دی اٹلانٹک میگزین نے یمن حملے کی خفیہ چیٹ شیئر کردی، امریکی کانگریس برہم
اشاعت کی تاریخ: 27th, March 2025 GMT
واشنگٹن: امریکی میگزین دی اٹلانٹک نے ایک لیک ہونے والی چیٹ کے مکمل پیغامات شائع کر دیے ہیں، جس میں یمن پر حملے کے منصوبے سے متعلق تفصیلات موجود تھیں۔
یہ اسکینڈل اس وقت سامنے آیا جب ایک صحافی کو غلطی سے اس چیٹ گروپ میں شامل کر لیا گیا جہاں صدر ڈونلڈ ٹرمپ کے اعلیٰ حکام یمن پر حملے کے خفیہ منصوبے پر بات کر رہے تھے۔
میگزین کے مطابق، نیشنل سیکیورٹی ایڈوائزر مائیک والٹز نے غلطی سے دی اٹلانٹک کے صحافی جیفری گولڈ برگ کو سگنل ایپ پر ہونے والی اس چیٹ میں شامل کر لیا، جہاں وزیر دفاع پیٹ ہیگستھ نے مارچ 15 کو حوثیوں پر حملے کے منصوبے کا انکشاف کیا۔
وائٹ ہاؤس نے اس معاملے پر وضاحت دیتے ہوئے کہا کہ کوئی خفیہ معلومات شیئر نہیں کی گئیں اور یہ حملہ مکمل طور پر کامیاب رہا۔ صدر ٹرمپ نے ان لیکس کو جھوٹا اور پروپیگنڈہ قرار دیتے ہوئے میگزین پر سخت تنقید کی۔
امریکی کانگریس میں اس معاملے پر شدید ردعمل آیا ہے، جہاں ڈیموکریٹک رہنما جم ہائمز نے کہا کہ یہ صرف خوش قسمتی تھی کہ کوئی امریکی پائلٹ مارا نہیں گیا۔ کئی ریپبلکن اور ڈیموکریٹک رہنماؤں نے سیکیورٹی کی اس بڑی کوتاہی پر سخت کارروائی کا مطالبہ کیا ہے۔
ماہرین کا کہنا ہے کہ یہ معاملہ ٹرمپ انتظامیہ کے لیے ایک بڑا چیلنج بن سکتا ہے، کیونکہ کانگریس میں سخت احتساب اور تحقیقات کا مطالبہ زور پکڑ رہا ہے۔ سینیٹر چک شومر سمیت کئی رہنماؤں نے محکمہ انصاف سے تحقیقات کا مطالبہ کر دیا ہے کہ ایک صحافی کو خفیہ سیکیورٹی چیٹ میں کیسے شامل کیا گیا۔
.
ذریعہ: Express News
پڑھیں:
عمران خان کے بیٹوں کی امریکی صدر ٹرمپ کے معاون خصوصی رچرڈ گرینل سے ملاقات
پاکستان تحریک انصاف کے بانی چیئرمین عمران خان کے بیٹوں نے کیلیفورنیا میں امریکی صدر کے معاون خصوصی رچرڈ گرینل سے ملاقات کی ہے۔
عمران خان کے بیٹوں قاسم اور سیلمان خان کی رچرڈ گرینل سے ملاقات امریکی ریاست کیلی فورنیا میں ہوئی۔
سماجی رابطے کی ویب سائٹ ایکس پر جاری بیان میں رچرڈ گرینل نے سلیمان اور قاسم کے ساتھ تصویر پوسٹ کرتے ہوئے لکھا کہ دوستوں کو خوش آمدید، قاسم اور سلیمان کے ساتھ وقت گزار کر اچھا لگا۔
انہوں نے عمران خان کے بیٹوں سے کہا کہ آپ دونوں مضبوط رہیں، دنیا میں لاکھوں افراد سیاسی انتقام کا سامنا کر رہے ہیں، سیاسی انتقام کا سامنا کرنے والے آپ اکیلے نہیں ہیں۔
Welcome to California, my friends.
I loved hanging out with you today.
Sulaiman and @Kasim_Khan_1999, you must stay strong.
There are millions of people around the world who are sick of political prosecutions.
You are not alone. #freeimrankhan pic.twitter.com/TOAOjrEiM1
پی ٹی آئی بھی مخصوص نشستوں کی تقسیم کیخلاف پشاور ہائیکورٹ پہنچ گئی