کراچی: گلی سے گزرنے والی لڑکی پر آوارہ کتوں کا حملہ
اشاعت کی تاریخ: 9th, April 2025 GMT
کراچی کے علاقے گلشن حدید میں گلی سے گزرنے والی کمسن لڑکی پر آوارہ کتوں نے حملہ کر دیا جس میں وہ معجزانہ طور پر محفوظ رہی۔
تفصیلات کے مطابق گلشن حدید میں کمسن لڑکی گلی سے گزر رہی تھی کہ دو آوارہ کتوں نے اس کا تعاقب کیا اس دوران تیسرا چھوٹا کتا بھی بھگتا ہوا دکھائی دیا۔
دونوں بڑے آوارہ کتوں نے لڑکی کو گھیرے میں لے لیا اس دوران کمسن لڑکی کتوں سے بچنے کے لیے کوششیں کرتی ہوئی دکھائی دی جبکہ ایک آوارہ کتے نے لڑکی پر حملہ بھی کیا تاہم وہ محفوظ رہی۔
اس دوران گلی سے گزرنے والے موٹر سائیکل سوار نوجوان نے بروقت مداخلت کرتے ہوئے بچی کو آوارہ کتوں کے چنگل سے بچایا اور کتوں کو بھگا کر لڑکی کو محفوظ طریقے سے گلی بھی پار کرائی ۔ مذکورہ واقعہ منگل کی صبح پیش آیا۔
شہر میں ایک جانب آوارہ کتے نہ صرف موٹر سائیکل سواروں کا بھونکتے ہوئے ان کا تعاقب کرتے ہیں اور اس دوران موٹر سائیکل سوار بدحواسی میں گر بھی جاتے ہیں تو دوسری جانب گلیوں اور محلوں میں آوارہ کتوں کی بہتات کی وجہ خواتین اور کمسن بچوں کا گھروں سے باہر نکلنا بھی محال ہوگیا۔
شہریوں نے متعلقہ حکام سے مطالبہ کیا ہے کہ آوارہ کتوں سے شہریوں کو محفوظ بنانے کے لیے حکمت عملی اپنائی جائے تاکہ شہری کسی بھی غیر معمولی صورتحال سے محفوظ رہے سکیں۔
.ذریعہ: Express News
کلیدی لفظ: ا وارہ کتوں گلی سے
پڑھیں:
کراچی: ٹریفک کیمروں کی نگرانی کے دوران وائرل تصویروں پر ڈی آئی جی ٹریفک کا بیان آگیا
data-id="863a0a8" data-element_type="widget" data-widget_type="theme-post-content.default">
ڈپٹی انسپکٹر جنرل پولیس (ڈی آئی جی ٹریفک) کراچی پیر محمد شاہ نے کہا ہے کہ ٹریفک کنٹرول کیمروں کی نگرانی کے دوران شہریوں کی نجی سرگرمیوں سے متعلق وائرل ہونے والی دو تصاویر پر باضابطہ انکوائری جاری ہے۔ ایک نجی نیوز پروگرام میں گفتگو کرتے ہوئے انہوں نے بتایا کہ امکان ہے کہ پیر تک تحقیقاتی رپورٹ مکمل کرلی جائے گی تاکہ یہ واضح ہو سکے کہ یہ تصاویر واقعی ٹریفک کنٹرول کیمروں سے حاصل کی گئیں یا کسی نجی کیمرے سے۔
ڈی آئی جی ٹریفک نے شہریوں کو خبردار کرتے ہوئے کہا کہ نمبر پلیٹ میں ردوبدل یا اس پر جعلی اقدامات کے ذریعے ٹریفک کنٹرول سسٹم کو دھوکہ دینے والے افراد دراصل معمولی خلاف ورزیوں سے بچنے کی کوشش میں خود کو بڑے قانونی مسائل میں مبتلا کر رہے ہیں۔ انہوں نے واضح کیا کہ ایسی تمام گاڑیاں بلیک لسٹ کی جائیں گی اور پکڑے جانے پر براہِ راست مقدمہ درج کیا جائے گا۔
دوسری جانب، آئی جی سندھ غلام نبی میمن نے صوبے بھر میں بغیر نمبر پلیٹ چلنے والی گاڑیوں کے خلاف سخت کریک ڈاؤن کے احکامات جاری کیے ہیں اور متعلقہ افسران کو روزانہ کی بنیاد پر کارروائی کی رپورٹ جمع کرانے کی ہدایت دی ہے۔
محبت، بلیک میلنگ اور قتل، خوفناک واردات کی تفصیل سامنے آگئی