امریکی سفارتخانے کی جانب سے اہل پاکستان کے نام عید مبارکباد کا پیغام
اشاعت کی تاریخ: 30th, March 2025 GMT
پاکستان میں موجود امریکی سفارتخانے کی جانب سے پاکستانی حکومت اور عوام کو عید کی مبارکباد کے ساتھ نیک تمناؤں کا اظہار۔
یہ بھی پڑھیں:وائٹ ہاؤس میں افطار پارٹی، پاکستانی سفیر کی شرکت پر ٹرمپ شکرگزار
یو ایس ایمبیسی پریس اسلام آباد کی جانب سے جاری ایک ویڈیو پیغام میں کہا گیا ہے کہ امریکی حکومت اور عوام کی جانب سے عید الفطر منانے والے تمام افراد کو پُرجوش مبارکباد پیش کرتے ہیں۔ یہ وہ تہوار جو رمضان المبارک کے اختتام پر منایا جاتا ہے۔
سماجی رابطوں کی ویب سائٹ ’فلیکر‘ پر جاری ویڈیو پیغام میں امریکی خاتون سفارتکار کو بازار میں عید کی شاپنگ کرتے دکھایا گیا، اس ویڈیو میں وہ انہیں کہتے سنا جا سکتا ہے کہ عید کا دن اُس اُمید، ہمت اور فیضان کے حصول کا موقع ہے جو ماہ رمضان میں روزے، نماز اور خیرات کی بدولت حاصل ہوتی ہے۔
بطور ایک ایسی قوم کے جو مذہبی آزادی سے لگاؤ رکھتی ہے، ریاستہائے متحدہ امریکا اپنی سرزمین، پاکستان اور دنیا بھر میں اللہ کی شفقت اور پیار کی شکر ادا کرنے کے موقع پر لاکھوں مسلمانوں کے ساتھ کھڑا ہے۔
اور ہم اس موقع پر امن پر مبنی ایسا مسقبل تشکیل دینے کےعزم کی تجدید کرتے ہیں، جس میں ہر انسان کی بنیادی عظمت کو تسلیم جائے۔
دعا ہے کہ اللہ اس مقدس موقع پر اور ہمیشہ آپ اور آپ کے خاندان والوں پر اپنی رحمت ناز ل فرمائے۔ عید مبارک۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستان پیغام عید عید الفطر یو ایس ایمبیسی.
ذریعہ
ذریعہ: WE News
کلیدی لفظ: امریکا پاکستان پیغام عید عید الفطر یو ایس ایمبیسی کی جانب سے
پڑھیں:
مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے : نواز شریف
مسلم لیگ (ن) کے قائد نواز شریف نے کہا ہے کہ کہ آزاد کشمیر میں ہونے والے بڑے ترقیاتی منصوبوں پر مسلم لیگ (ن) کی مہر نظر آئے گی، پورے آزاد کشمیر کی تقدیر بدلیں گے۔
میرپور میں انتخابی جلسے سے خطاب کرتے ہوئے نواز شریف نے کہا کہ میرپور کے عوام کا جذبہ ہر کسی کے نصیب میں نہیں ہوتا، یہاں آ کر دل خوش ہو گیا ہے۔ انہوں نے سوالیہ انداز میں کہا کہ کیا پیشگی مبارک باد دے دوں؟
یہ بھی پڑھیں: مظفرآباد میں مسلم لیگ ن کا پاور شو: اقتدار میں آکر آزاد کشمیر کا بجٹ 10 گنا بڑھا دیں گے، نواز شریف
انہوں نے کہا کہ کئی برس بعد میرپور آنے کا موقع ملا ہے، اس شہر کو دوبارہ دیکھنے کی خواہش انہیں یہاں کھینچ لائی۔
مسلم لیگ (ن) کے قائد کا کہنا تھا کہ کشمیری عوام کے ساتھ ان کا رشتہ بہت مضبوط ہے اور مسلم لیگ (ن) نے ہمیشہ آزاد کشمیر کی ترقی کے لیے عملی اقدامات کیے ہیں۔
برسوں بعد میرپور آ کر خوشی بھی ہوئی اور ادھورے منصوبے دیکھ کر افسوس بھی۔ یہ شہر اس سے کہیں زیادہ ترقی کا حق رکھتا ہے۔ ہم عہد لے کر آئے ہیں کہ مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے۔ ترقی کے جو منصوبے رک گئے تھے، انہیں دوبارہ شروع کر کے مکمل کریں… pic.twitter.com/BtKd39TjZJ
— PMLN (@pmln_org) July 24, 2026
نواز شریف نے کہا کہ آزاد کشمیر میں ہونے والے بڑے ترقیاتی منصوبوں پر مسلم لیگ (ن) کی مہر نظر آئے گی، اگر کسی دوسری جماعت نے اس سے بڑھ کر کام کیا ہے تو بتایا جائے۔
نواز شریف نے کہا کہ ہم عہد لے کر آئے ہیں کہ مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے۔ ترقی کے جو منصوبے رک گئے تھے، انہیں دوبارہ شروع کر کے مکمل کریں گے۔
’بلاول میری بات کا برا نہ ماننا‘انہوں نے چیئرمین پاکستان پیپلز پارٹی بلاول بھٹو زرداری کو مخاطب کرتے ہوئے کہا، ‘بلاول برخوردار! میری بات کا برا نہ ماننا، سیاست میں نوک جھونک ہوتی رہنی چاہیے لیکن لڑائی مارکٹائی نہیں ہونی چاہیے۔’
آج میرپور میں عوام کا جو جذبہ دیکھا، وہ غیر معمولی ہے۔ یہ منظر واضح بتا رہا ہے کہ مسلم لیگ ن کے امیدواروں کو بھرپور عوامی حمایت حاصل ہے۔ مجھے یقین ہے کہ انشاء اللہ چوہدری سعید سمیت ہمارے تمام امیدوار کامیابی حاصل کریں گے
صدرمسلم لیگ (ن) میاں محمد نواز شریف#MirpurSherKa pic.twitter.com/ZBDwC8Lt34
— PMLN (@pmln_org) July 24, 2026
نواز شریف نے کہا کہ وہ عزم لے کر آئے ہیں کہ میرپور اور پورے آزاد کشمیر کی تقدیر بدلیں گے۔
انہوں نے اعلان کیا کہ جس طرح لاہور اور اسلام آباد میں الیکٹرک بسیں چل رہی ہیں، اسی طرح آزاد کشمیر میں بھی یہ سہولت فراہم کی جائے گی، جبکہ مریم نواز عوام کے لیے خصوصی تحفہ لے کر آئی ہیں۔
یہ بھی پڑھیں: کیا نواز شریف آزاد کشمیر کے وزیراعظم بن سکتے ہیں؟
ان کا کہنا تھا کہ اگر آزاد کشمیر میں مسلم لیگ (ن) کی حکومت قائم ہوئی تو وہ بطور وزیراعظم اپنے منشور پر عمل درآمد کی خود نگرانی کریں گے۔ نوجوانوں کی تعلیم کو اولین ترجیح دی جائے گی اور ہر ہونہار کشمیری طالب علم کو لیپ ٹاپ فراہم کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر سابق وزیراعظم میرپور نوازشریف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم