لارنس بشنوئی کی دھمکیاں، سلمان خان کا سفر گھر اور فلم سیٹ تک محدود
اشاعت کی تاریخ: 2nd, April 2025 GMT
بولی ووڈ سپراسٹار سلمان خان نے کہا ہے کہ وہ اللہ پر ایمان رکھتے ہیں اور وہ اتنا ہی جیئں گے جتنی اللہ نے ان کی عمر لکھی ہے۔
یہ بھی پڑھیں:سلمان خان کی ایکشن فلم سکندر باکس آفس پر تہلکہ مچانے میں ناکام
بھارتی میڈیا کے مطابق یہ بات انہوں نے بھارتی گینگسٹر لارنس بشنوئی کی جانب سے جان سے مارنے کی متعدد دھمکیوں کے حوالے سے ان سے کئے گئے ایک سوال کے جواب میں کہی جس میں ان سے پوچھا گیا تھا کہ کیا وہ ان دھمکیوں سے خوفزدہ ہیں۔
لارنس بشنوئی کی جانب سے دھمکیوں کے بعد گزشتہ سال ممبئی کے پوش علاقے باندرہ میں ان کی رہائش کے باہر فائرنگ کے واقعے کے بعد ان کی سیکیورٹی میں نمایاں اضافہ کیا گیا اور ان کے گھر کی بالکونی میں ایک بڑا بلٹ پروف شیشے کا پینل لگا یا گیا ہے۔
یہ بھی پڑھیں:عامر خان نے سلمان خان کو خود سے بہتر اداکار کیوں قرار دیا؟
رپورٹ کے مطابق سلمان خان نے مسلسل سیکیورٹی میں گھرے رہنے پر تشویش کا اظہار کیا ہے۔ انہوں نے کہا کہ کبھی کبھی انہیں سیکیورٹی کے لیے بہت سے لوگوں کو ساتھ رکھنا پڑتا ہے جو ان کے لیے بعض اوقات ایک مسئلہ بن جاتا ہے۔
انہوں نے کہا کہ اب وہ صرف اپنے گھر سے فلم کے سیٹ اور سیٹ سے گھر تک ہی سفر کرتے ہیں۔
فلم سکندر کے ڈائریکٹر اے آر مروگاداس نے بتایا ہے کہ سلمان کو لاحق سیکیورٹی خطرات کے باعث ٹیم کو سیٹ پر 10 ہزار سے 20 ہزار تک لوگوں اور سخت سیکیورٹی کاانتظام کر نا پڑا۔
واضح رہے کہ سلمان خان کی نئی فلم سکندر 30 مارچ کو ریلیز ہونے والی ہے۔ فلم میں کاجل اگروال اور رشمیکا مندنا بھی اہم کردار ادا کر رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بولی ووڈ سلمان خان لارنس بشنوئی.ذریعہ: WE News
کلیدی لفظ: لارنس بشنوئی لارنس بشنوئی
پڑھیں:
بگ باس: ساتھی خاتون کی تضحیک کرنے پر سلمان خان کی طرف سے امیدواروں کی سخت سرزنش
ریئلٹی شو بگ باس 19 اس وقت ناظرین کی بھرپور توجہ حاصل کیے ہوئے ہے۔
اس بھارتی شو میں ہر ہفتے نئے تنازعات سامنے آ رہے ہیں، اور اس ہفتے امیدوار تنیا متل اور نیلم گیری شدید تنقید کی زد میں آئیں جب انہوں نے ساتھی امیدوار اشنور کور کے بارے میں جسمانی تضحیک پر مبنی تبصرے کیے۔
یہ بھی پڑھیے: بگ باس 19 کی میزبانی کے لیے سلمان خان کتنے سو کروڑ لے رہے ہیں؟ حیران کن انکشاف
سوشل میڈیا پر ان کے بیانات پر سخت ردِعمل دیکھنے میں آیا، جس کے بعد شو کے میزبان سلمان خان نے خود اس معاملے پر مداخلت کی۔
ویک اینڈ کا وار کے تازہ قسط میں سلمان خان نے دونوں خواتین امیدواروں کی سرزنش کی اور واضح الفاظ میں کہا کہ کسی کو بھی دوسرے شخص کی ظاہری شکل یا جسمانی خدوخال پر تبصرہ کرنے کا حق نہیں۔ انہوں نے کہا کہ بگ باس کے گھر میں تمام امیدواروں کو ایک دوسرے کے ساتھ عزت اور احترام سے پیش آنا چاہیے۔
سلمان خان نے گفتگو کے دوران تنیا اور نیلم سے پوچھا، تنیا اور نیلم، آپ بتائیے کیا رائے ہے آپ کی اشنور کے بارے میں؟
اس پر نیلم نے مختصر جواب دیا، اچھی لگ رہی ہے۔
جبکہ تنیا نے کہا، بلکل پرنسس جیسی لگ رہی ہے۔
یہ بھی پڑھیے: رئیلٹی شو ’بگ باس‘ کا سیٹ سیل، مستقبل خطرے میں
سلمان خان نے اس موقع پر دونوں کو احساس دلایا کہ ایسے تبصرے چاہے مزاح کے طور پر کیوں نہ کیے جائیں، کسی کے لیے تکلیف دہ ثابت ہو سکتے ہیں۔ انہوں نے تنبیہ کی کہ شو میں ہر شخص کا احترام لازم ہے، اور کسی کی ظاہری شکل پر بات کرنا نامناسب ہے۔
ناظرین نے سلمان خان کے اس رویے کو خوب سراہا اور سوشل میڈیا پر اشنور کور کے حق میں یکجہتی کا اظہار کیا۔ بہت سے صارفین نے کہا کہ سلمان خان نے ایک بار پھر ثابت کیا ہے کہ وہ صرف شو کے میزبان نہیں بلکہ اصولوں پر قائم رہنے والے رہنما بھی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بگ باس سلمان خان
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ