آرٹیفیشل انٹیلیجنس کے دنیا بھر میں روزگار پر تباہ کن اثرات، اقوام متحدہ نے خبردار کردیا
اشاعت کی تاریخ: 3rd, April 2025 GMT
NEWYORK:
اقوام متحدہ نے خبردار کرتے ہوئے کہا ہے کہ عالمی سطح پر مصنوعی ذہانت (اے آئی) کی مارکیٹ 2033 تک 4.8 ٹریلین ڈالر تک پہنچنے کا امکان ہے، جو جرمنی جیسی ترقی یافتہ معیشت کے حجم کے تقریباً برابر ہے اور عالمی سطح پر تقریباً نصف ملازمتیں ممکنہ طور پر متاثر ہو سکتی ہیں۔
اقوام متحدہ کی رپورٹ میں بتایا گیا ہے کہ گوکہ مصنوعی ذہانت اقتصادی تبدیلی کے لیے اہم مواقع فراہم کرتی ہے لیکن ساتھ ہی موجودہ عدم مساوات کو مزید گہرا کرنے کے باعث ہوسکتی ہے۔
اقوام متحدہ کی تجارت اور ترقی کی ایجنسی (اے سی ٹی اے ڈی) نے اپنی رپورٹ میں خبردار کیا کہ مصنوعی ذہانت دنیا بھر میں 40 فیصد ملازمتوں کو متاثر کر سکتی ہے، جو پیداوار میں اضافے کے ساتھ ساتھ خودکاری اور ملازمتوں کے بے دخلی کے خدشات بھی پیدا کرتی ہے۔
رپورٹ میں بتایا گیا ہے کہ ماضی میں ملازمتوں کو متاثر کرنے کا باعث بننے والی ٹیکنالوجیکل تبدیلیوں کے برعکس اے آئی کا اثر زیادہ تر علم پر مبنی شعبوں پر پڑنے کا امکان ہے اور اس سے ترقی یافتہ معیشتیں سب سے زیادہ متاثر ہو سکتی ہیں۔
اقوام متحدہ کے ادارے نے نشان دہی کی کہ مصنوعی ذہانت پر مبنی خودکاری کے فوائد اکثر سرمایہ کو محنت پر فوقیت دیتے ہیں، جو خاص طور پر ترقی پذیر معیشتوں میں عدم مساوات کو بڑھا سکتا ہے۔
رپورٹ میں زور دیتے ہوئے کہا گیا ہے کہ یہ معیشتیں بڑے چیلنجز کا سامنا کر رہی ہیں، انہیں ڈیجیٹل انفرا اسٹرکچر میں سرمایہ کاری، مصنوعی ذہانت کی صلاحیتوں کو بڑھانے اور حکمرانی کو مستحکم کرنے پر توجہ مرکوز کرنی چاہیے تاکہ مصنوعی ذہانت کو پائیدار ترقی کے لیے استعمال کیا جا سکے۔
یو این سی ٹی اے دی کی سیکریٹری جنرل اکریبیکا گرن اسپان نے مصنوعی ذہانت کی ترقی میں انسانوں کو مرکزی حیثیت دینے کی اہمیت پر زور دیا اور عالمی مصنوعی ذہانت کے فریم ورک کو مشترکہ طور پر تخلیق کرنے کے لیے مضبوط بین الاقوامی تعاون کی اپیل کی۔
انہوں نے کہا کہ اگرچہ ٹیکنالوجی کی ترقی اقتصادی ترقی کو فروغ دیتی ہے، یہ مساوی آمدنی کی تقسیم یا جامع انسانی ترقی کی ضمانت نہیں دیتی،2023 میں جدید ٹیکنالوجیز بشمول مصنوعی ذہانت، بلاک چین اور 5G نے 2.
ان کا کہنا تھا کہ2033 تک مصنوعی ذہانت اس شعبے کی سب سے اہم ٹیکنالوجی بن جائے گی، تاہم، مصنوعی ذہانت کے انفرا اسٹرکچر اور ماہرین تک رسائی ابھی چند معیشتوں میں مرکوز ہے، جہاں صرف 100 کمپنیاں عالمی کارپوریٹ تحقیق اور ترقی کے اخراجات کا 40 فیصد حصہ ہیں، جو زیادہ تر امریکا اور چین میں ہیں۔
اقوام متحدہ کے ادارے نے حکومتوں پر زور دیا کہ وہ ہدایات پر فوراً عمل کریں، ڈیجیٹل انفرا اسٹرکچر میں سرمایہ کاری اور ورک فورس کی مطابقت کے لیے اقدامات کریں تاکہ مصنوعی ذہانت نئے صنعتوں اور ملازمتوں کے مواقع پیدا کرے۔
رپورٹ میں عالمی سطح پر مصنوعی ذہانت کے کردار کو اپنانے کی ضرورت پر بھی زور دیا گیا، خاص طور پر ترقی پذیر ممالک کے لیے تاکہ یہ یقینی بنایا جا سکے کہ مصنوعی ذہانت محدود مفادات کے بجائے عالمی ترقی میں معاون ہو۔
ذریعہ: Express News
کلیدی لفظ: کہ مصنوعی ذہانت اقوام متحدہ رپورٹ میں کے لیے
پڑھیں:
غزہ صحافیوں کے لیے خطرناک ترین خطہ ہے، سیکریٹری جنرل اقوام متحدہ
دنیا بھر میں صحافیوں کے قتل کے تقریباً 10 میں سے 9 واقعات تاحال حل طلب ہیں۔
اقوام متحدہ کے سیکرٹری جنرل انتونیو گوتریس نے صحافیوں کے عالمی دن کے موقع پر اپنے پیغام میں کہا کہ غزہ اس وقت دنیا میں صحافیوں کیلئے سب سے خطرناک خطہ ثابت ہوا ہے، اور آج کے دن عالمی سطح پر صحافیوں کیلئے انصاف کا مطالبہ کیا جانا چاہیے۔
یہ بھی پڑھیں: 200 سال کی جنگوں سے زیادہ صحافی غزہ میں مارے گئے، جیکسن ہنکل
انتونیو گوتریس نے کہا کہ یہ تشویشناک امر ہے کہ صحافیوں کے قتل کے بیشتر کیسز میں تفتیش آگے نہیں بڑھتی اور مجرموں کو سزا نہیں ملتی، جس کے باعث تشدد کا سلسلہ بڑھتا ہے اور جمہوری اصول کمزور ہوتے ہیں۔ ان کے مطابق سزا نہ ملنا صرف ناانصافی نہیں بلکہ صحافتی آزادی پر براہِ راست حملہ ہے۔
صحافیوں کے قتل کی شفاف تحقیقات کا مطالبہاقوام متحدہ کے سیکریٹری جنرل نے حکومتوں پر زور دیا کہ وہ صحافیوں کے قتل کے ہر کیس کی شفاف تحقیقات کریں، ذمہ داروں کو قانون کے کٹہرے میں لایا جائے اور ایسے ماحول کی ضمانت دی جائے جہاں صحافی بغیر دباؤ اور خوف کے اپنا پیشہ ورانہ فریضہ انجام دے سکیں۔
یہ بھی پڑھیں: ’45 دن ایسے گزرے جیسے 45 سال‘، فلسطینی صحافی کی غزہ میں اپنی رپورٹنگ پر مبنی یادداشتیں شائع
انہوں نے کہا کہ جب صحافیوں کی آواز دبائی جاتی ہے تو حقیقت، شفافیت اور انسانی حقوق بھی دب جاتے ہیں، اس لیے صحافتی آزادی کا دفاع اجتماعی ذمہ داری ہے اور اسے ہر قیمت پر برقرار رکھا جانا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اقوام متحدہ انتونیو گوتریس صحافی شہید غزہ فلسطین
ترکیہ برطانیہ سے 20 یورو فائٹر طیارے خریدے گا، معاہدے طے