عمران خان سے مشاورت ہوچکی، احتجاج پر لائحہ عمل کا اعلان جلد کر دیا جائے گا، شیخ وقاص اکرم
اشاعت کی تاریخ: 7th, April 2025 GMT
پشاور ( اُردو پوائنٹ اخبارتازہ ترین۔ 07 اپریل 2025ء ) پاکستان تحریک انصاف کے سیکریٹری اطلاعات شیخ وقاص اکرم کا کہنا ہے کہ پارٹی کے قائد عمران خان سے مشاورت ہوچکی ہے اور اب احتجاج پر لائحہ عمل کا اعلان جلد کر دیا جائے گا۔ پارٹی امور پر گفتگو کرتے ہوئے انہوں نے کہا کہ تحریک انصاف ایک بڑی سیاسی جماعت ہے اندرونی اختلافات فطری بات ہے، تحریک انصاف کے علاوہ ملک میں کوئی ایسی سیاسی جماعت نہیں جس کے اندر احتساب کمیٹی ہو، عمران خان نے اپنی حکومت میں اپنے وزراء پر احتساب کمیٹی بنائی ہے، انہیں یہ پروا نہیں ہے کہ میڈیا یا مخالفین کیا کہیں گے۔
پاکستان تحریک انصاف کے سیکریٹری اطلاعات کہتے ہیں کہ وزیراعلٰی خیبرپختونخواہ اپنے قائد عمران خان سے ملاقات کا استحقاق رکھتے ہیں لیکن انہیں بھی ڈیڑھ ماہ تگ و دو کے بعد ملنے دیا گیا، اس کے علاوہ عدالتی احکامات کے باوجود عمران خان کے وکلاء اور فیملی ممبران کی ملاقات نہیں ہو سکی، اب پی ٹی آئی کی جانب سے گرینڈ الائنس کے ساتھ احتجاج پر لائحہ عمل کا اعلان جلد کر دیا جائے گا اس ضمن میں عمران خان سے مشاورت ہو چکی ہے۔(جاری ہے)
بجلی قیمتوں سے متعلق وزیراعظم کے اعلان پر انہوں نے کہا کہ فی یونٹ قیمت میں ن لیگی حکومت نے 30 سے 35 روپے اضافہ کیا، دو سال بعد اس میں 7 فیصد کمی کو یہ اپنی معاشی کامیابی بتا رہےہیں، تحریک انصاف کے دور میں بجلی کا فی یونٹ تمام ٹیکس ملا کر بھی 19 سے 20 روپے تھا، اپریل 2022ء میں یہ آئی ایم ایف کی وجہ سے 30 روپے تک گیا لیکن اب یہی یونٹ ٹیکس ملا کر 60 روپے تک عوام کو پڑ رہا ہے، اب شہباز شریف یہ بتا دیں کہ 25 روپے والا یونٹ سستا تھا یا آج جو یہ بڑھکیں مار رہے ہیں کہ 7 روپے کمی کر دی وہ سستا ہے؟۔ ن لیگی شخصیات کے بیانات پر کا پاکستان تحریک انصاف کی جانب سے جواب دیتے ہوئے شیخ وقاص اکرم نے کہا کہ عوامی مینڈیٹ سے محروم فارم سینتالیس زدہ ٹولہ گلے پھاڑ پھاڑ کر جھوٹ بولنے اور عوام کو گمراہ کرنے کے خواب دیکھ رہا ہے، تاریخ نے ثابت کیا ہے کہ ن لیگ ملک اور اس کی سیاست کیلئے ہمیشہ ایک لعنت اور وبال ثابت ہوئی ہے، جب جب پاکستان میں جمہوریت پر آنچ آئی ہے نون لیگ آمریت کا مرکزی مہرہ بنی ہے اور اس نے قوم کے مفادات کو بیچا ہے، پاکستان کے مستقبل کو بیچ کر ان سیاسی قزاقوں نے اپنی سیاست اور اقتدار کا الو سیدھا کرنے کی کوشش کی ہے، خود سر سے لے کر پیروں تک دھڑوں اور گروہوں میں بٹی جماعت ملک کی سب سے بڑی نظریاتی اور جمہوری جماعت میں تقسیم کے خواب دیکھ رہی ہے، عمران خان کی قیادت میں تحریک انصاف پوری طرح متحد اور سیاسی قزاقوں سے ملک بچانے کیلئے یکسو ہے۔ ترجمان تحریک انصاف کا کہنا ہے کہ بجلی کی قیمتوں میں نمائشی کمی کا ڈھنڈورا پیٹنے والوں سے قوم بجلی کی قیمت میں کم و بیش 4 سو فیصد اضافے کا حساب مانگ رہی ہے، عوامی مینڈیٹ اور منشاء کے برعکس قوم پر مسلط کئے جانے والوں کے ہاتھوں تین سال سے جاری معاشی تباہی کا حساب بھی عوام کے ایجنڈے میں سرفہرست ہے، سیاسی انتشار کو ہوا دیکر ناجائز اور حرام اقتدار کو طول دینے کے منصوبے اب مزید کامیاب نہیں ہوں گے، قوم اپنے مینڈیٹ کی واپسی اور سیاست و حکومت سے نالائق، نکمے اور مجرم عناصر کی بے دخلی کیلئے ایک فیصلہ کن جدوجہد کی جانب بڑھ رہی ہے، عوام ہرگز اپنی آئندہ نسلوں کو چور اچکّوں اور ان کی نئی نسل کے رحم و کرم پر چھوڑنے پر آمادہ نہیں، پاکستان کی بقا و سلامتی جمہوریت کی بحالی، دستور کی حرمت کے تحفظ، قانون کی حکمرانی اور عوام کی حقیقی آزادی میں پوشیدہ ہے جنہیں درباریوں کے شور و غل سے دھندلایا نہیں جا سکتا۔.ذریعہ: UrduPoint
کلیدی لفظ: تلاش کیجئے تحریک انصاف کے
پڑھیں:
عمران خان کے بیٹے پاکستان آئیں گے یا نہیں؟ علیمہ خان نے واضح کردیا
پاکستان تحریک انصاف کے بانی عمران خان کی بہن علیمہ خان نے کہا ہے کہ قاسم اور سلیمان اپنے والد سے ملاقات کے لیے پاکستان آئیں گے۔
اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ میری بہنیں نورین نیازی اور عظمیٰ خان آج عمران خان سے ملاقات کے لیے آئیں مگر اجازت نہیں دی گئی۔ پہلے 6،6 افراد کو ملاقات کی اجازت ہوتی تھی، پھر یہ 2 بہنوں تک محدود کردی گئی اور آج تو تمام بہنوں کی ملاقات بند کردی گئی۔
انہوں نے کہاکہ آج عمران خان اور ان کی اہلیہ بشریٰ بی بی کے درمیان ملاقات ہوئی، جبکہ وکیل ظہیر عباس چوہدری کو بھی ملاقات کی اجازت دی گئی۔ عدالتی احکامات کی کھلم کھلا خلاف ورزی کی جارہی ہے۔
علیمہ خان نے مزید کہاکہ عمران خان نے کہا ہے کہ ان سے پہلے بلے کا انتخابی نشان چھینا گیا، اب مخصوص نشستیں بھی چھین لی گئیں، وہ عدالت میں پیش ہو کر قانونی جنگ لڑنا چاہتے ہیں۔
ان کے مطابق عمران خان کا کہنا تھا کہ پاکستان کی معاشی حالت تاریخ میں کبھی اتنی خراب نہیں ہوئی، ڈاکوؤں اور نالائقوں کا اتحاد بن چکا ہے، جیسا اتحاد نائجیریا میں ہوتا ہے۔ ملک میں اشرافیہ وسائل لوٹ رہی ہے، اور اس اتحاد نے معیشت کو تباہ کردیا ہے، اب عوام کو کھڑا ہونا ہوگا۔
ان کے مطابق عمران خان نے کہاکہ ملک میں جھوٹی گواہیوں پر سزائیں سنائی جارہی ہیں، اب دیکھنا یہ ہے کہ لاہور کا جج ان جھوٹی گواہیوں پر کیا فیصلہ دیتا ہے۔
علیمہ خان نے بتایا کہ عمران خان نے کہا ہے کہ قانون کی بالادستی کے لیے تحریک چلانا ہوگی، پارٹی کو ہدایت دی ہے کہ سب متحد ہو کر تحریک پر توجہ دیں۔ تحریک کا اعلان اس لیے کیا گیا ہے کیونکہ تمام قانونی راستے بند ہوچکے ہیں۔
انہوں نے کہا کہ تحریک کی حکمت عملی پارٹی طے کرے گی، عمران خان کے بچے پاکستان آئیں گے کیونکہ ان کے پاس نائیکوپ ہے، وہ اپنے والد سے ملاقات کریں گے۔
علیمہ خان نے مزید کہا کہ عمران خان کو مکمل طور پر قید تنہائی میں رکھا گیا ہے، جیل سپرنٹنڈنٹ جھوٹ بول رہا ہے۔ عمران خان نے سپرنٹنڈنٹ اور کرنل کا نام لے کر کہا ہے کہ وہ ان کے ساتھ سخت رویہ اختیار کر رہے ہیں۔
انہوں نے کہا کہ سینیٹ انتخابات پر پارٹی اپنا مؤقف پیش کرے گی، عمران خان کو جیل میں رہنے کے باعث بیرونی حالات کا علم نہیں۔
اسی موقع پر پی ٹی آئی کے وکیل سلمان اکرم راجہ نے بھی میڈیا سے گفتگو کرتے ہوئے کہا کہ 9 مئی کے مقدمات میں سزائیں دینا انتہائی افسوسناک عمل ہے، ہم سپریم کورٹ سے رجوع کریں گے اور قانونی جنگ لڑیں گے۔
انہوں نے واضح کیا کہ ان کی ظہیر عباس سے کوئی علیحدہ ملاقات نہیں ہوئی۔ پارٹی کے اندر اختلافِ رائے معمول کا حصہ ہے، یہ کوئی غیر معمولی بات نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بانی پی ٹی آئی بشریٰ بی بی سلیمان سینیٹ انتخابات علیمہ خان عمران خان قاسم ملک گیر تحریک وی نیوز
صرف غریب نہیں، بڑی صنعتیں، فرنس آئل پلانٹس بھی بجلی چوری میں ملوث ہیں: وزیرِ توانائی