خواتین کو ہراساں کرنے والے 3 برقعہ پوش اوباش گرفتار
اشاعت کی تاریخ: 27th, March 2025 GMT
برقعہ پہن کر خواتین کو تنگ اور ہراساں کرنے والے 3 ملزمان کو گرفتار کرلیا گیا۔
پولیس ترجمان کے مطابق چوکی ہلوکی پولیس نے دوران پٹرولنگ ویلنشیاء ٹاؤن مارکیٹ سے ملزمان کو گرفتار کیا۔ ملزمان برقعہ پہن کرعید کی شاپنگ پر آئی فیملیز کو ہراساں اور تنگ کر رہے تھے۔ ملزمان علی، زوہیب اور فیضان کے خلاف مقدمہ درج کر کے انویسٹیگیشن یونٹ کے حوالے کردیا گیا۔
مزید پڑھیں: کراچی، راہ چلتی خواتین کو ہراساں کرنے والا ملزم پولیس کے ہاتھوں گرفتار
ایس پی ماڈل ٹاؤن کا کہنا ہے کہ سکیورٹی کے حوالے سے اہم مقامات کو فول پروف سکیورٹی فراہم کی جا رہی ہے۔ خواتین کے تحفظ کیلئے تمام وسائل بروئے کار لائے جا رہے ہیں۔
.ذریعہ: Express News
پڑھیں:
کراچی کے مختلف علاقوں میں پولیس اور ڈاکوؤں کے درمیان مقابلے، 3 زخمیوں سمیت 7 گرفتار
کراچی:شہر قائد میں مختلف علاقوں میں مبینہ پولیس مقابلوں میں 4 زخمیوں سمیت 7 ڈاکو گرفتار کر لیے گئے، ملزمان سے اسلحہ، نقدی، موٹرسائیکلیں اور موبائل فون برآمد کر لیے گئے۔
ایف بی انڈسٹریل ایریا میں فیڈرل بی ایریا بلاک 22 لیاری ندی کے قریب پولیس اور ملزمان کے درمیان فائرنگ کا تبادلہ ہوا۔
پولیس کے مطابق مقابلے کے بعد دو ملزمان سہیل عرف نظام اور رحیم شاہ عرف بریال کو زخمی حالت میں گرفتار کر لیا گیا جبکہ ایک ساتھی فرار ہونے میں کامیاب ہو گیا۔
زخمی ملزمان کو عباسی شہید اسپتال منتقل کیا گیا۔ پولیس نے گرفتار ملزمان کے قبضے سے اسلحہ، موبائل فون، نقدی اور موٹرسائیکل برآمد کی۔
ادھر ناظم آباد میں بھی پولیس کا مبینہ مقابلہ ہوا جس میں ایک ڈاکو کو زخمی حالت میں گرفتار کر لیا گیا جبکہ اس کا ساتھی موقع سے فرار ہو گیا۔
گرفتار زخمی ڈاکو کی شناخت فرمان کے نام سے ہوئی ہے جسے طبی امداد کے لیے اسپتال منتقل کر دیا گیا۔ ملزم سے اسلحہ اور دیگر قیمتی سامان برآمد ہوا ہے۔
زمان ٹاؤن پولیس نے کورنگی ساڑھے 5 نمبر کے علاقے میں کارروائی کرتے ہوئے مبینہ مقابلے کے بعد 4 ڈاکوؤں کو گرفتار کر لیا جن میں ایک زخمی بھی شامل ہے۔
زخمی ملزم دلاور حسین کو اسپتال منتقل کر دیا گیا جبکہ دیگر تین ملزمان فیصل، ذیشان اور محمد الیاس کو تھانے منتقل کیا گیا۔ پولیس کے مطابق ملزمان سے دو پستول، چھینے گئے موبائل فون، نقدی، پرس اور دو موٹرسائیکلیں برآمد ہوئی ہیں۔
علاوہ ازیں مومن آباد پولیس نے اورنگی ٹاؤن نمبر 10 میں کارروائی کے دوران دو ڈاکوؤں کو زخمی حالت میں گرفتار کر کے چھیپا ایمبولینس کے ذریعے اسپتال منتقل کر دیا۔
غزہ میں قحط کی المناک صورت حال لمحہ فکریہ ہے، حاجی حنیف طیب