برطانیہ کا چند ممالک پر ویزا پابندی لگانے پر غور، وجہ کیا ہے اور کون متاثر ہوگا؟
اشاعت کی تاریخ: 9th, September 2025 GMT
برطانیہ کی نئی ہوم سیکریٹری شبانہ محمود نے عندیہ دیا ہے کہ ایسے ممالک کے لیے برطانوی ویزے معطل کیے جا سکتے ہیں جو اپنے شہریوں کو واپس لینے کے معاملے میں تعاون نہیں کرتے۔
لندن میں ’فائیو آئیز‘ انٹیلی جنس اتحاد کے اجلاس سے خطاب کرتے ہوئے ان کا کہنا تھا کہ برطانیہ کے لیے سب سے بڑی ترجیح سرحدوں کا تحفظ اور غیر قانونی ہجرت پر قابو پانا ہے، اجلاس میں امریکا، آسٹریلیا، نیوزی لینڈ اور کینیڈا کے وزرا نے بھی شرکت کی۔
شبانہ محمود نے کہا کہ برطانیہ ایسے ممالک کے ساتھ ویزا پالیسی میں تبدیلی پر غور کر رہا ہے جو اپنے شہریوں کو واپس لینے سے گریز کرتے ہیں۔
یہ بھی پڑھیں: برطانیہ کی نئی وزیر داخلہ شبانہ محمود کون ہیں؟
’اگر کسی شخص کو برطانیہ میں رہنے کا حق نہیں تو اسے لازماً اپنے وطن واپس بھیجا جانا چاہیے، اور جو ممالک اس اصول پر عمل نہیں کرتے انہیں ویزا معطلی جیسے اقدامات کا سامنا کرنا پڑ سکتا ہے۔‘
ہوم سیکریٹری نے کسی مخصوص ملک کا نام نہیں لیا، تاہم ماہرین کے مطابق بھارت، بنگلہ دیش، پاکستان اور نیپال جیسے ممالک میں برطانوی ویزا کی مانگ زیادہ ہے جبکہ ان کی جانب سے پناہ گزینوں کی واپسی کی شرح کم دیکھی جاتی ہے۔
سرکاری اعدادوشمار کے مطابق رواں سال اب تک 30 ہزار سے زائد افراد چھوٹی کشتیوں کے ذریعے برطانیہ پہنچ چکے ہیں، جو پچھلے سال کی نسبت 37 فیصد زیادہ ہے۔
مزید پڑھیں:نومنتخب برطانوی وزیراعظم نے کابینہ کا اعلان کردیا، پاکستانی نژاد خاتون بھی شامل
صرف ہفتہ کے روز ایک ہزار سے زائد افراد پہنچے، جو ریکارڈ میں سب سے زیادہ دنوں میں شمار ہوتا ہے، برطانوی ہوم سیکریٹری نے اس صورتحال کو ’ناقابلِ قبول‘ قرار دیا۔
کنزرویٹو پارٹی کے رکن پارلیمنٹ اور شیڈو ہوم سیکریٹری کرس فلپ نے لیبر حکومت کو تنقید کا نشانہ بناتے ہوئے کہا کہ صرف سخت بیانات کافی نہیں، عملی اقدامات کرنا ہوں گے، ان کے مطابق برطانیہ کو ان ممالک کی امداد بھی ختم کر دینی چاہیے جو اپنے شہریوں کو واپس لینے سے انکار کرتے ہیں۔
اجلاس میں غیر قانونی ہجرت کے علاوہ آن لائن بچوں کے جنسی استحصال اور نشہ آور ادویات کے پھیلاؤ پر بھی بات ہوئی، اجلاس میں امریکی ہوم لینڈ سیکیورٹی سیکریٹری کرسٹی نوم، کینیڈا کے وزیر برائے پبلک سیفٹی گیری آنندا سنگھ، آسٹریلیا کے وزیر داخلہ ٹونی برک اور نیوزی لینڈ کی وزیر جوڈتھ کولنز نے شرکت کی۔
مزید پڑھیں: برطانیہ میں پرتشدد مظاہرے جاری، 6 دن میں 400 سے زائد شہری گرفتار
شبانہ محمود کی ہوم سیکریٹری کے طور پر تقرری کو وزیر اعظم کی جانب سے ایک واضح پیغام سمجھا جا رہا ہے کہ حکومت غیر قانونی ہجرت اور پناہ کے معاملات کو اپنی بڑی ترجیحات میں شامل رکھے گی۔
دفاعی سیکریٹری جان ہیلی نے بھی اس بات کی تصدیق کی ہے کہ حکومت پناہ گزینوں کو ہوٹلوں سے منتقل کر کے فوجی تنصیبات یا دیگر متبادل جگہوں پر رکھنے کے منصوبے پر غور کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا امریکا آن لائن برطانوی ویزے برطانیہ پناہ جنسی استحصال شبانہ محمود غیر قانونی ہجرت کینیڈا نشہ آور ادویات نیوزی لینڈ ہوم سیکریٹری ویزا پالیسی.
ذریعہ
ذریعہ: WE News
کلیدی لفظ: ا سٹریلیا امریکا ا ن لائن برطانوی ویزے برطانیہ پناہ جنسی استحصال کینیڈا نشہ آور ادویات نیوزی لینڈ ہوم سیکریٹری ویزا پالیسی ہوم سیکریٹری
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار