خیبرپختونخوا میں بارش کا نیا سلسلہ شروع، سیاحتی مقامات پر رش بڑھ گیا
اشاعت کی تاریخ: 3rd, April 2025 GMT
پشاور(نیوز ڈیسک)صوبہ خیبرپختونخوا میں بارش اور تیز ہواؤں کا نیا سلسلہ داخل ہو گیا ہے عید کے تیسرے روز سے میدانی علاقوں میں بارش کے بعد موسم خوشگوار ہو گیا ہے جبکہ بالائی علاقوں میں سردی لوٹ آئی ہے۔
پچھلے 24 گھنٹے کے دوران پشاور، مردان، صوابی، نوشہرہ، بنوں اور ڈی آئی خان میں وقفے وقفے سے بارش کے ساتھ تیز ہواؤں کا سلسلہ جاری ہے جبکہ ملاکنڈ اور سوات کے بالائی علاقوں میں بھی ہلکی بوندا باندی ہوئی۔
چراٹ ، پشاور اور ڈی آئی خان میں ایک ملی میٹر بارش ریکارڈ کی گئی ہےاور محکمہ موسمیات کا کہنا ہے کہ ملاکنڈ، چترال، دیر، سوات اور گلیات میں آج مزید بارش کا امکان ہے۔
بارش اور ہوائیں چلنے کے بعد درجہ حرارت بھی کافی گر گیا ہے جبکہ بالائی علاقوں گلیات، ناران، کمراٹ، سوات اور کالام میں سردی میں اضافہ ہوا ہے۔
خیبرپختونخوا کے سیاحتی مقامات میں بارش کے بعد رش میں اضافہ ہو گیا ہے۔ عید کے صرف تین دنوں میں 3 لاکھ 6 ہزار 215 سیاح سیر کے لیے گئے۔ دو لاکھ گیارہ ہزار سیاحوں نے سوات کا رخ کیا جبکہ وادی ناران میں 4 ہزار 111 سیاح سیر کے لیے پہنچے۔
محکمہ سیاحت کے مطابق گلیات میں 28 ہزار سیاح گئے اور کمراٹ کا رخ 16 ہزار 400 سیاحوں نے کیا جبکہ 71 غیر ملکی سیاح بھی خیبرپختونخوا کی سیر کرنے آئے۔
ترجمان محکمہ سیاحت سعد بن اویس کا کہنا ہے کہ بارش کے باوجود سیاحتی پوائنٹس پر رش بڑھ رہا ہے۔
سوات اور ناران میں رش کی وجہ سے ٹریفک کی روانی متاثر ہوئی تاہم ٹریفک رواں دواں رکھنے کے لیے محکمہ سیاحت کے انتظامی اہلکار اور ٹریفک پولیس کے اہلکار موجود ہیں۔
ٹورزم اتھارٹی کا کہنا ہے کہ بارش کی وجہ سے سیاحتی مقامات کی سڑکیں بند ہونے کی کوئی اطلاعات نہیں ملیں تاہم ضلعی انتظامیہ کسی بھی ناخوشگوار واقعہ سے نمٹنے کے لیے الرٹ ہے۔
لینڈ سلائڈنگ سے شاہراہیں بند
بالائی حصوں میں کچھ مقامات پر بارش کے بعد لینڈ سلائڈنگ ہوئی جس کی وجہ سے ٹریفک معطل ہے۔ اپر چترال تریچ، کھوژ، سور لاسپور اور یارخون گاؤں کے چند مقامات پر لینڈ سلائڈنگ سے روڈز بند ہیں۔
ان مقامات میں برفانی تودے گرنے کی وجہ سے مرکزی شاہراہ بھی دو روز سے ٹریفک کے لیے بند ہے تاہم انتظامیہ کی جانب سے شاہراہوں کو کھولنے کے لیے کام جاری ہے۔
مزیدپڑھیں:کیا سوزوکی کمپنی مہران گاڑی کی پروڈکشن دوبارہ شروع کرنے جا رہی ہے؟
ذریعہ: Daily Ausaf
کلیدی لفظ: کی وجہ سے بارش کے گیا ہے کے بعد کے لیے
پڑھیں:
لاہور، تاریخی مقامات پر تھوکنے، کوڑا پھینکنے اور توڑ پھوڑ پر جرمانہ ہوگا
غیر قانونی تعمیرات یا تجاوزات پر اب پانچ سال تک قید اور 20 لاکھ روپے تک جرمانہ عائد کیا جا سکے گا۔ بل میں عوامی نظم و ضبط اور صفائی کے حوالے سے بھی سخت اقدامات تجویز کیے گئے ہیں، عوامی مقامات پر تھوکنے یا کوڑا کرکٹ پھینکنے،تاریخی مقامات پر توڑ پھوڑ پر 10 ہزار روپے تک جرمانہ عائد ہوگا۔ اسلام ٹائمز۔ پنجاب حکومت نے تاریخی ورثے کے تحفظ اور فروغ کیلئے نیا قانون متعارف کرا دیا۔ اس قانون کے تحت ”پنجاب والڈ سٹیز اینڈ ہیریٹیج ایریاز اتھارٹی“ کا دائرہ کار لاہور سے بڑھا کر پورے پنجاب تک وسیع کر دیا گیا ہے۔ اس حوالے سے باقاعدہ بل پنجاب اسمبلی میں پیش کر دیا گیا ہے۔ بل کے متن کے مطابق اتھارٹی کو اختیار حاصل ہو گا کہ وہ کسی بھی عمارت کو نوٹیفکیشن کے ذریعے خطرناک قرار دے سکے گی۔
غیر قانونی تعمیرات یا تجاوزات پر اب پانچ سال تک قید اور 20 لاکھ روپے تک جرمانہ عائد کیا جا سکے گا۔ بل میں عوامی نظم و ضبط اور صفائی کے حوالے سے بھی سخت اقدامات تجویز کیے گئے ہیں، عوامی مقامات پر تھوکنے یا کوڑا کرکٹ پھینکنے،تاریخی مقامات پر توڑ پھوڑ پر 10 ہزار روپے تک جرمانہ عائد ہوگا۔ نئی اتھارٹی کی چیئرپرسن وزیر اعلیٰ پنجاب خود ہوں گی، جبکہ چیف سیکرٹری وائس چئیرپرسن ہوں گے۔ بل کو مزید غور و خوض کیلئے پنجاب اسمبلی کی متعلقہ کمیٹی کے سپرد کر دیا گیا ہے جو دو ماہ میں رپورٹ پیش کرے گی۔ بل کی حتمی منظوری رائے شماری کے ذریعے دی جائے گی۔
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل