کوئٹہ سے عید اسپیشل ٹرین پشاور روانہ
اشاعت کی تاریخ: 29th, March 2025 GMT
— فائل فوٹو
کوئٹہ سے عید اسپیشل ٹرین پشاور کے لیے روانہ ہو گئی۔
ریلوے حکام کے مطابق 9 بوگیوں پر مشتمل اس ٹرین میں 300 مسافر سوار ہیں۔
عیداسپیشل ٹرین کی حفاظت کے لیے سیکیورٹی کے سخت انتظامات کیے گئے ہیں۔
کوئٹہ سے اندرونِ ملک کے لیے ٹرین سروس تاحال بحال نہیں ہو سکی، جو 13 روز سے معطل ہے۔
ریلوے حکام نے مزید بتایا ہے کہ کوئٹہ سے روانہ ہونے والی عید اسپیشل ٹرین کل شام پشاور پہنچے گی۔
ریلوے حکام نے یہ بھی کہا ہے کہ کوئٹہ سے کراچی کے لیے بولان میل کو 31 مارچ سے روزانہ چلایا جائے گا۔
.ذریعہ: Jang News
پڑھیں:
آتشزدگی کے باعث اسرائیلی ریلوے اسٹیشن ایک بار پھر تعطل کا شکار
صہیونی حکومت کے چینل 12 ٹی وی نے بھی ایک رپورٹ میں بتایا ہے کہ اسرائیلی ریلوے کے نزدیک وسیع پیمانے پر آگ لگنے کی وجہ سے منگل کے روز تل ابیب سے جنوب (مقبوضہ فلسطین) کی طرف جانے والی ٹرینیں روک دی گئیں۔ اسلام ٹائمز۔ عبرانی ذرائع ابلاغ کے مطابق اسرائیلی ریلوے کمپنی نے اعلان کیا ہے کہ تل ابیب ریلوے اسٹیشن کے قریب زبردست آتشزدگی کے باعث ٹرینوں کی روانگی میں کئی تاخیر ہوئی ہے اور تل ابیب کے علاقے میں کچھ ٹرینوں کی نقل و حرکت میں تبدیلیاں آئی ہیں۔ مقامی فائر فائٹرز نے کہا ہے کہ فی الحال ان کا بنیادی مقصد ریلوے لائنوں کے نزدیک لگنے والی آگ کو پھیلنے سے روکنا ہے، کیونکہ اس سے ریلوے کے بنیادی ڈھانچے کو بھی نقصان پہنچنے کا امکان ہے۔ آگ کی بڑی مقدار کی وجہ سے دونوں سمتوں میں ٹرینیں روک دی گئی ہیں اور ٹریک 1 کو بند کر دیا گیا ہے۔
صہیونی حکومت کے چینل 12 ٹی وی نے بھی ایک رپورٹ میں بتایا ہے کہ اسرائیلی ریلوے کے نزدیک وسیع پیمانے پر آگ لگنے کی وجہ سے منگل کے روز تل ابیب سے جنوب (مقبوضہ فلسطین) کی طرف جانے والی ٹرینیں روک دی گئیں۔ اسرائیلی ریلوے کمپنی کا کہنا ہے کہ تل ابیب ہگانہ اسٹیشن کے قریب ٹرین کی پٹریوں کے کنارے میں زبردست آگ لگنے کی وجہ سے تل ابیب کے علاقے میں افراتفری پیدا ہوئی اور تمام ٹرینوں کو ری شیڈول کر دیا گیا ہے، جبکہ حکام نے صورتحال کے معمول پر آنے کا وقت بتانے سے گریز کیا ہے۔ آگ لگنے کے بعد یروشلم سے تل ابیب جانے والی تمام ٹرینوں کو لود اسٹیشن پر روک دیا گیا اور مسافروں کو اتار دیا گیا، انہیں بس کے ذریعے باقی راستے کا سفر کرنا پڑا۔
عبرانی ذرائع ابلاغ نے اعتراف کیا ہے کہ اسرائیل میں ٹرین کی آمدورفت گزشتہ ایک ماہ کے دوران بری طرح متاثر ہوئی ہے، جیسا کہ کچھ عرصہ قبل جب ایک مال بردار ٹرین نے دو مختلف علاقوں میں ٹرینوں کی برقی پریشر کیبلز سے ٹکرا کر لائن پر ٹرینوں کی نقل و حرکت کو مکمل طور پر روک دیا تھا، اور تکنیکی ماہرین کو ٹرینوں کے انجنوں میں سینکڑوں میٹر بجلی کی ترسیل کی کیبلز کو دوبارہ نصب کرنا پڑا اور ان کی مرمت کرنا پڑی۔
سونے کی قیمت نئی بلند ترین سطح پر پہنچ گئی