ہم ٹی وی کا فیک ٹوئٹ پر پروگرام، صحافتی معیار پر سوالیہ نشان
اشاعت کی تاریخ: 5th, April 2025 GMT
اسلام آباد (نیوز ڈیسک) ہم ٹی وی نے حال ہی میں جمعیت علمائے اسلام (ف) کے سربراہ مولانا فضل الرحمٰن کے نام سے منسوب ایک جعلی ٹوئٹ پر تحریک انصاف مخالف پروگرام نشر کیا، جس میں معروف صحافی اور حال ہی میں ایوارڈ حاصل کرنے والے مزمل سہروردی نے اپنے خیالات کا اظہار کیا۔
یہ ٹوئٹ جعلی ثابت ہونے کے باوجود ہم ٹی وی نے بغیر کسی تحقیق یا تصدیق کے اس پر 15 منٹ طویل پروگرام نشر کیا، جس پر پاکستان تحریک انصاف کی لیگل ٹیم کے رکن ڈاکٹر علی عمران نے سخت ردعمل دیا۔
ڈاکٹر علی عمران کا کہنا تھا کہ “پاکستانی صحافت کے زوال کی یہ داستان روز بروز مزید شرمناک ہوتی جا رہی ہے۔ جناب کو صحافتی ایوارڈ مل چکا ہے، مگر معیار یہ ہے کہ فیک ٹوئٹ پر پورا پروگرام کر ڈالا، بغیر کسی تصدیق کے، صرف ایجنڈا پورا کرنے کے لیے۔”
انہوں نے مزید طنز کیا کہ “ہم ٹی وی کے نالائقوں کو اگر اسلام آباد کے پلاٹوں پر ہاتھ صاف کرنے سے فرصت مل جائے، تو شاید صحافت بھی یاد آ جائے۔ اور اس ‘آڑو’ کو تو خاص طور پر چیک کرنا بنتا ہے کہ کہیں یہ بھی ریٹائرڈ کے کوٹے پر تو نہیں آیا؟”
معروف سوشل میڈیا صارف حامد حسین نے بھی اس پر اظہارِ خیال کرتے ہوئے کہا، “مجھے سمجھ نہیں آتی کہ لوگ خبر چلانے اور پروگرام میں تبصرہ کرنے سے پہلے تحقیق کیوں نہیں کرتے؟”
یہ واقعہ نہ صرف صحافتی بے احتیاطی بلکہ میڈیا میں تحقیق کے فقدان اور جانبدارانہ رپورٹنگ کے بڑھتے ہوئے رجحان کی عکاسی کرتا ہے، جس پر سوشل میڈیا صارفین اور صحافتی حلقوں میں شدید تنقید کی جا رہی ہے۔
پاکستانی صحافت کے زوال کی کہانی۔۔ ان جناب کو ابھی تمغہ بھی ملا ہے۔۔ شو میں پندرہ منٹ تک یہ فیک ٹویٹ چلا کر ڈسکس کرتا رہا۔۔ ہم ٹی وی کے نالکان کو اسلام آباد کے پلاٹوں پر ہاتھ صاف کرنے سے فرصت ملے تو اس آڑو کو بھی چیک کریں pic.
— Adeel Raja (@adeelraja) April 5, 2025
ذریعہ: Daily Ausaf
پڑھیں:
مفتاح اسماعیل کی کمپنی کو اربوں کے ٹھیکے،سینیٹ میں تہلکہ خیز انکشافات، وفاقی وزیرنے نیا پنڈورا باکس کھول دیا
سابق وزیرخزانہ مفتاح اسماعیل کی کمپنی کو اربوں روپے کے ٹھیکے، سینیٹ میں تہلکہ خیز انکشافات، وفاقی وزیر طارق فضل چودھری نے نیا پنڈورا باکس کھول دیا۔
ایوان بالاکے اجلاس میں اظہار خیال کرتے ہوئے وزیر پارلیمانی امور ڈاکٹر طارق فضل چوہدری نے کہا کہ بی آئی ایس پی کے تحت نشوونما پروگرام 2022ء میں شروع ہوا، جس کیلئے ابتدائی طور پر 2 ارب روپے مختص کئے گئے، اس پروگرام کا بنیادی مقصد دیہی علاقوں کی حاملہ خواتین اور کم غذائیت کے شکار بچوں کو متوازن خوراک فراہم کر کے انکی ذہنی اور جسمانی نشوونما کو بہتر بنانا تھا۔بعد ازاں اس پروگرام کی لاگت بڑھا کر 21.5 ارب روپے کر دی گئی اور بجٹ 2022-23ء میں اسوقت کے وزیر خزانہ مفتاح اسماعیل نے اعلان کیا کہ یہ پروگرام پورے ملک کے اضلاع میں توسیع پائے گا۔
مفتاح اسماعیل کی کمپنی کو اربوں روپے کے ٹھیکے، یہ طارق فضل چوہدری کیا انکشاف کر رہے پیں۔۔!! https://t.co/gIHzEZkYvR
— Khurram Iqbal (@khurram143) July 25, 2025
طارق فضل چوہدری کے مطابق پروگرام کی پروکیورمنٹ اور ترسیل کی ذمہ داری عالمی ادارہ خوراک(ڈبلیوایچ او) کو سونپی گئی جس میں کسی قسم کے پیپرا رولز شامل نہیں تھے۔ تمام پروکیورمنٹ ان کے انٹرنل نظام کے تحت کی جاتی تھی۔
پورے پاکستان میں انہوں نے اسماعیل انڈسٹریز لمیٹڈ کو شارٹ لسٹ کیا جو مفتاح اسماعیل کی ملکیتی کمپنی ہے ، اس پروگرام میں پیپرا رولز کے تحت پروکیورمنٹ نہیں کی گئی، جب سے اسکے فنڈ میں اضافہ کیا گیا ہے اس وقت سے آج تک تقریبا 97 ارب روپے اس پروگرام کے تحت تقسیم کئے گئے اور مفتاح اسماعیل کی انڈسٹری کو ہی ٹھیکہ دیا گیا۔
انہوں نے کہاکہ ابھی تک اس پر کوئی کارروائی نہیں ہوئی، ورلڈ فوڈ پروگرام کے تحت بی آئی ایس پی کا میکنزم اس وقت جوڑا گیا یہ انہی کو ذمہ داری دی گئی کہ آپ اپنے انٹرنل میکنزم سے اس پروکیورمنٹ اور ترسیل کو یقینی بنائیں گے اور ابھی تک اسی طرح چل رہا ہے،یہ معاملہ اس وقت کی کابینہ میں ڈسکس نہیں ہوا تھا کہ ہم نشوونما پروگرام میں دو ارب کے بجٹ کو 21 ارب سے زائد لے کر جا رہے ہیں، اگر ایوان کی رائے ہے کہ معاملہ متعلقہ کمیٹی کو بھجوا دیا جائے تو مجھے کوئی اعتراض نہیں ہوگا۔
حکومت نے ایک سال میں پاور سیکٹر میں نقصان کم کرکے ٹیکس پیئر کے 151 ارب روپے بچائے، وزیرتوانائی