تربیلا ڈیم میں کشتی دلدل میں پھنس گئی، 130 مسافروں کو ریسکیو کر لیا گیا
اشاعت کی تاریخ: 6th, April 2025 GMT
سٹی 42 : ہری پور میں تربیلا ڈیم میں مسافروں سے بھری کشتی دلدل میں پھنس گئی، جسے ریسکیو کرلیا گیا۔
ضلعی انتظامیہ کے مطابق ضلع تورغر سے آنے والی مسافروں سے بھری کشتی بیٹ گلی کے مقام پر دلدل اور کیچڑ میں پھنس گئی، 70 مسافروں کے لیے بنائی گئی کشتی میں خواتین اور بچوں سمیت 130 مسافر سوار تھے۔
اسسٹنٹ کمشنر حمزہ عباس کے زیر نگرانی ریسکیو آپریشن کامیاب رہا۔ ریسکیو آپریشن میں ضلعی انتظامیہ، ریسکیو 1122، پولیس اور ریونیو سٹاف شامل تھے۔کشتی میں پھنسے 130 مسافروں کو ریسکیو کر لیا گیا، مسافروں کو دوسری کشتیوں میں شفٹ کرکےپھنسی ہوئی کشتی کو دلدل سے نکالا گیا، ہری پور ضلعی انتظامیہ کی جانب سے ریسکیو کیے جانے والے مسافروں کو کھانے پینے کی اشیاء فراہم کی گئیں ۔
بہت بڑے ہاسپٹل کے سربراہ کو کورونا ہو گیا
ضلعی انتظامیہ نے بتایا کہ ہری پور کشتی میں بیٹھے کسی بھی مسافر کے پاس لائف جیکٹ موجود نہیں تھی۔ مزید یہ کہ کشتی میں 70 افرادکی گنجائش ہے، اور 130 مسافروں کو سوار کیا گیا تھا ، جو کہ گنجائش سےکہیں زیادہ ہے اور حفاظتی پروٹوکول کی خلاف ورزی ہے۔
ڈپٹی کمشنر ہری پور نے پولیس کو ہدایت کی کہ وہ کشتی چلانے والے اور دیگر ملوث افراد کو گرفتار کر کے ان کے خلاف قانونی کارروائی شروع کرے۔
عید الاضحیٰ کس روز، کس کس کی چھٹی ماری جائے گی
یاد رہے کہ ہری پور میں 4 سال قبل بھی اسی مقام پر کشتی حادثہ کا شکار ہوئی تھی۔ 4 سال قبل ڈوبنے والی کشتی میں سوار 40 سے ذائد مسافروں اور کشتی کا ابھی تک کوئی پتہ نا چل سکا۔
.ذریعہ: City 42
کلیدی لفظ: ضلعی انتظامیہ مسافروں کو کشتی میں ہری پور
پڑھیں:
لیبیا کشتی حادثہ: انسانی اسمگلنگ میں ملوث ایجنٹ گرفتار
ایف آئی اے نے لیبیا میں پیش آنے والے کشتی حادثے میں ملوث مبینہ انسانی اسمگلر کو گرفتار کر لیا۔
یہ بھی پڑھیں: لیبیا کے پانیوں میں ایک اور کشتی حادثہ، ڈوبنے والے پاکستانیوں کی تفصیلات منظر عام پر آگئیں
مذکورہ کارروائی ایف آئی اے کمرشل سرکل کوہاٹ نے کی اور گرفتار ملزم کی شناخت ریاض حسین کے نام سے ہوئی ہے جو کہ اکاخیل پاراچنار ضلع کرم کا رہائشی ہے۔
ایف آئی اے حکام کے مطابق ملزم کی گرفتاری اس وقت عمل میں آئی جب امیگریشن کی خصوصی عدالت (سینٹرل) پشاور نے ملزم کی قبل از گرفتاری ضمانت کی درخواست مسترد کر دی۔
ملزم کو ایف آئی آر نمبر 13/2025 کے تحت دفعات 3-6 پی ایس ایم اے 2018، 22 ای او 1979 اور 109 پی پی سی کے تحت مقدمہ میں نامزد کیا گیا ہے۔
حکام نے بتایا کہ ملزم فروری 2025 میں لیبیا کے ساحل کے قریب کشتی الٹنے کے واقعے میں جاں بحق ہونے والے شعیب حسین ساکن پاراچنار ضلع کرم کو غیر قانونی طور پر بیرون ملک بھیجنے میں ملوث ہے۔
تحقیقاتی رپورٹ کے مطابق، شعیب حسین کے لواحقین کی جانب سے ملزم کے بینک اکاؤنٹ میں 36 لاکھ روپے کی رقم منتقل کی گئی تھی تاکہ اسے لیبیا پہنچایا جا سکے۔
مزید پڑھیے: مشرقی لیبیا میں تارکین وطن کی ایک اور کشتی ڈوب گئی، 4 پاکستانیوں کی لاشیں برآمد
تحقیقات کے دوران یہ بات بھی سامنے آئی کہ اس کام ان کا ایک اور ساتھی بھی ملوث ہے جس کی شناخت افتخار عرف ملنگ کے نام سے ہوئی ہے جو اس وقت مبینہ طور پر لیبیا میں انسانی اسمگلنگ کا نیٹ ورک چلا رہا ہے۔
ایف آئی اے کوہاٹ نے گرفتار ملزم کے 5 بینک اکاؤنٹس منجمد کر دیے ہیں جن میں مجموعی طور پر 6 ملین روپے سے زائد رقم موجود ہے۔
مزید پڑھیں: لیبیا کشتی حادثہ میں ملوث بین الاقوامی گینگ کا اہم کارندہ گرفتار
ملزم کو مزید تفتیش کے لیے ایف آئی اے آفس کوہاٹ منتقل کر دیا گیا ہے جہاں اس سے انسانی اسمگلنگ کے نیٹ ورک اور دیگر ملوث افراد کے بارے میں معلومات حاصل کی جا رہی ہیں۔
ایف آئی اے حکام کے مطابق واقعے کی مزید چھان بین جاری ہے اور جلد مزید گرفتاریاں متوقع ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسانی اسمگلر گرفتار انسانی اسمگلنگ کوہاٹ لیبیا کشتی حادثہ
پنجاب حکومت نےبجٹ پیش کرنے کی تاریخ تبدیل کردی