بلوچستان کے مسئلے کو مذاکرات کے ذریعے حل نکالا جائے، کاظم میثم
اشاعت کی تاریخ: 5th, April 2025 GMT
اپوزیشن لیڈر جی بی اسمبلی نے کہا کہ بلوچستان کے حقوق کے لیے جمہوری اور عوامی جدوجہد کرنے والوں کا راستہ نہ روکا جائے بلخصوص ماہ رنگ جو کہ بلوچستان کی بیٹی ہیں انہیں رہا کر کے مذاکرات کے ذریعے مسئلے کا حل نکالا جائے۔ اسلام ٹائمز۔ اپوزیشن لیڈر گلگت بلتستان اسمبلی و پارلیمانی لیڈر ایم ڈبلیو ایم جی بی کاظم میثم نے جمہوری وطن پارٹی کے رہنما نواب اکبر بگٹی کا پوتا سابق صوبائی وزیر بلوچستان نوابزادہ گہرام بگٹی سے ٹیلی فون پر بات چیت کی۔ انہوں نے گہرام بگٹی کی جانب سے دی گئی لانگ مارچ کی کال اور بلوچستان کی مجموعی صورتحال پر تبادلہ خیال کیا۔ اپوزیشن لیڈر نے اپنے سیاسی رفیق سے کہا کہ حقوق سے محروم گلگت بلتستان کے عوام بلوچستان کی محرومیوں کو اچھی طرح سمجھ سکتے ہیں۔ بلوچستان ہو یا گلگت بلتستان، کراچی ہو یا خیبر پختوانخواہ موجودہ فاشسٹ رجیم کے ظلم کی چکی میں پس رہا ہے۔ ہم ہر مظلوم کے حامی ہیں۔ گہرام بگٹی نے کہا کہ بلوچستان میں ہماری ماوں بہنوں کو بھی گرفتار کیا جا رہا ہے جو کہ ناقابل برداشت ہے۔ انہوں نے کہا کہ احتجاج ہمارا آئینی و جمہوری حق ہے لیکن اسے بھی روکنے کی کوشش ہو رہی ہے۔ بلوچستان کے عوام کے مینڈینٹ کو جب تک واپس نہیں کیا جائے گا نہ سیاسی استحکام آسکتا ہے اور نہ معاشی۔
انہوں نے مشکل وقت میں حمایت پر اپوزیشن لیڈر اور گلگت بلتستان کے عوام کا شکریہ ادا کرتے ہوئے کہا کہ ملک کے دونوں سروں پر موجود گلگت بلتستان اور بلوچستان کے عوام کی محرومی نکتہ اشتراک ہے۔ ہم ایک دوسرے کے حقوق کے لیے آواز بلند کرتے رہیں گے۔ گہرام بگٹی نے لانگ مارچ کے لیے 72 گھنٹوں کا وقت دیا تھا بلوچستان حکومت نے انہیں لانگ مارچ سے قبل گرفتار کر لیا ہے۔ بلوچ خواتین کی رہائی انکا پہلا مطالبہ تھا۔ ان کی گرفتاری کی اپوزیشن لیڈر نے مذمت کرتے ہوئے کہا کہ جمہوری جدوجہد کو روکنے کے بھیانک نتائج آئیں گے۔ لانگ مارچ اور احتجاج عوام کا بنیادی حق ہے۔ گہرام بگٹی اور دیگر گرفتار سیاسی رہنماوں کو رہا کیا جائے۔ بلوچستان کے حقوق کے لیے جمہوری اور عوامی جدوجہد کرنے والوں کا راستہ نہ روکا جائے بلخصوص ماہ رنگ جو کہ بلوچستان کی بیٹی ہیں انہیں رہا کر کے مذاکرات کے ذریعے مسئلے کا حل نکالا جائے۔
ذریعہ: Islam Times
کلیدی لفظ: اپوزیشن لیڈر گلگت بلتستان کہ بلوچستان بلوچستان کے بلوچستان کی گہرام بگٹی لانگ مارچ کے عوام کہا کہ کے لیے
پڑھیں:
انجمن امامیہ گلگت نے نماز عید کے اجتماعات کا شیڈول جاری کر دیا
عید کی نماز کا پہلا عظیم الشان اجتماع امامیه عیدگاہ جٹیال میں منعقد ہوگا، جہاں نماز عید صبح 7:00 بجے باجماعت ادا کی جائے گی۔ دوسرا اجتماع آغا خان شاہی اسٹیڈیم گلگت میں منعقد کیا جائے گا، جہاں نماز عید صبح 7:30 بجے ادا کی جائے گی۔ اسلام ٹائمز۔ مرکزی انجمن امامیہ گلگت بلتستان اور ہیئت آئمہ جماعت گلگت کا ایک اہم اجلاس مرکزی دفتر میں صدر انجمن امامیہ سید شرف الدین کاظمی کی زیر صدارت منعقد ہوا۔ اجلاس میں نماز عید الاضحی کے انتظامات کے حوالے سے تفصیلی غور و خوض کیا گیا۔ اجلاس میں عید کی نماز کے حوالے سے فیصلہ کیا گیا کہ گلگت میں دو جگہوں پر عید کی نماز ادا کی جائے گی۔ عید کی نماز کا پہلا عظیم الشان اجتماع امامیه عیدگاہ جٹیال میں منعقد ہوگا، جہاں نماز عید صبح 7:00 بجے باجماعت ادا کی جائے گی۔ دوسرا اجتماع آغا خان شاہی اسٹیڈیم گلگت میں منعقد کیا جائے گا، جہاں نماز عید صبح 7:30 بجے ادا کی جائے گی۔ اجلاس میں عوام سے کہا گیا کہ ضلعی انتظامیہ اور سیکیورٹی اداروں کے ساتھ بھرپور تعاون کی اپیل کی جاتی ہے تا کہ نماز عید کے اجتماعات پر امن ماحول میں منعقد ہوں۔ ٹریفک اور پارکنگ کے نظام میں سہولت کے لیے ٹریفک پولیس اور رضا کارانہ خدمات انجام دینے والے برادران کے ساتھ تعاون کریں۔
پی ایس ایل چھوڑنے والے مینڈس نے آئی پی ایل ٹیم کو فائنل سے باہر کروادیا