بانی پی ٹی آئی کی بہنیں گھر روانہ ہوگئیں
اشاعت کی تاریخ: 8th, April 2025 GMT
ویب ڈیسک : راولپنڈی کے اڈیالہ جیل کے باہر سے حراست میں لی گئیں پاکستان تحریک انصاف کے بانی عمران خان کی تینوں بہنیں گھر روانہ ہوگئیں۔
عمران خان کی بہنوں علیمہ خان، نورین اور عظمیٰ خان کو اڈیالہ جیل جانے سے روک دیا گیا تھا۔ راولپنڈی پولیس نے بانی پی ٹی آئی سے ملاقات کے لیے آنے والی تینوں بہنوں کو حراست میں لے کر مقامی شادی ہال منتقل کیا اور گھر جانے کی ہدایت کی۔اڈیالہ جیل سے ہٹائے جانے والوں میں بانی پی ٹی آئی کے ایک کزن اور اتحادی رہنما حامد رضا بھی شامل تھے۔ بانی پی ٹی آئی کی بہنوں کے ساتھ پولیس ٹیم بھی مقامی شادی ہال میں بدستور موجود رہی تاہم بہنوں نے ہال میں دھرنا دیا۔بعدازاں بانی پی ٹی آئی کی تینوں بہنیں اپنے وکلا کے ہمراہ گھرجانے پررضامند ہوگئیں جس کے بعد پولیس انہیں لیکر شادی ہال سے روانہ ہوگئی۔
سریے اور سیمنٹ کی تازہ ترین قیمتیں سامنے آگئیں
بانی پی ٹی آئی کی تینوں بہنیں اور کزن قاسم نیازی اپنے گھر روانہ ہوگئے اور صاحبزادہ حامد رضا بھی علیمہ خان کی گاڑی میں روانہ ہوئے۔موٹروے چکری انٹرچینج کے قریب سب پولیس کی گاڑی سے نکل کرذاتی گاڑی میں بیٹھے، علیمہ خان، عظمیٰ خان اور نورین خان گاڑی کی پچھلی نشست پر بیٹھیں جبکہ قاسم نیازی نے گاڑی ڈرائیو کی اور صاحبزادہ حامد رضا فرنٹ سیٹ پربیٹھے۔
اس سے قبل جیل کے باہر تحریک انصاف کارکنوں اور پولیس میں تصام بھی ہوا ،کارکنوں کے پتھراؤ پر پولیس نے کئی ایک کو حراست میں لے لیا، متعدد فرار ہوگئے تاہم حراست میں لیے ارکان کو بھی بعد میں رہا کردیا گیا۔ ذرائع کے مطابق تحریک انصاف کے رہنما عاطف خان کی بھی پولیس اہلکاروں سے تلخ کلامی ہوئی۔ دوسری جانب چیئرمین پی ٹی آئی بیرسٹر گوہراور بیرسٹر علی ظفر سمیت 6 وکلا رہنماؤں کو بانی پی ٹی آئی سے ملاقات کی اجازت ملی۔
یتیم ،بچوں کو ایس او ایس ویلجز میں چھت، معیاری تعلیم فراہم کرنا قابل تحسین : مریم نواز
.ذریعہ: City 42
کلیدی لفظ: بانی پی ٹی آئی خان کی
پڑھیں:
ایرانی صدر مسعود پزشکیان 2 روزہ سرکاری دورے پر آج پاکستان پہنچیں گے
ایرانی صدر شام کو لاہور پہنچیں گے جہاں وہ مزارِ اقبال پر حاضری دیں گے۔ گورنر کی جانب سے ان کے اعزاز میں عشائیہ بھی دیا جائے گا۔ جس کے بعد معزز مہمان اسلام آباد روانہ ہو جائیں گے۔ اسلام ٹائمز۔ ایرانی صدر مسعود پزشکیان 2 روزہ سرکاری دورے پر آج پاکستان پہنچیں گے۔ وزیراعلیٰ پنجاب مریم نواز اور وفاقی وزیر میاں ریاض حسین پیرزادہ معزز مہمان کا استقبال کریں گے۔ ایرانی صدر اپنے قیام کے دوران صدرمملکت آصف علی زرداری سے ملاقات کریں گے۔ وزیراعظم شہباز شریف اور ایرانی صدر کے وفود کی سطح پر مذاکرات ہوں گے۔ ایرانی صدر شام کو لاہور پہنچیں گے جہاں وہ مزارِ اقبال پر حاضری دیں گے۔ گورنر کی جانب سے ان کے اعزاز میں عشائیہ بھی دیا جائے گا۔ جس کے بعد معزز مہمان اسلام آباد روانہ ہو جائیں گے۔
قاسم، سلمان خوشی سے آئیں ،پی ٹی آئی کی تحریک سے کوئی خوف نہیں، عرفان صدیقی