خوشاب میں یوم القدس کے موقع پر ریلی
اشاعت کی تاریخ: 30th, March 2025 GMT
ریلی کی قیادت ممتاز عالم دین مولانا سید محمد تقی نقوی کر رہے تھے، شرکائے ریلی نے بڑے بڑے کتبے اور پلے کارڈز اٹھا رکھے تھے، جن پر مردہ باد امریکہ، مردہ باد اسرائیل کے نعرے درج تھے۔ چھوٹی تصاویر تصاویر کی فہرست سلائیڈ شو
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
خوشاب میں یوم القدس کے موقع پر ریلی
اسلام ٹائمز۔ امامیہ سٹوڈنٹس آرگنائزیشن ضلع خوشاب کے زیر اہتمام عالمی یوم القدس کے حوالے سے مرکزی جامعہ مسجد حسینیہ جوہر آباد سے ایک بڑی ریلی نکالی گئی، ریلی کی قیادت ممتاز عالم دین مولانا سید محمد تقی نقوی کر رہے تھے، شرکائے ریلی نے بڑے بڑے کتبے اور پلے کارڈز اٹھا رکھے تھے، جن پر مردہ باد امریکہ، مردہ باد اسرائیل کے نعرے درج تھے۔ ہزاروں افرد کی یہ ریلی امریکہ اور اسرائیل کیخلاف شدید نعروں کی گونج میں ہسپتال روڈ کالج چوک سے گزرتی ہوئی جہاز چوک خوشاب میانوالی روڈ پہنچی، جہاں مرکزی جامع مسجد حسینیہ کے خطیب مولانا سید محمد تقی نقوی، پروفیسر راجہ غلام اصغر اور سابق فوکل پرسن وزیراعلیٰ شکایات سیل ضلع خوشاب حسن عمران ملک نے خطاب کیا۔ مقررین نے فلسطین، غزہ، کشمیر اور پاراچنار میں ہونیوالے بے گناہ مسلمانوں کے قتل عام کی پر زور مذمت کی اور ان سفاکانہ کاروائیوں کو رکوانے پر زور دیا۔اس موقع پر پاکستان پیپلز پارٹی کے رہنماوں ڈاکٹر نعیم صادق اور ملک محمد علی ساول نے بھی شرکائے ریلی کے ساتھ یکجہتی کا اظہار کیا، ریلی کے اختتام پر راجہ اصغر طاہر کی جانب سے پیش کردہ 12 نکاتی قراداد پاس کی گئی جس میں فلسطین اور کشمیر میں مظالم بند کرانے غاصب اسرائیل کے ساتھ ہر قسم کے تعلقات کے خاتمہ، امریکہ اسرائیل اور بھارت کیجانب سے عالم اسلام کیخلاف جاری سازشوں کا اجتماعی قوت سے مقابلہ کرنے جیسے مطالبات کئے گئے۔ اسرائیل فلسطین تنازعہ پر عالم اسلام با،مخصوص سعودی عرب ترکی کی مجرمانہ خاموشی اور مسلمانوں کی شہادتوں پر منافقانہ رد عمل کی مذمت کی گئی، پاراچنار کے راستے کھلوانے کا مطالبہ کیا گیا اور شہدائے راہ قدس شہید شیخ احمد یٰسین، شہید قاسم سلمیانی، شہید اسمٰعیل ہانیہ، شہید حسن نصراللہ اور یمن کے مجاھدین اور حماس اور حزب اللہ کے مجاھدین کی لازوال جدوجہد اور قربانیوں کو شاندار الفاط میں خراج تحسین پیش کیا گیا، ریلی کے اختتام پر مریکہ و اسرائیل کے پرچم جلائے گئے۔.
ذریعہ: Islam Times
کلیدی لفظ: خوشاب میں یوم القدس کے موقع پر ریلی اسرائیل کے
پڑھیں:
حکومت زرعی پالیسیوں میں کسان کو ریلیف فراہم کرے، علامہ مقصود ڈومکی
صحبت پور میں قبائلی رہنماء سے گفتگو کرتے ہوئے علامہ مقصود ڈومکی نے کہا کہ قبائلی جھگڑوں کے باعث لوگوں کو جانی و مالی نقصان پہنچتا ہے، اسلیے ضروری ہے کہ علماء کرام، قبائلی عمائدین اور سیاسی زعما معاشرے میں صبر و برداشت کو فروغ دیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ علماء کرام، قبائلی عمائدین اور سیاسی زعما معاشرے میں صبر و برداشت کو فروغ دیں۔ قبائلی جھگڑوں کے باعث لوگوں کو جانی و مالی نقصان پہنچتا ہے۔ یہ بات انہوں نے ضلع کونسل صحبت پور کے ضلعی وائس چیئرمین میر فہد خان پنہور سے ملاقات کے موقع پر گفتگو کرتے ہوئے کہی۔ اس موقع پر مجلس علمائے مکتب اہل بیت کے ضلعی صدر علامہ سیف علی ڈومکی، ایم ڈبلیو ایم عزاداری ونگ کے ضلعی صدر نور دین گولاٹو، زوار دلدار حسین گولاٹو اور دیگر شخصیات بھی موجود تھیں۔ ملاقات میں قبائلی اختلافات کے حل اور باہمی دلچسپی کے امور پر مشاورت کی گئی۔ اس موقع پر گفتگو کرتے ہوئے علامہ مقصود علی ڈومکی نے کہا کہ قبائلی جھگڑوں کے باعث لوگوں کو جانی و مالی نقصان پہنچتا ہے، اس لیے ضروری ہے کہ علماء کرام، قبائلی عمائدین اور سیاسی زعما معاشرے میں صبر و برداشت کو فروغ دیں۔ انہوں نے کہا کہ دین اسلام عفو و درگزر کی تعلیم دیتا ہے، قرآن و سنت میں اس کی بارہا تاکید کی گئی ہے۔
علامہ مقصود علی ڈومکی نے مزید کہا کہ کسان کو اس کی محنت کا پورا صلہ ملنا چاہیے۔ جب ادویات، کھاد اور زرعی مشینری مہنگی ہو اور گندم و چاول کی قیمت کم ہو تو کسان کی گزر بسر مشکل ہو جاتی ہے۔ حکومت کو چاہیے کہ زرعی پالیسیوں میں کسان کو ریلیف فراہم کرے تاکہ زراعت کو نقصان نہ پہنچے۔ اس موقع پر میر فہد خان پنہور نے کہا کہ ہمارے آباؤ اجداد نے قیام پاکستان سے قبل بابائے قوم قائداعظم محمد علی جناح کے ساتھ مسلم لیگ میں جدوجہد کی اور یہ ہمارے لیے اعزاز ہے کہ قائداعظم نے جیکب آباد کے دورے کے دوران ہمارے گھر میں قیام فرمایا۔ انہوں نے کہا کہ قبائلی تنازعات کا خاتمہ ہی عوام کے جان و مال کے تحفظ کی ضمانت ہے۔ لوگوں کو یہ شعور دینا ہوگا کہ جھگڑے ان کے لیے نقصان دہ ہیں جبکہ امن و اتحاد ہی ترقی و خوشحالی کی کنجی ہے۔ انہوں نے کہا کہ باہمی افہام و تفہیم، رواداری اور تعاون کے ذریعے ہی ایک پرامن معاشرہ قائم کیا جا سکتا ہے، جو ملکی ترقی اور عوام کی خوشحالی کے لیے ناگزیر ہے۔ ملاقات میں پنہور اور ڈومکی قبائل کے درمیان پیش آئے واقعے کے حوالے سے تبادلہ خیال کیا گیا۔
زیلنسکی نے ٹرمپ پر سنگین الزام عائد کردیا، امریکا سے تعلقات متاثر ہونے کا خدشہ