89 سالہ دھرمندر نے سنی دیول کی فلم کے پریمیئر میں بھنگڑا ڈال کر محفل لوٹ لی
اشاعت کی تاریخ: 10th, April 2025 GMT
بالی ووڈ کے لیجنڈری اداکار دھرمندر نے اپنے بیٹی سنی دیول کی نئی فلم ’جات‘ کے پریمیئر پر ڈھول کی تھاپ پر رقص کر کے مداحوں کے دل جیت لیے۔
ممبئی گزشتہ شب سنی دیول کی نئی فلم ’جات‘ کے پریمیئر کے موقع پر ان کے والد، مایہ ناز اداکار دھرمندر نے شرکت کر کے سب کی توجہ حاصل کر لی۔ حالیہ آنکھ کے آپریشن کے باوجود 89 سالہ اداکار نے نہ صرف پاپارازی کے لیے پوز دیے بلکہ ڈھول کی تھاپ پر بھنگڑا ڈال کر محفل کا رنگ جما دیا۔
دھرمندر کا خوشگوار موڈ میں اچانک ڈانس سوشل میڈیا پر وائرل ہو گیا ہے، جہاں مداح ان کی صحت اور جذبے کی تعریف کر رہے ہیں۔ مداحوں کا کہنا ہے کہ دھرمندر نے ثابت کردیا کہ ’ایج اِز جسٹ اے نمبر‘۔
View this post on InstagramA post shared by Viral Bhayani (@viralbhayani)
ایک اور ویڈیو میں سنی دیول کو اپنی کاسٹ کے ساتھ تقریب میں داخل ہوتے اور ڈھول کی تھاپ پر رقص کرتے دیکھا گیا۔ سنی دیول نے اپنی فلم کی کاسٹ کے ساتھ پاپرازی کیلئے پوز دیئے اور ان سے گفتگو بھی کی۔
یاد رہے کہ سنی دیول کی فلم ’جات‘ کو گوپی چند مالینی نے ڈائریکٹ کیا ہے اور یہ 10 اپریل کو ہندی، تامل اور تیلگو زبانوں میں ریلیز ہو رہی ہے۔ فلم ایکشن اور ڈرامہ سے بھرپور ہے جس میں رندیپ ہودا، وینیت کمار سنگھ، سائمی کھیر اور ریجینا کیساندرا بھی اہم کرداروں میں شامل ہیں۔
آخری مرتبہ سنی دیول اپنی فلم غدر 2 میں دکھائی دیئے تھے جس سنیما پر بلاک بسٹر ثابت ہوئی تھی۔
Post Views: 2.ذریعہ: Daily Mumtaz
کلیدی لفظ: سنی دیول کی
پڑھیں:
طاہرہ کشیب کیا سن کر ہنسنے اور رونے لگیں؟ آیوشمان کھرانا نے بتا دیا
آیوشمان کھرانہ اہلیہ طاہرہ کشیپ کے ہمراہ—تصویر بشکریہ سوشل میڈیابالی وُوڈ اداکار آیوشمان کھرانہ کا کہنا ہے کہ میری اہلیہ طاہرہ کشیپ کو یقین نہیں تھا کہ میں اداکار بن سکتا ہوں جبکہ میرے والد کی سخت توقعات نے مجھے کالج میں نمایاں کارکردگی دکھانے اور اداکاری کے خواب کو حقیقت بنانے میں مدد دی۔
بھارتی میڈیا کے مطابق حالیہ انٹرویو میں آیوشمان کھرانہ نے اس وقت کو یاد کیا جب وہ اور طاہرہ پنجاب یونیورسٹی میں ماس کمیونیکیشن کی ڈگری حاصل کرنے کے دوران ایک دوسرے کو ڈیٹ کر رہے تھے، انہوں نے انکشاف کیا کہ میں ہمیشہ سے طاہرہ سے شادی کرنا چاہتا تھا۔
انہوں نے بتایا کہ ایک دن طاہرہ نے مجھ سے پوچھا کہ تم زندگی میں کیا کرنے کا ارادہ رکھتے ہو؟ پیسے کیسے کماؤ گے؟ میں نے اسے بتایا کہ میں اداکار بننا چاہتا ہوں۔
آیوشمان نے بتایا کہ اس موقع پر طاہرہ بیک وقت ہنسنے اور رونے لگیں، یہ سوچ کر کہ میں اداکار کیسے بن سکتا ہوں، میں اس وقت ایک کتابی کیڑا یا پڑھاکو قسم کا نوجوان تھا، میری شکل دیکھ کر کوئی پیشگوئی نہیں کر سکتا تھا کہ میں اداکار بن جاؤں گا، یہاں تک کہ طاہرہ کو بھی مجھ پر یقین نہیں تھا، میں نے اپنے خود کے یقین پر بہت زیادہ بھروسہ کیا۔
بھارتی اداکار اور گلوکار آیوشمان کھرانہ نے انکشاف کیا ہے کہ والدین سے بچپن میں خوب مار کھائی ہے۔
انہوں نے اپنے والد کی وہ شرط بھی بتائی جس کے بعد انہیں اداکاری کرنے کی اجازت ملی اور کہا کہ میرے والد نے ایک شرط رکھی کہ اگر میں آرٹ کی فیلڈ اپنا کر تھیٹر کرنا چاہتا ہوں تو مجھے کالج میں ٹاپ کرنا ہو گا، تو میں نے 3 سال تک اپنے کالج میں ٹاپ کیا کیونکہ میں تھیٹر میں کیریئر بنانا چاہتا تھا، یہ مشکل تھا، لیکن وہ چاہتے تھے کہ کچھ اچھا ہو، چونکہ میں شاہ رخ خان کا مداح تھا، میں نے محسوس کیا کہ ایک تعلیم یافتہ اداکار بننا بہتر ہے، شاہ رخ سے زیادہ ذہین کوئی نہیں ہے، ان کے نقشِ قدم پر چلتے ہوئے میں نے بھی ماس کمیونیکیشن کی تعلیم حاصل کی اور بالآخر ممبئی پہنچ گیا۔
آیوشمان کو حال ہی میں فلم تھما میں دیکھا گیا تھا، آدتیہ سرپوتدار کی ہدایت کاری میں بننے والی فلم میں رشمیکا مندانا، نواز الدین صدیقی، فیصل ملک اور پاریش راول نے بھی اہم کردار ادا کیے ہیں۔
دیوالی پر ریلیز ہونے والی اس فلم نے اب تک دنیا بھر میں باکس آفس پر 155.25 کروڑ بھارتی روپے کا کاروبار کیا ہے۔
آیوشمان اپنی اگلی فلم ’پتی، پتنی اور وہ ٹو‘میں نظر آئیں گے جو 2019ء کی ہٹ فلم ’پتی، پتنی اور وہ‘ کا سیکوئل ہے۔
اس فلم میں سارہ علی خان، وامیکا گبّی اور راکول پریت سنگھ بھی جلوہ گر ہوں گی، یہ فلم 4 مارچ 2026ء کو ریلیز ہو گی۔
غزہ میں اسرائیلی جنگی جرائم سے متعلق 16 ہزار دستاویزات ریکارڈ