سری لنکا میں بھارتی وزیر اعظم کا دورہ، کتوں کے خلاف کریک ڈاؤن
اشاعت کی تاریخ: 3rd, April 2025 GMT
اسلام آباد (اُردو پوائنٹ ۔ DW اردو۔ 03 اپریل 2025ء) سری لنکا کے جانوروں کے حقوق کے کارکنوں نے جمعرات کو بھارتی وزیر اعظم نریندر مودی کے دورے سے ایک دن قبل آوارہ کتوں کی پکڑ دھکڑ کے خلاف احتجاجی مارچ کیا۔
کولمبو اور بدھ مت یاتریوں کے شہر انورادھا پورہ میں حکام نے مبینہ طور پر مودی کے دورے سے قبل کتے پکڑنے کے لیے ٹیم تعینات کی گئی ہے تاکہ نریندر مودی کی جمعے کو کولمبو آمد سے پہلے آوارہ کتے اس علاقے میں نہ نظر آئیں۔
بھٹ شاہ کے کتے: پطرس بخاری کے سوال کا جواب
آوارہ کتوں کو یہاں ''کمیونٹی کینائن‘‘ کہا جاتا ہے اور لوگ انہیں باضابطہ طور پر گھر نا رکھنے کے باوجود ان کی دیکھ بھال کرتے ہیں۔
ریلی فار اینیمل رائٹس اینڈ انوائرمنٹ (RARE) سے منسلک جانوروں کے حقوق کے لیے سرگرم مظاہرین نے کولمبو میں صدر انورا کمارا ڈسانائیکے کے دفتر کے باہر بھارتی ہائی کمیشن کو ایک درخواست جمع کروانے کے بعد پلے کارڈز اُٹھائے ہوئے مظاہرہ کیا۔
(جاری ہے)
اس پر درج تھا،''ہماری کمیونٹی کے کتوں کو ظالمانہ طریقے سے اٹھانا بند کرو۔‘‘بے ضمیر معاشرے میں جانوروں کے حقوق کا تحفظ ایک لطیفہ
مظاہرین کا کہنا تھا کہ عوامی پارکوں میں موجود کتوں میں سے بہت سے کتوں کو ٹیکے لگائے گئے تھے اور ان کی دیکھ بھال مقامی افراد اور جانوروں کی فلاح و بہبود کے گروپ کر رہے تھے۔ مظاہرین نے ایک اور پلے کارڈ اُٹھا رکھا تھا جس پر درج تھا،'' جانوروں پر ظلم کے لیے مشہور ملک ہوتے ہوئے سری لنکا سیاحت کو کیسے فروغ دے سکتا ہے؟‘‘
ترکی میں آوارہ کتوں کی آبادی پر قابو پانے کے لیے بل منظور
بھارتی وزیر اعظم مودی کے کولمبو کے آزادی اسکوائر پر سرکاری خیرمقدم کی تیاریاں ہو رہی ہیں۔
جہاں کتے پکڑنے والی ٹیمیں رواں ہفتے بہت مصروف دکھائی دیں۔پاکستان: جانوروں پر بے رحمی کا نیا واقعہ، گدھی کے کان کاٹ ڈالے
بھارتی وزیر اعظم نریندر مودی سری لنکا کے دورے پر دارالحکومت کے شمال میں 200 کلومیٹر کے فاصلے پر واقع انورادھا پورہ کا بھی دورہ کریں گے۔ خاص طور سے وہاں موجود ایک انجیر کے درخت کی زیارت کرنے کے لیے جس کے بارے میں خیال کیا جاتا ہے کہ یہ درخت ایک ایسے درخت کے تراشے ہوئے تنے سے اگایا گیا ہے جس کے نیچے بدھا نے 2,500 سال سے بھی پہلے روحانی بصیرت حاصل کی تھی۔ یہ درخت 22 ملین کی آبادی والے بُدھ مت کے پیروکاروں کی اکثریت پر مشتمل جزیرے کے لیے عبادت کا مرکز اور قومی خود مختاری کی علامت دونوں سمجھا جاتا ہے۔
.ذریعہ: UrduPoint
کلیدی لفظ: تلاش کیجئے بھارتی وزیر اعظم سری لنکا کے لیے
پڑھیں:
وزیر اعظم کا پاکستان ٹی وی ڈیجیٹل کا دورہ، انگریزی چینل کا افتتاح کردیا
وزیر اعظم شہباز شریف نے پاکستان ٹیلی ویژن میں قائم کردہ پاکستان ٹی وی ڈیجیٹل کے قیام کی تختی کی نقاب کشائی کی اور بعد ازاں ڈیجیٹل چینل کی باقاعدہ نشریات کے آغاز کا افتتاح بھی کیا۔اس موقع پر وزیر اطلاعات و نشریات عطاللہ تارڑ اور سیکرٹری اطلاعات عنبرین جان اور دیگر اعلی حکام موجود تھے۔وزیر اعظم نے نئے چینل کے مختلف سیکشن کا دورہ بھی کیا، وہاں کام کرنے والے نوجوانوں سے بات چیت کی۔وزیر اعظم نے نوجوانوں کے جذبے کی تعریف کی اور کہا کہ بیرونی بیانیہ کی جنگ میں انکا کردار انتہائی اہم ہے۔شہباز شریف نے کہا کہ اس ڈیجیٹل چینل کے آغاز کا بنیادی مقصد مسلسل حقیقی خبریں فراہم کرتے ہوئے پاکستان کے بارے میں ہونے والی غلط بیانی اور پروپیگنڈے کا مؤثر جواب دینا ہے۔وزیر اعظم نے پاکستان ٹی وی ڈیجیٹل کی نشریات کے لیے اپنا پہلا انٹرویو بھی ریکارڈ کروایا۔افتتاح کے موقع پر وزیر اطلاعات و نشریات عطااللہ تارڑ نے وزیر اعظم کو پاکستان ٹی وی ڈیجیٹل کے اغراض و مقاصد سے آگاہ کیا۔انھوں نے بتایا کہ پاکستان ٹی وی ڈیجیٹل عالمی سامعین کو پاکستان کے لیے ایک فعال اور مستند آواز فراہم کرنے، معلومات کے فرق کو ختم کرنے اور عوامی سفارت کاری کے لیے انگریزی زبان کے ایک پلیٹ فارم کے طور پر کام کرے گا۔پلیٹ فارم کا اسٹریٹجک مقصد پاکستان کی جانب سے دنیا سے بات کرنا اور سب سے پہلے اپنی خبر پہنچانا ہے۔یہ تمام خبریں اور معلومات پاکستان کے حوالے سے اہم امور کا احاطہ کریں گی جیسے کہ بین الاقوامی امور، ثقافتی بصیرت، اور اقتصادی پیش رفت اور تجزیے، یہ سب ایک منفرد پاکستانی تناظر کے ساتھ پیش کیے جائیں گے۔ایک مستعد پروڈکشن ورک فلو کا فائدہ اٹھاتے ہوئے یہ اندرون ملک رپورٹنگ کو مربوط کرے گا جبکہ فری لانسرز کا ایک عالمی نیٹ ورک اور Reuters اور Associated Press (AP) جیسی معروف وائر سروسز کے ساتھ شراکت داری، پاکستان ٹی وی ڈیجیٹل کی ریئیل ٹائم، تصدیق شدہ اور اعلیٰ معیار کی کوریج کو یقینی بنائے گا۔مغربی و بھارتی اثر زدہ علاقائی میڈیا میں جاری یک طرفہ بیانیے کا توڑ کرے گا۔
وزیر اطلاعات نے کہا کی پاکستان ڈیجیٹل ٹی وی بڑی خبروں کا مرکز ہے۔ جیسا کہ وہ ایک پاکستانی زاویے سے دیکھی جاتی ہیں۔
9 مئی و توشہ خانہ کیسز؛ عمران خان اور بشریٰ بی بی کی عبوری ضمانتوں میں توسیع