دنیا بھر میں رہنے والے پاکستانیوں کے لیے خوشخبری، پاسپورٹ کا حصول آسان ہوگیا
اشاعت کی تاریخ: 9th, April 2025 GMT
دنیا بھر میں رہنے والے پاکستانیوں کے لیے پاسپورٹ کا حصول اب مزید آسان ہوگیا ہے، شہری اب موبائل فون ایپ کے ذریعے ای پاسپورٹ حاصل کرسکتے ہیں، فیس آن لائن جمع ہوگی جبکہ پاسپورٹ بن کر گھر آجائے گا۔
یہ بھی پڑھیں: دنیا کے کمزرو ترین پاسپورٹس میں پاکستان کہاں کھڑا ہے؟
ڈی جی پاسپورٹ مصطفی جمال قاضی کے مطابق موبائل ایپ میں نئے سیکیورٹی فیچرز بھی ہوں گے، جن میں 10 انگلیوں کے نشانات اور چہرے کی شناخت بھی شامل ہوگی، شہری دنیا میں کہیں سے بھی بیٹھ کر پاسپورٹ پراسیس کروا سکتے ہیں، پاسپورٹ بن کر ان کے گھروں میں پہنچ جائے گا، یہ موبائل ایپ آئندہ 2 مہینوں میں عوام کو دستیاب ہوگی، ویب ایپلی کیش پہلے ہی عوام کو دستیاب ہے۔
مصطفی جمال قاضی کا کہنا ہے کہ جب انہوں نے چارج سنبھالا تو 16 لاکھ پاسپورٹ زیر التوا تھے اور ایک بڑا بحران تھا۔
یہ بھی پڑھیں: کراچی: میگا سینٹر ناظم آباد پاسپورٹ آفس کا افتتاح، 24 گھنٹے کام کرے گا
’ لیمینیشن پیپر نہیں تھا، اس میں سیکیورٹی سیاہی نہیں تھی، مشینری بہت پرانی تھی، وزیراعظم شہباز شریف نے بہت ساتھ دیا، وزیرداخلہ محسن نقوی نے بھی معاملات ہینڈل کیے، اس سے بڑھ کے سیکریٹری خزانہ اور وزیرخزانہ نے ہمارے لیے معاملات مزید آسان کردیے۔‘
انہوں نے کہا کہ ڈائریکٹوریٹ جنرل آف پاسپورٹ اینڈ امیگریشن کی عمارت کو کریٹیکل انفراسٹریکچر کا اسٹیٹس دے دیا گیا ہے تاکہ کوئی غیر متعلقہ شخص یہاں داخل نہ ہوسکے، یہاں پر کام کرنے والے ملازمین پر بھی متعلقہ شعبے کے علاوہ دوسرے حصوں پر جانے پر پابندی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امیگریشن پاسپورٹ پاکستان مصطفی جمال قاضی.ذریعہ: WE News
کلیدی لفظ: امیگریشن پاسپورٹ پاکستان مصطفی جمال قاضی
پڑھیں:
کیک میں کیلے کے چھلکے، ذائقہ اور غذائیت دونوں کا حصول، خود آزما لیجیے؟
کیلا تو صحت کے لیے بیحد سودمند ہے ہی لیکن اس کے چھلکوں میں بھی بے شمار فوائد موجود ہیں۔
یہ بھی پڑھیں: گرین اور بلیک کے بعد اب نیلی چائے، حیرت انگیز فوائد
یہ ایسے فائدے ہیں کہ انہیں جاننے کے بعد کوئی بھی کیلا کھا کر اس کا چھلکا پھینکنے سے پہلے کئی بار سوچے گا ضرور۔
ایک نئی تحقیق سے پتا چلا ہے کہ کیلے کے چھلکوں کو ابال کر انہیں خشک کرلیا جائے اور پھر پیس کر بیک کی گئی اشیا میں اجزا کے طور پر استعمال کیا جائے تو اس میں ذائقہ بھی ہوگا اور غذایت بھی۔ کیلے کے چھلکے کا یہ پاؤڈر ذائقے اور فوائد کے لحاظ سے روایتی آٹے کو بھی پیچھے چھوڑ سکتا ہے۔ اگرچہ کیلے کے چھلکوں سے کھانا پکانا عجیب لگتا ہے لیکن اس کے نتائج بڑے زبردست ہیں۔
اس حوالے سے کچھ تجربات کیے گئے جن سے پتا چلا کہ 7.5 فیصد کیلے کے چھلکے کے آٹے سے تیار کیے گئے کیک کھانے والوں کو وہ بیحد مزے کا لگا۔ لوگوں نے عام کیک اور کیلے کے چھلکے والے کیک کے ذائقے میں کوئی خاص فرق محسوس نہیں کیا۔
مزید پڑھیے: واک: کھانے سے پہلے یا بعد میں سودمند؟
لوگوں نے پایا کہ کرسٹ سے افزودہ کیک فائبر، میگنیشیم، پوٹاشیم اور اینٹی آکسیڈنٹس سے بھرپور ہوتے ہیں جو دائمی بیماریوں اور
کینسر سے لڑنے میں مدد کرتے ہیں۔
گندم کے آٹے میں کیلے کے چھلکے کی ملاوٹگندم کے آٹے میں اگر 10 فیصد کیلے کے چھلکے کا ملا دیا جائے تو روٹی میں پروٹین، کاربوہائیڈریٹ اور چکنائی کی مقدار میں اضافہ ہو سکتا ہے۔
غذائیت کی اپنی قیمت کے علاوہ کیلے کے چھلکے کے آٹے میں ایسی خصوصیات پائی جاتی ہیں جو بیکڈ اشیا کی شیلف لائف کو بڑھانے میں مدد کرتی ہیں۔
کیلے کے چھلکے والے یہ کیک کمرے کے درجہ حرارت پر 3 ماہ تک اپنے معیار کو برقرار رکھتے ہیں۔ کیلے کے چھلکے کے کیک پر کی گئی ایک حالیہ تحقیق میں یہ بھی پتا چلا کہ پھل کا پیلا چھلکا اس کی غذائیت کو بڑھانے کے علاوہ بیکڈ پروڈکٹ میں
قدرتی فوڈ کلر کا بھی اضافہ کرتا ہے۔
اس کے ساتھ ساتھ کیلے کے چھلکے کھانا نہ صرف ایک صحت بخش آپشن ہے بلکہ یہ کھانے کے ضیاع کو کم کرنے میں بھی مدد
کرتا ہے۔
مزید پڑھیں: کینسر ہوگا یا نہیں، یہ بات لائف اسٹائل کیسے طے کرتا ہے؟
کیلے کے وزن کا تقریباً 40 فیصد اس کے چھلکے میں ہوتا ہے اور زیادہ تر وقت غذائیت سے بھرپور اس چھلکے کو پھینک دیا جاتا ہے۔
تو پھر کیا خیال ہے آپ کا، آزما لیا جائے کیلے کے چھلکے کے کمالات کو؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کیک اور کیلے کا چھلکا کیلے کے چھلکے کیلے کے چھلکے کے فوائد
پاکستان اور روس کا شراکت داری کو فروغ دینے پر اتفاق