سلیم خان نے سلمان سے 6 ماہ تک بات کیوں نہیں کی؟
اشاعت کی تاریخ: 7th, April 2025 GMT
بالی ووڈ سپر اسٹار سلمان خان کا شمار انڈسٹری کے سب سے مشہور اداکاروں میں ہوتا ہے۔ نہ صرف ہندوستان بلکہ دنیا بھر میں ان کی بہت بڑی فین فالوونگ ہے۔ حال ہی میں ان کے والد سلیم خان نے اعتراف کیا کہ انہوں نے سلمان سے چھ ماہ تک بات نہیں کی تھی۔
بھارتی میڈیا کی رپورٹ کے مطابق مشہور فلم رائٹر سلیم خان نے یہ بھی اعتراف کیا کہ سلمان خان ان کی واحد ایسی اولاد ہیں جن کو انہوں نے سب سے زیادہ ڈانٹا۔
حال ہی میں بھارتی میڈیا سے گفتگو میں سلیم خان نے اپنے بیٹے سلمان خان کے ساتھ اپنے تعلقات کے ایک مشکل دور کے بارے میں بات کی۔ انہوں نے اعتراف کیا کہ ایک وقت تھا جب انہوں نے چھ ماہ تک سلمان سے بات نہیں کی تھی۔ انہوں نے مزید کہا کہ جب بھی سپر اسٹار نے کوئی ایسا کام کیا جسے وہ پسند نہیں کرتے یا محسوس کرتے کہ اس نے کچھ غلط کیا ہے تو وہ اس سے بات کرنا چھوڑ دیتے ہیں۔
سلیم خان نے بتایا کہ اس دوران سلمان خان خاموشی سے ان سے بچتے تھے، بعض اوقات بغیر بات چیت کے گھر سے باہر نکل جاتے تھے اور آخر کار، وہ واپس آکر اپنی غلطی کا اعتراف کرتے اور معافی مانگتے تھے۔
سلیم خان نے بتایا کہ جب وہ اپنے تمام بچوں کو ڈانٹتے تھے، تو سلمان کو ان کی ڈانٹ اور غصے کا سب سے زیادہ سامنا کرنا پڑتا تھا کیونکہ وہ سب سے بڑا تھا۔
اپنے بچپن کو یاد کرتے ہوئے سلیم خان نے بتایا کہ وہ کس طرح اپنے والد کے قدموں کی آواز سے ہی ڈر کر سیدھے ہوجایا کرتے تھے۔ تاہم انہوں نے اپنے بچوں کے ساتھ بہت دوستانہ انداز اپنایا اور دوستی بنا کر اپنے اور بچوں کے درمیان جڑیں مضبوط کیں۔
.
ذریعہ: Express News
کلیدی لفظ: سلیم خان نے انہوں نے
پڑھیں:
حکومت سیلاب متاثرین کے لیے عالمی امداد کی اپیل کیوں نہیں کر رہی؟
ملک بھر میں مون سون بارشوں کے بعد 26 جون سے اب تک آنے والے سیلاب نے بڑی تباہی مچائی ہے۔ اب تک 998 افراد جاں بحق ہو چکے ہیں، پنجاب میں 5 لاکھ ایکڑ زرعی زمین متاثر ہوئی ہے۔
اسی طرح فصلوں کو بھاری نقصان پہنچا ہے، جبکہ گھر اور سڑکیں بھی شدید متاثر ہوئے ہیں، مجموعی نقصان کا تخمینہ 409 ارب روپے یعنی تقریباً 1.4 ارب ڈالر لگایا جا رہا ہے۔
اس سب کے باوجود حکومت نے تاحال بین الاقوامی اداروں اور دوست ممالک سے امداد کی اپیل نہیں کی۔
یہ بھی پڑھیں: سیلاب متاثرین کے لیے وفاق کو فوری فلیش اپیل کرنی چاہیے، وزیراعلیٰ سندھ
وی نیوز نے یہ جاننے کی کوشش کی کہ پیپلز پارٹی کے مطالبے کے باوجود حکومت نے ابھی تک امداد کی اپیل کیوں نہیں کی ہے۔
وفاقی وزیر ڈاکٹر طارق فضل چوہدری نے وی نیوز سے گفتگو کرتے ہوئے کہا کہ حکومت نے فی الحال بین الاقوامی امداد کی اپیل کا فیصلہ نہیں کیا۔ ان کے مطابق 2022 میں آنے والے سیلاب کے بعد امداد کی اپیل کی گئی تھی مگر اس کا تجربہ زیادہ مثبت نہیں رہا تھا۔
’اس وقت امداد کم ملی تھی جبکہ زیادہ تر مالی مدد آسان قرضوں کی صورت میں دی گئی تھی۔‘
انہوں نے کہا کہ فی الحال نقصانات کا مکمل تخمینہ نہیں لگایا جا سکا، اور جب تک تخمینہ مکمل نہیں ہوتا، امداد کی اپیل نہیں کی جا سکتی۔
ڈاکٹر طارق فضل چوہدری نے مزید کہا کہ پیپلز پارٹی حکومت کی اتحادی ہے اور اس کے مطالبے کا بھی جائزہ لیا جا رہا ہے۔
’حکومت کوئی بھی فیصلہ اتحادی جماعتوں کی مشاورت سے ہی کرے گی۔‘
مزید پڑھیں: بھارت کی آبی جارحیت: پنجاب میں پھر سیلابی صورت حال، جلال پور پیر والا شہر خالی کرنے کا حکم
پیپلز پارٹی کی رہنما سینیٹر شیری رحمان نے سیلاب متاثرین کی امداد کے لیے اپیل میں تاخیر پر تبصرہ کرتے ہوئے کہا کہ حکومت کو منی بجٹ پر بحث کے بجائے عالمی امداد کے موجودہ ذرائع کو متحرک کرنا چاہیے۔
’۔۔۔جیسا کہ 2022 میں کیا گیا تھا، پاکستان کو اقوام متحدہ سے ہنگامی بنیادوں پر مدد کی اپیل کرنی چاہیے تاکہ متاثرہ خاندانوں کو فوری ریلیف فراہم کیا جا سکے۔‘
واضح رہے کہ 2022 کے سیلاب کے بعد جنوری 2023 میں جینیوا ڈونرز کانفرنس کے دوران حکومت پاکستان کی اپیل پر مجموعی طور پر 9 ارب ڈالر کی امداد کے وعدے کیے گئے تھے۔
ان میں اسلامی ترقیاتی بینک کے 4.2 ارب ڈالر، ورلڈ بینک کے 2 ارب ڈالر اور ایشیائی ترقیاتی بینک کے 1.5 ارب ڈالر کے وعدے شامل تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتحادی پیپلز پارٹی ڈاکٹر طارق فضل چوہدری شیری رحمان مجموعی نقصان کا تخمینہ منی بجٹ
روس کی تیار کردہ کینسر ویکسین ابتدائی تجربات میں 100 فیصد مؤثر،علاج میں بڑی پیشرفت