انگلینڈ کے سابق ٹیسٹ فاسٹ بولر پیٹر لیور انتقال کرگئے
اشاعت کی تاریخ: 27th, March 2025 GMT
برمنگھم میں1971میں 274 رنز کی یادگار اننگ کھیلنے والے ایشین ڈان بریڈ مین ظہیر عباس کے لیے عصاب شکن بن جانے والے اور لیڈز ٹیسٹ میں پاکستان کی شکست میں اہم کردار ادا کرنے والے انگلینڈ کے سابق فاسٹ بولر پیٹر لیور انتقال کر گئے۔
84 سالہ پیٹر لیور نے 17 ٹیسٹ میچز میں 41 وکٹیں اپنے نام کی۔ لنکا شائر کی نمائدگی کرنے والے 30 برس کی عمر میں پہلا ٹیسٹ کھیلتے ہوئےآنجہانی پیٹر لیور نے سرگیری سوبرز کی قیادت میں آنے والی ویسٹ انڈیز کرکٹ ٹیم کے اوول گراؤنڈ پر پرخچے اڑائے اور محض 83 رنز کے عوض سات کھلاڑیوں کو میدان بدر کیا۔
انہوں نے پاکستان کے خلاف تین ٹیسٹ کھیلتے ہوئے 17 وکٹیں حاصل کیں۔ 1971 میں برمنگھم ٹیسٹ میں پیٹر لیول نے تاریخی ڈبل سنچری جڑتے ہوئے 274 رنز جوڑنے والے ظہیر عباس کی اننگز کا خاتمہ کیا۔ اسی پہلی اننگ میں پاکستان کی جانب سے مشتاق محمد نے بھی سینچری اسکور کی تھی جبکہ آصف اقبال نے ناقابل شکست سینچری (104 رنز) بنائی تھی۔
اگلے ٹیسٹ میں لارڈز کے میدان میں 40 رنز پر بیٹنگ کرنے والے ظہیر عباس کو پیٹر لیور نے آؤٹ کر کے ان کے بڑھتے ہوئے قدم روکے، پھر انتخاب عالم کو 18 رنز تک محدود کر کے واپس پویلین بھیجا۔
بعدازاں لیڈز کے تاریخی میدان میں پیٹر لیور نے پاکستان کے خلاف انگلینڈ کی 25 رنز سے فتح میں کلیدی کردار ادا کیا۔ پہلی اننگز میں 72 رنز پر بیٹنگ کرنے والے ظہیر عباس کے بیٹ کو خاموش کرنے والے پیٹر لیول نے دوسری اننگز میں آخری تینوں وکٹیں حاصل کر کے انگلینڈ کو فتح دلوائی۔
پیٹر لیور نے 203 رنز کے مجموعی اسکور پر وسیم باری (2 رنز) کی وکٹ حاصل کی پھر 205 رنز پر آصف مسعود (ایک رن) کو آؤٹ کر کے اسی سکور پر کوئی رن بنائے بغیر پرویز سجاد کو میدان بدر کیا اور انگلینڈ کو کامیابی دلوا دی۔
اس سیریز میں ظہیر عباس تین مرتبہ پیٹرلیور کا شکار بنے،لیور نے ون ڈے انٹرنیشنل میچز میں بھی 11 وکٹیں حاصل کیں۔
انہوں نے 1960 سے 1976 کے درمیان لنکاشائر کی نمائندگی کی۔ 301 فرسٹ کلاس میچز میں 800 وکٹیں حاصل کیں۔
پیٹر لیور نے1965 میں نسل پرستی کی وجہ سے انگلینڈ کے دورے پر آنے والی جنوبی افریقا کرکٹ ٹیم کے خلاف لنکا شائر کی جانب سے کھیلنے سے انکار کردیا تھا۔
اس کے علاقہ 1975 میں آکلینڈ میں نیوزی لینڈ کے خلاف پہلے ٹیسٹ میں حریف بیٹسمین ایون چیٹ فیلڈ کو باونسر مار کر موت و زندگی کی کشمکش سے بھی دوچار کردیا تھا۔
.ذریعہ: Express News
کلیدی لفظ: کرنے والے ظہیر عباس ٹیسٹ میں حاصل کی کے خلاف
پڑھیں:
پی ایس ایل؛ شاداب نے کونسا اہم سنگ میل عبور کیا؟
پاکستان سپر لیگ (پی ایس ایل) کے 13ویں میچ میں اسلام آباد یونائیٹڈ کے کپتان شاداب خان نے اہم سنگ میل عبور کرلیا۔
گزشتہ روز ملتان میں کھیلے گئے میچ میں ہوم ٹیم سلطانز نے مقررہ 20 اوورز میں 5 وکٹوں کے نقصان پر 168 رنز بنائے، سلطانز کی جانب سے عثمان خان نے 61 رنز کی اننگز کھیلی۔
اسلام آباد یونائیٹڈ نے ہدف محض 17.1 اوور میں 3 وکٹوں کے نقصان پر حاصل کرلیا اور یوں مسلسل پانچویں فتح حاصل کی۔
مزید پڑھیں: پی ایس ایل10؛ حسن علی نے وہاب ریاض کا اہم ریکارڈ توڑ دیا
ٹیم کے کپتان شاداب خان نے بھی میچ کے دوران پاکستان سپر لیگ (پی ایس ایل) میں 100 وکٹیں لینے کا سنگ میل عبور کیا، انہوں نے یہ کارنامہ 89ویں اننگز میں انجام دیا۔
مزید پڑھیں: پی ایس ایل بمقابلہ آئی پی ایل؛ حسن علی کا بیان بھارتی کو میڈیا آگ لگاگیا
آل راؤنڈر نے محمد رضوان کی وکٹ لیکر پی ایس ایل میں اپنی وکٹوں کی سینچری مکمل کی تھی۔
پی ایس ایل کی تاریخ میں سب سے زیادہ وکٹیں لینے والے کھلاڑی:
حسن علی – 118 وکٹیں (86 اننگز)
وہاب ریاض – 113 وکٹیں (87 اننگز)
شاہین آفریدی – 109 وکٹیں (75 اننگز)
شاداب خان – 100 وکٹیں (89 اننگز)
فہیم اشرف – 79 وکٹیں (73 اننگز)
شاداب خان 2017 سے اسلام آباد یونائیٹڈ کی ٹیم کا حصہ ہیں، انہوں نے 2018 اور 2024 میں ٹیم کو ٹائٹل جتوانے میں اہم کردار ادا کیا تھا، آل راؤنڈر 100+ وکٹیں اور 1,000+ رنز کا سنگ میل عبور کرنے والے چند کھلاڑیوں میں شامل ہیں۔
مزید پڑھیں: "ملتان سلطانز کی قیمت بڑھائی تو نہیں خریدوں گا"
واضح رہے کہ پی ایس ایل کے رواں ایڈیشن میں پوائنٹس ٹیبل پر پہلے نمبر پر موجود اسلام آباد یونائیٹڈ کی ٹیم ابتک ناقابل شکست ہے، انہوں نے 5 میچز کھیلے اور تمام میں فتوحات سمیٹیں۔
اس سے قبل حسن علی نے پی ایس ایل کی تاریخ میں سب سے زیادہ وکٹیں لینے کا کارنامہ سرانجام دیا تھا۔
افغان باشندوں کی باعزت واپسی یقینی بنا رہے ہیں، چیف سیکرٹری بلوچستان