لوگ تو خواہ مخواہ گھبرا رہے ہیں تشویش میں مبتلا ہورہے ہیں دکھی ہورہے ہیں ورنہ حالات نہایت ہی آئیڈل اور خواہشات کے عین مطابق چل رہے ہیں بلکہ روز بروز اور زیادہ سے زیادہ تسلی بخش اطمینان بخش اور دل خوش کن ہورہے ہیں۔مرنے والوں کا کیا ہے وہ تو مرتے رہتے ہیں کہ جو پیدا ہوا ہے وہ مرنے کے لیے ہی پیدا ہوا ہے، باقی مایا ہے سب مایا ہے۔جلد یا بدیر مسافر کو منزل تک پہنچنا ہے۔کون جیا۔یہ تو اپنے اپنے نصیب کی بات ہے اور انسان تو حریص ہے کہ
ہوعمر خضر بھی تو کہیں گے بوقت مرگ
ہم کیا رہے یہاں ابھی آئے ابھی چلے
ہم ان دھماکے دار،دھواں دار اور خون بار خبروں کی بات کررہے ہیں جو ہر روز اخبارات کی زینت بنتی ہیں جن پر چھوٹے بڑے حسب معمول اور حسب روایت ’’دکھ‘‘ کا اظہار کرنے کے لیے پہلے سے چھپے ہوئے بیانات جاری ہوتے ہیں۔ دانا دانشور،چینلوں پر دانش کے دریا بہاتے ہیں بلکہ آنسوؤں کے بھی۔ اخبارات میں دانا دانشور کاغذ سیاہ کرتے ہیں یہ کہ سارے دھندے چل رہے ہیں۔یہ تو آپ مانتے ہیں کہ ہم مومن ہیں اور مومن کی نشانی کیا ہے؟
نشان مرد مومن باتو گوئم
چوں مرگ آئیدتبسم برلب اوست
دراصل لوگ اس معاملے کو سرسری نظر سے دیکھتے ہیں گہرائی اور گیرائی سے نہیں سوچتے چلوبھرپانی میں خود کو بھگوتے ہیں اور’’غور‘‘ کے حوض میں اطمینان سے غوطہ زنی نہیں کرتے ورنہ ان کو پتہ چل جاتا۔کہ یہ خون جو اسکولوں اور گلی کوچوں میں بہہ رہا ہے رائیگاں نہیں جارہا ہے کیونکہ ایک تو’’دانہ‘‘ خاک میں مل کر گل وگلزار ہوتا ہے دوسرے خون بہتا ہے تو رنگ لاتا ہے
مریض عشق کا کیا ہے جیا،جیا نہ جیا
یہ چاک چاک گریباں سیا،سیا نہ سیا
چلیے ہم آپ کو سمجھاتے ہیں۔یہ جو ہمارا پیارا پیارا راج دلارا سب سے نیارا پاکستان ہے یہ ہم نے کس لیے بنایا ہے؟اسلام کے لیے۔کچھ اور بھی مقاصد ہوں گے لیکن مین پوائنٹ یہی تھا اور رہے گا۔پھر یہ بتائیں کہ مومنوں میں کس کا درجہ زیادہ بلند ہوتا ہے؟نمازیوں اور شہیدوں کا
پناکرد مدخوش رسمے یہ خون و خاک غلطیدن
خدا رحمت کندایں عاشقاں پاک طنیت
اور۔شہادت ہے مطلوب و مقصود مومن۔ مطلب یہ کہ مطلب واضح ہے۔یہ دو درجات غازی اور شہید کی بلند درجات ہیں اور
یہ غازی یہ تیرے پراسرار بندے
جنھیں تو نے بخشا ہے ذوق خدائی
اب اگر ہم’’وہاں‘‘ رہتے ان ہندوؤں اسلام دشمنوں کے ساتھ تو کیا ہوتا؟۔یہ ہوتا کہ اگر کوئی مسلمان ہندو کو مارتا۔تومسلمان’’غازی‘‘ تو ہوجاتا۔ لیکن شہادت کا مرتبہ ہاتھ سے نکل جاتا۔اور اگر کوئی ہندو مسلمان کو مارتا تو مسلمان شہید ہوتا لیکن غازی کا رتبہ ہاتھ سے جاتا رہتا۔سوچنے والی بات ہے اس پر ایک مرتبہ پھر سوچیے۔۔۔۔ارے۔۔ہاں یہ سوچنے کا فضول کام توآپ کرتے نہیں ہم خواہ مخواہ ’’آم‘‘ سے سیب کی توقع رکھتے ہیں یا آم کے پیڑ میں خربوزے ڈھونڈتے ہیں۔اس لیے ہم ہی بتائے دیتے ہیں۔کہ سعادت ادھوری رہ جاتی
وحشت میں کوئی ساتھ ہمارا نہ دے سکا
دامن کی فکر کی تو گریباں نگل گیا
اس لیے سوچنے والوں نے سوچا اور بہت اچھا سوچا کہ کیوں نہ ایسی کوئی تدبیر کی جائے کہ چٹ بھی اپنی پٹ بھی اپنی ہوجائے۔رند کے رند رہیں اور ہاتھ سے جنت بھی نہ جائے۔اب کیا خیال ہے۔بات آئی سمجھ میں۔۔۔ارے۔سوری ہم پھر کیکر میں گلاب ڈھونڈنے لگے۔بہرحال نتیجہ سامنے ہے۔ دونوں سعادتیں ہم ہی سمیٹ رہے ہیں اور خوب سمیٹ رہے ہیں بلکہ ابتدا ہی سے یہ سلسلہ چل رہا ہے۔
معمول کا سلسلہ تو ہمیشہ چلتا رہتا ہے لیکن اس میں کبھی کبھی بڑے بڑے سعادت خیز ’’مواقع‘‘ بھی آجاتے ہیں جیسے بنگلہ دیش میں آیا تھا یا پھر یہاں آج کل زوروں سے چل رہا ہے دراصل پاکستان میں اور بھی بہت کچھ ہونے کے علاوہ’’ٹوان ون‘‘ کا سلسلہ بھی چل رہا ہے۔یہاں جو رہبر ہوتا ہے وہ رہزن بھی ہوتا ہے جو افسر ہے وہ دانشور بھی ہوتا ہے جو دانا ہے وہ احمق بھی ہوتا ہے جو چور ہے وہ سپاہی بھی ہوتا ہے جو شاہ ہے وہ گدا بھی ہوجاتا ہے الیکشن کے دنوں میں۔ جو سبز ہے وہ اندر سے سرخ بھی ہوتا ہے مطلب یہ کہ جناب شیخ کا نقش قدم یوں بھی ہے اور یوں بھی۔ ایک اور خوشی کی بات یہ ہے کہ ہمیں ڈبل ڈبل سعادتیں حاصل کرنے میں کچھ اور لوگ بھی ہمارے مددگار ہیں۔مثلاً یورپ والے امریکا والے۔ یہاں تک کہ یہودی بھی۔جو ہمیں دھڑا دھڑ ہتھیار بنا بناکر پہنچارہے ہیں اور ہماری مدد کر رہے ہیں دامے درمے سخنے اور ہتھیارے۔پیانے آفرینے۔اور اگر یہی سلسلہ اسی طرح جاری رہا مسلسل رہا ہے ، متواتر رہا۔لگاتار رہا موسلادھار رہا۔ تو توقع ہے کہ مسلمان دونوں سعادتوں سے مالا مال ہوتے رہیں گے اس لیے فکرناٹ،یشویش نو۔ہم نے معاملے کا اصل اور پوشیدہ بلکہ’’مین‘‘ اینگل بتادیا ہے اس اینگل سے دیکھیے تو سب کچھ اطمینان بخش نظر آجائے گا اور دیواستبداد کی جگہ نیل پری ناچتی ہوئی دکھائی دے گی۔
.ذریعہ: Express News
کلیدی لفظ: بھی ہوتا ہے جو ہیں اور رہے ہیں رہا ہے
پڑھیں:
پنجاب اسمبلی کے 26 معطل ارکان کی بحالی، کب کیا ہوتا رہا؟
پنجاب اسمبلی کے 26 معطل ارکان کو قائم مقام اسپیکر نے بحال کردیا ہے۔ یہ فیصلہ حکومت اور اپوزیشن کے مابین کامیاب مذاکرات کے بعد کیا گیا، جس سے اسمبلی میں جاری سیاسی تناؤ میں کمی کی توقع ہے۔
27 جون 2025 کو پنجاب اسمبلی کے بجٹ اجلاس کے دوران اپوزیشن جماعت پاکستان تحریک انصاف (پی ٹی آئی) کے 26 ارکان نے وزیراعلیٰ پنجاب مریم نواز کی تقریر کے دوران شدید احتجاج کیا۔ اس دوران ارکان نے نعرے بازی اور بدزبانی سے ایوان کی کارروائی میں خلل ڈالنے کی کوشش کی، جس پر اسپیکر پنجاب اسمبلی ملک محمد احمد خان نے رولز آف پروسیجر 1997 کے رول 210(3) کے تحت ان ارکان کی رکنیت 15 اجلاسوں کے لیے معطل کردی۔
یہ بھی پڑھیں: پنجاب اسمبلی: اپوزیشن کے 26 معطل ارکان کی فوری بحالی کا حکم
معطل ارکان پر الزام تھا کہ انہوں نے غیر پارلیمانی زبان استعمال کی، بجٹ دستاویزات پھاڑیں، اور ایوان میں توڑ پھوڑ کی، جس میں 8 مائیکروفونز کو نقصان پہنچا۔ اس کے نتیجے میں 10 ارکان سے قریباً 20 لاکھ 35 ہزار روپے جرمانے کے طور پر وصول کرنے کا فیصلہ بھی کیا گیا تھا۔
نااہلی کا ریفرنسمعطلی کے بعد 4 جولائی 2025 کو اسپیکر ملک محمد احمد خان نے ان 26 ارکان کے خلاف الیکشن کمیشن آف پاکستان کو نااہلی کا ریفرنس بھیجا۔ یہ ریفرنس آئین کے آرٹیکل 63(2) اور 113 کے تحت دائر کیا گیا تھا، جس میں ارکان پر غیر پارلیمانی رویے، بدزبانی اور آئینی حلف کی خلاف ورزی کا الزام عائد کیا گیا۔
اسپیکر نے 11 جولائی 2025 کو ان ارکان کو ذاتی سماعت کے لیے طلب کیا تاکہ وہ اپنا مؤقف پیش کر سکیں، جو آئین کے آرٹیکل 10-A کے تحت منصفانہ سماعت کے حق کے مطابق تھا۔
مذاکرات اور بحالیبعد ازاں حکومت اور اپوزیشن کے مابین مذاکراتی کمیٹی تشکیل دی گئی، جس نے 3 نشستوں کے بعد 18 جولائی 2025 کو معاہدے پر اتفاق کیا۔
اس معاہدے کے تحت اپوزیشن نے آئندہ ایوان میں پارلیمانی حدود میں رہتے ہوئے احتجاج کرنے اور غیر مہذب زبان سے گریز کرنے کا وعدہ کیا۔ جس کے بدلے میں اسپیکر نے نااہلی کے ریفرنسز واپس لینے کا فیصلہ کیا۔
20 جولائی 2025 کو اسپیکر نے اپنے تفصیلی فیصلے میں کہاکہ نااہلی کے الزامات کو عدالت یا ٹریبونل میں ثابت کرنا ضروری ہے، اور بغیر قانونی بنیاد کے ریفرنسز کو آگے نہیں بڑھایا جا سکتا۔
تاہم اسپیکر کی غیر موجودگی کی وجہ سے بحالی کا عمل کچھ تاخیر کا شکار ہوا۔ بالآخر آج پنجاب اسمبلی کے اجلاس میں صوبائی وزیر خزانہ مجتبی شجاع الرحمان نے پوائنٹ آف آرڈر پر بات کرتے ہوئے ایوان میں کہاکہ اپوزیشن کے 26 ارکان کی معطلی سے عوام کا حق نمائندگی متاثر ہو رہا ہے۔
یہ بھی پڑھیں: پنجاب اسمبلی: معطل ارکان کے معاملے پر حکومت و اپوزیشن کے مذاکرات کامیاب
انہوں نے کہاکہ وزیر اعلیٰ پنجاب مریم نواز کی بھی خواہش ہے کہ ان ارکان کو عوام کا حق نمائندگی ملنا چاہیے، قائم مقام اسپیکر صاحب آپ سے درخواست ہے کہ 26 معطل ارکان کی بحالی پر نظر ثانی کی جائے، اپوزیشن کے بغیر ایوان کا ماحول دل کو نہیں لگ رہا جس کے بعد قائم مقام اسپیکر ملک ظہیر اقبال چنڑ نے 26 معطل ارکان کو فوری طور پر بحال کرنے کا حکم دیا اور اپوزیشن جو کئی روز سے احتجاج پر تھی آج دوبارہ واپس اسمبلی کے ایوان میں آگئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن لیڈر ارکان بحال ارکان کی معطلی اسپیکر ملک احمد خان پنجاب اسمبلی ڈپٹی اسپیکر مریم نواز نااہلی ریفرنس وزیراعلٰی پنجاب وی نیوز
چیئرمین سینیٹ یوسف رضا گیلانی ٹڈاپ میگا کرپشن کے 9 مقدمات سے بری