26 نومبر کے پرتشدد احتجاج، بشری بی بی کی عبوری ضمانت کی درخواستوں کی سماعت 29 اپریل تک ملتوی
اشاعت کی تاریخ: 8th, April 2025 GMT
راولپنڈی (اُردو پوائنٹ اخبارتازہ ترین - آن لائن۔ 08 اپریل2025ء) انسداد دہشت گردی راولپنڈی کی خصوصی عدالت نے تحریک انصاف کے سابق چیئرمین کی اہلیہ بشریٰ بی بی کے خلاف 26 نومبر کے پر تشدد احتجاج کے بعد درج مقدمات میں عبوری ضمانت کی درخواستوں کی سماعت 29 اپریل تک ملتوی کردی ہے اور بشریٰ بی بی کو 26 نومبر کے حوالے سے اٹک میں درج مقدمات میں شامل تفتیش ہونے کی ہدایت کی ہے عدالت نے تحریک انصاف کے جنرل سیکریٹری سلمان اکرم راجہ کی عبوری ضمانت میں بھی21 اپریل تک توسیع کردی ہے گزشتہ روز سماعت کے موقع پر بشریٰ بی بی کے خلاف 26 نومبر کے مقدمات میں عبوری ضمانت درخواستوں پر بحث ہونا تھی تاہم عدالت نے کسی کاروائی کے بغیر سماعت 29 اپریل تک ملتوی کردی اس موقع پر عدالت کو بتایا گیا کہ راولپنڈی کے 26 نومبر کیسوں میں تاحال تفتیش مکمل نہیں ہوئی جبکہ عدالت نے بشریٰ بی بی کو اٹک کے 26 نومبر کیسوں میں شامل تفتیش ہونے کا حکم دیا ہے اور تفتیشی افسر کو حکم دیا کہ آئندہ تاریخ تک تفتیشی پراسس مکمل کر کے رپورٹ پیش کی جائے عدالت نے پی ٹی آئی سیکرٹری جنرل سلمان اکرم راجہ کی عبوری ضمانت میں 21 اپریل تک توسیع کر دی پولیس نے سلمان اکرم کو 5 اکتوبر احتجاج کے مقدمات میں نامزد کیا تھا عدالت نے آئندہ تاریخ تک تفتیشی مکمل کر کے رپورٹ پیش کرنے کا حکم دیا ہے۔
.ذریعہ: UrduPoint
کلیدی لفظ: تلاش کیجئے مقدمات میں عدالت نے نومبر کے اپریل تک
پڑھیں:
زمان پارک کیس میں اہم پیش رفت، عدالت نے گواہوں کو طلب کر لیا
سانحہ 9 مئی کے سلسلے میں زمان پارک میں پولیس کی گاڑیاں جلانے کے مقدمے میں عدالت نے گواہوں کو طلب کرلیا۔ انسداد دہشت گردی عدالت کے ایڈمن جج منظر علی گل کے روبرو سانحہ 9 مئی زمان پارک میں پولیس کی گاڑیاں جلانے کے مقدمے کی سماعت ہوئی، جس میں عدالت نے پراسیکیوشن کے گواہوں کو شہادت ریکارڈ کرانے کے لیے طلب کر لیا ۔ دورانِ سماعت عدالتی عملے نے جیل میں ملزمان کی حاضری مکمل کی، جن میں سے زیر حراست ملزمان میں ڈاکٹر یاسمین راشد، عمر سرفراز چیمہ، اعجاز چوہدری اور میاں محمود الرشید شامل ہیں جب کہ ملزمان کی جانب سے رانا مدثر عمر اور میاں علی عمار ایڈووکیٹ عدالت میں پیش ہوئے۔ بعد ازاں عدالت نے مقدمے کے جیل ٹرائل کی کارروائی کل تک کے لیے ملتوی کر دی ۔ یاد رہے کہ تھانہ ریس کورس نے زمان پارک میں پولیس کی گاڑیاں جلانے کا مقدمہ درج کر رکھا ہے ، جس میں پی ٹی آئی رہنماؤں پر کارکنان کو 9 مئی بغاوت اور فسادات پر اکسانے کا الزام ہے دریں اثنا سانحہ 9 مئی کے مقدمات میں زیر حراست پی ٹی آئی رہنماؤں کی ضمانت کی درخواست پر سماعت عدالت نے 8 نومبر تک ملتوی کردی اور آئندہ سماعت پر وکیل سے ضمانتوں پر دلائل طلب کرلیے۔ عدالت نے پراسیکیوشن کو بھی ضمانتوں پر دلائل کی ہدایت کردی۔
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف