری ادویات کا بھی کوئی ریکارڈ موجود نہیں ہے۔ نیب بھی پچھلے سات سال میں ایک ارب 27 کروڑ کی رقم کی انکوائری کر کررہا ہے۔ جس کا آڈٹ کروایا جارہا ہے کہ یہ پیسے کہاں گئے۔
.ذریعہ: Jang News
پڑھیں:
شکارپور، پولیس کا جرائم پیشہ عناصر کیخلاف کامیاب کریک ڈائون
data-id="863a0a8" data-element_type="widget" data-widget_type="theme-post-content.default">
شکارپور (نمائندہ جسارت) چوری شدہ 10 موثر سائیکلیں ، 13 موبائل فون اور واپڈا گرڈ اسٹیشن سے چھینا گیا پسٹل ، موبائل فون برآمد ، ڈی ایس پی میڈم پارس بکھرانی کی پریس کانفرنس۔ 3 رکنی گینگ کا سراغ لگایا گیا گینگ کا سربراہ گرفتار۔ پارس بکھرانی ۔ تفصیلات کے مطابق ایس ایس پی شکارپور شاہ زیب چاچڑ کی ہدایت پر ڈی ایس پی سٹی میڈم پارس بکھرانی نے ایس ایس پی آفس میں میٹ دی پریس میں بتایا کہ شکارپور پولیس نے مختلف علاقوں میں کریک ڈاؤن کے دوران اہم کامیابیاں حاصل کی نیو فوجداری پولیس ٹیم نے جدید ٹیکنالوجی سے ایکٹو گینگ کو ٹریس کرکے سراغ لگایا گینگ سٹی شکارپور سمیت مختلف علاقوں میں موٹر سائیکل چوری کی وارداتوں میں ملوث تھی موٹر سائیکل چوری کرنے میں 3 رکنی ایکٹو گروہ گینگ تھی ڈکیت گینگ والوں کی شناخت ساجد راھوجو ، یونس لوڈرو اور تیسرا نامعلوم افراد کے ناموں سے ہوئی ہے گینگ میں سے یونس لوڈرو کو ملنگ شاہ کے علاقے سے ٹریس کرکے گرفتار کیا ساجد راہوجو فرار ہو گیا گرفتار ملزم کے خلاف ڈکیتی، پولیس مقابلے سمیت مختلف تھانوں میں 6 مقدمات درج ہیں گرفتار ملزم یونس لوڈرو کی نشاندہی پر پولیس نے 10 چوری شدہ موٹر سائیکلیں برآمد کرلی ہیں اس کے علاوہ پولیس نے گرڈ اسٹیشن میں ہونے والی لوٹ مار کی واردات کو بھی ٹریس کیا پولیس نے چھینا گیا ٹی ٹی پستول ، 2 میگزین ، 3 موبائل فون اور 10 ہزار روپے نقدی بھی برآمد کرلی ہے بعدازاں ٹیکنیکل ٹیم کی مدد اور آپریشن کے دوران 10 چوری موبائل فون بھی برآمد کرکے ملوث گینگ کو ٹریس کرلیا گیا ہے، ان کے خلاف آپریشن جاری ہے اور بہت جلد تمام ملزمان قانون کی گرفت میں ہوں گے۔ ایس ایس پی شکارپور شاہ زیب چاچڑ کی جانب سے ڈی ایس پی سٹی میڈم پارس بکھرانی اور ایس ایچ او نیو فوجداری اختر ابڑو کو کامیاب کارروائی پر ٹیم سمیت شاباش دیتے ہوئے سی سی تھرڈ اور نقد انعام دینے کے احکامات جاری کیے گئے۔
وزیر اعظم آزاد کشمیر کیخلاف تحریک عدم اعتماد پر پارٹی سے مشاورت کریں گے، امیر مقام