اڈیالہ جیل پنجاب حکومت کے ماتحت ہے، ہمایوں مہمند
اشاعت کی تاریخ: 9th, April 2025 GMT
لاہور:
پی ٹی آئی کے سینیٹر ہمایوں مہمند نے کہا ہے کہ پہلے سنتے تھے انصاف اندھا ہوتا ہے مگر یہ اب گونگا، بہرہ اور لنگڑا لولا بھی ہوگیا ہے۔
انھوں نے ایکسپریس نیوزکے پروگرام اسٹیٹ کرافٹ میں گفتگوکرتے ہوئے انھوں نے کہا کہ اڈیالہ جیل پنجاب حکومت کے ماتحت ہے اس میں وہ لوگ بیٹھے ہیں جن کا مینڈیٹ چوری ، ڈکیتی کا ہے وہ عمران خان سے ملاقات نہیں ہونے دیتی، آج کبھی بہنوں کونہیں ملنے نہیں دیتے، بیٹوں کوبات نہیں کرنے دی جاتی، یہ پرتشدددورحکومت ہے۔
مسلم لیگ(ن) کے سینیٹر افنان اللہ خان نے کہا کہ کیا عمران خان سے ملاقات کرانا نہ کرانا قومی مسئلہ ہے؟، کیا مجرم سے ملاقات ہوسکتی ہے؟، پی ٹی اصئی والے خود بھی یہی بولتے تھے وہ ہماری ملاقاتیں نہیں ہونے دیتے تھے جبکہ گذشتہ ایک برس میں عمران خان کی ہزارسے زائد ملاقاتیں ہوئی ہیں، کس قیدی کی اتنی ملاقاتیں ہوتی ہیں؟،نہروں کے معاملے پر پیپلزپارٹی ان بورڈ ہوگی تو کوئی بھی کام ہوگا ورنہ نہیں ہوگا، وہ ہمارے اتحادی ہیں ان کے بغیرحکومت نہیں چل سکتی۔
پیپلزپارٹی کی رہنما شرمیلا فاروقی نے کہا کہ ہماری قیادت نے بھی قید وبند کی صعوبتیں برداشت کیں، پی ٹی آئی جب اقتدار میں تھی تو ان کے سیاسی مخالفین نے بہت مشکلات کائیں، عمران خان کی سب سے ملاقاتیں ہوتی ہیں، ہمارے تو رہنما شہید ہوگئے، عمران خان کے ساتھ ملاقات سے زیادہ کئی بڑے ملکی مسائل ہیں، اپوزیشن کی حیثیت سے پی ٹی آئی کو نہروں کے معاملے پربات کرنا چاہیے، ان کی سیاست کا محور عمران خان کی رہائی ہے،انھیں نیشنل سیکیورٹی کانفرنس میں بیٹھنا چاہیے تھا، صدر آصف زرداری رسمی صدر مملکت ہیںوہ کوئی منصوبہ منظور یاروک نہیں سکتے۔
ذریعہ: Express News
پڑھیں:
معروف پاکستانی ادارکارہمایوں سعیدکا اپنی بیوی کے پاؤں دبانے کا انکشاف
کراچی (اوصاف نیوز)پاکستانی فلم انڈسٹری کے معروف اداکار ہمایوں سعید نے اپنی ازدواجی زندگی کے کچھ انوکھے اور دلچسپ پہلوؤں سے پردہ اٹھاتے ہوئے انکشاف کیا ہے کہ وہ اپنی اہلیہ کے پاؤں تک دباتے ہیں۔
ہمایوں سعید نے اپنی اہلیہ ثمینہ احمد کے ساتھ تعلقات پر بات کرتے ہوئے انہوں نے بتایا کہ شادی کے ابتدائی دنوں میں محبت اتنی گہری نہیں تھی، لیکن وقت کے ساتھ یہ رشتہ مضبوط سے مضبوط تر ہوتا گیا۔
ہمایوں نے مسکراتے ہوئے ایک دلچسپ شکایت کی کہ ان کی بیوی نے آج تک ان سے ’’آئی لو یو‘‘ نہیں کہا، حالانکہ وہ ہمیشہ ان کا خیال رکھتی ہیں۔ ’’میں خود اکثر انہیں فون پر ’آئی لو یو‘ اور ’آئی مس یو‘ کہتا ہوں، لیکن ان کی طرف سے ایسا کوئی جواب نہیں آتا‘‘۔
اداکار نے زور دے کر کہا کہ حقیقی محبت صرف الفاظ تک محدود نہیں ہوتی۔ ’’محبت میں عزت اور بھروسہ ضروری ہے۔ میں اپنی بیوی سے صرف زبانی نہیں، بلکہ اپنے رویے اور عمل سے بھی محبت کا اظہار کرتا ہوں‘‘۔
ہمایوں نے اپنی ازدواجی زندگی کا ایک مزیدار واقعہ بھی شیئر کیا۔ انھوں نے بتایا کہ ’’جب میری بیوی ناراض ہوتی ہیں، چاہے غلطی میری نہ بھی ہو، میں انہیں منانے کےلیے ان کے پاؤں تک دبا لیتا ہوں۔ میں معافی مانگتا ہوں اور جب تک وہ راضی نہ ہوجائیں، ان کے پاؤں دباتا رہتا ہوں‘‘۔
یہ انکشافات ہمایوں سعید نے ایک انٹرویو کے دوران کیے، جہاں انہوں نے اپنی شادی کے ابتدائی دنوں سے لے کر موجودہ دور تک کے سفر پر روشنی ڈالی۔ ان کا کہنا تھا کہ آج ان کی زندگی کا تصور بھی اپنی اہلیہ کے بغیر ادھورا لگتا ہے۔
یاد رہے کہ ہمایوں سعید اور ثمینہ احمد کی شادی کو دو دہائیوں سے زائد کا عرصہ گزر چکا ہے، اور ان کا یہ رشتہ شوبز انڈسٹری میں مثالی سمجھا جاتا ہے۔
ملک بھر میں عیدالاضحیٰ کا دوسرا روز، گوشت کی تقسیم اور دعوتوں کا سلسلہ جاری
سمبڑیال ضمنی الیکشن: پی ٹی آئی نے دھاندلی کا الزام عائد کردیا